ضاعت الأحــلام .. سوري يا قيقابيش + د. المشرّف!!

Quote: Quote: وسؤال إلى قيقا (الأخضر ) : هل تخليت عن الإيمان بمبادئي الخضر .. التى تعلم إنها تناقض مثل هذه الدعاوي الدينية المتطرفة ..وتنادي بالسلام فى الكوكب كله ؟! امنة مختار ليه عنكم من بدل دينه فاقتلوه .. برضو؟ ابداً لم ابدل ولم اغير .. ول كان كلمتكم وينا هي الدعاوي الدينية دي، والجديد شنو فيها؟ ما شايفين نفسكم مكبرين الموضوع!؟ زول قال انا المهدي المنتظر، ويوم الاحد بحرق بنار اليشب كنيسة، وعينها بذاتها .. اها ننتظر لي يوم الاحد القريب دا، وبعدين نحكم، ول طوالي نقعد نولول والخطر و النمر جاكم!! والهمة دي كان عملناها مع الكيزان كان قعدوا ربع قرن من الزمان!؟ ما تصبروا على اخاكم محسن اربعة ايام يا ناس .. صبرتوا على الكيزان 4 سنين وفوقين عشرين وهم يدجلوا ليكم الدجل الامو بت اعم ابوهو .. خلاس جات على محسن خالد؟ -------- محسن لم يزد على اطلاق كلام ساي .. ما عندنا طريقة للتحقق واثبات كذبه الا بالانتظار كم يوم انتظروا .. وستنقشع الفقاعة دي ؤ وكتها لكل حادثة حديث .. ونشوف منو البتصدى ليهو ياخي ما اتخيل لي في اعدل من الطريقة الطرحا بيها هو ذاته .. يا يصدق كلامو .. يا يمشي برجلينو للقيد (اقرأ الدكتور) اصبروا خلونا نشوف نهاية بلة الاباري دي.. المافي شنو!؟

Quote: Quote: ولا ممنوع واحد أو واحدة من زملاءك يسألوك عن تأييدك وتصديقك بل وقيامك بدور المفسر لتهاويم وشطحات غامضة لشخص لغاية الآن لا فهمنا بيدعي النبوة وللا المهدية .. ولا عرفنا برضه كنيسة اللد القالها دى وين ( بالضبط )حتى الآن عشان الناس تعمل حسابها .. ابداً يا آمنة من حقك ومن حق اي زميل وصديق وما زميل ذاتو يسألني ويحقق معاي ذاتو ولولا ايماني القاطع بالحق دا ما كان رديت اما بعد الكنيسة اسمها LUD بدوت تعريف ,, وفي انجلترا اتبرعت بالمعلومة دي تصحيحاً لخلط وقعوا فيهو زملاء بورض، درءاً لبلبلة قد تنتج من اللفحي دا هل دا بعني اني مؤمن بما جاء به محسن خالد؟ شرحت ليكم كلامو (حسب ما انا فاهمو ومتابعو) دا بعني انو (مهديني) الخاص؟ للأمانة الادعاء الاخير دا انا ذاتي متفاجئ بيو معاكم سوا سوا ,, وقد اكون سمعتو بعدكم ,, لحدي ما قبل البوست المعني، محسن خالد كان زول عادي جداً ,, وحقيقي انا طولت من التواصل المباشر معاه ------ اتمنى محاسبتي على ما اعلنه انا من (تصديقي) و (تأييدي) ديل ,, حسب علمي -واعياً- كدا ما اعلنت تأييد او تكذيب وقرايتي للمسألة مختلفة منكم خالص

Re: أنا المهدي المنتظر ... وسألجم غريمي في العاشر من صفر!
المداخلة رقم 92 من نفس البوست

تعبتني يا برلوم ياخ
انتو بكري بلقى البرالمة الساءلين ديل وين؟










----

ثم ياخي انا لا اكتب النصوص .. النصوص هي التي تكتبني .. في رواية سغافية متأدبة ذائعة
او "انا مجرد طبشيرة .. الشيطان بجي بشخبت بيها هنا للوهم الاغرار ديل" .. في رواية متمهدية زاعقة، صاعقة ... وضدها!