|
Re: تعالوا نوثّق لمحمود . (Re: Tumadir)
|
فكرة اكتر من روعة يا حبيبا
و بهدي القصيدة دي و هي رثاء للراحل من تأليف الزميل فاروق ابو حوة- لكل محبي العملاق او الحواتة كم ا يحب ان يطلق عليهم
أمس . وقعت شمس و عمتنا صيف. الخطوه دونك سيف في خاصرة الوطن الأسيف دفقة عشا حرقة حشا و عتره فوق نصل الوجع يا حسره في الليل المخيف جرح إنفتق زول إتنتق قبال يطيب جسد البلد الفقرا و الخاطر الكسيف وقعت شمس مات النضم سكت السكات طال الوجع فوق للحدود بتق حزن ناحت دروب صامت بلود جنت خلوق يبست حلوق هبرت مروق غرب شروق حفر الدمع صم الخدود يا صايد النجم البعيد ما شفنا ريح هدالو طود كنت بتغني و بي صبر كان بي رضاك و ما جبر كشحولك الهم و الجمر جلدوك قدام الخلوق و إيديك قابضه علي العمود فوق دربك الدغري العديل يا زول نضيف ما كنت زيف كنت الصمود يا سلام يا زول عبر هبر الشروك .. صلف الغجر فتح النشبد أسلم ممر كسر الرتابه و الجمود يا فكة الريقه الصباح يا زولنا يا محمود كنت بتغني للغبش و القارع المويه الدغش العيشتو في الورنيش يكُش و النومو في المجري بيخش طمنتو إنو الدنيا لسه فيها خير مطراً إرش سويتلو من الغنيه دش و بنيتلو فوق الغيمه عش لكن منو البفهم غناك و منو البفسر للطُرش ناس المشاريع الدمار الهمها تسرق تغُش و تجيك في عز النهار تحلب لبن وطنك تخُش يا زول عتيق ما كنت ضيق شايف الوطن أصدق صديق لكن قصارنا الفي النظر شايفنك إنت عدو و لدود دفروك شان تركب كسير مركب عفاناتم تفوت أغروك بي جنة نعيم زربوها بي سمح النعوت ما فادت حناساتم إباك و لا إنكسر جواك صوت إنت الحلفت تروح عليل و لا تخون يوم البيوت ما كان كلام أو قول خليل يوم مالغبش سموك حوت الله عليك و إنت الجميل جوه القلوب . ما أظن تموت. سبحانو ياخ نفس يوم مشي مصطفي صدفه دي و الله إصطفا ؟ يا يناير الجن العجيب سبعطاشرك مجحفه زول طيب أصيل كامل تمام الإحتفا قدامي كان زي الشمس شايل البلد تاج من وفا ساند اليتامي علي المراضي علي المغاريم الحفا دافع مصاريف الدروس لي أسره لايكاها الضروس لكن كمان متعففه ما إتضارا من محتاج و زاغ لابس طواقي الإختفا عايش فقير شان الصغير أحلامو ماف هم يعصفا الجاره و الخاله التجيك حالاً تساعد و تنصفه و الضاربو زيف سيف العوز يلقاك عالم من دفا شايل هموم الناس جميع ما اتغابا طرفك و يوم غفا رغم إنو محتاجين تكون فينا الجميل الما جفا رغم إنو أرهقناك كتير و بلدنا منك ما أكتفا لكن كمان لساك بخير كل القلوب تهواك كتير ما تقول رحيل كتفا لو إنت غنيت يا وفير لمن معاك كمل العمير ما كنا قلنالك كفي لكن خلاص كان المصير يطعنا سفرك من قفا يا زولنا ما سكت الرباب و لا أنقفل تالاك باب نحن ما درنا الفراق و الله ما درنا الفراق الصابنا بي أكبر مصاب لكن إرادة المولي حق مسطوره في أصدق كتاب عافين عليك زاملتنا بالإلفه و الحب و الصفا عافين عليك عاملتنا بي كل مشاعر مرهفه عافين عليك جملتنا كيف الدموع ما نزرفه إنت الوحيد الفينا كان شايل همومنا و عازفه لمن نلاقي مصيرنا يوم بنبادلك الحب و الوفا يالله طيب مرقدو جوه الجنان الوارفه يا ربي أديهو النعيم أغفر ذنوبو و نضفه محمود يكون في رحمتك و ثمار جنانك يقطفه يارب
|
|
|
|
|
|
|
العنوان |
الكاتب |
Date |
تعالوا نوثّق لمحمود . | حبيب نورة | 01-22-13, 01:45 AM |
Re: تعالوا نوثّق لمحمود . | حبيب نورة | 01-22-13, 01:53 AM |
Re: تعالوا نوثّق لمحمود . | حبيب نورة | 01-22-13, 01:55 AM |
Re: تعالوا نوثّق لمحمود . | Tumadir | 01-22-13, 01:59 AM |
Re: تعالوا نوثّق لمحمود . | سناء عبد السيد | 01-22-13, 02:23 AM |
Re: تعالوا نوثّق لمحمود . | Amani Al Ajab | 01-22-13, 02:29 AM |
Re: تعالوا نوثّق لمحمود . | Abdlaziz Eisa | 01-22-13, 03:39 AM |
Re: تعالوا نوثّق لمحمود . | mutwakil toum | 01-22-13, 04:26 AM |
Re: تعالوا نوثّق لمحمود . | Balla Musa | 01-22-13, 04:37 AM |
Re: تعالوا نوثّق لمحمود . | امير طمبل | 01-22-13, 02:29 PM |
Re: تعالوا نوثّق لمحمود . | امير طمبل | 01-22-13, 02:31 PM |
Re: تعالوا نوثّق لمحمود . | امير طمبل | 01-22-13, 02:45 PM |
Re: تعالوا نوثّق لمحمود . | Elmosley | 01-25-13, 12:32 PM |
Re: تعالوا نوثّق لمحمود . | حبيب نورة | 01-22-13, 03:08 PM |
Re: تعالوا نوثّق لمحمود . | صبري طه | 01-22-13, 03:10 PM |
Re: تعالوا نوثّق لمحمود . | Hani Arabi Mohamed | 01-22-13, 06:56 PM |
Re: تعالوا نوثّق لمحمود . | حبيب نورة | 01-25-13, 03:11 AM |
Re: تعالوا نوثّق لمحمود . | حبيب نورة | 01-25-13, 03:05 AM |
Re: تعالوا نوثّق لمحمود . | ibrahim fadlalla | 01-25-13, 11:53 AM |
Re: تعالوا نوثّق لمحمود . | حبيب نورة | 02-03-13, 06:45 PM |
|
|
|