|
Re: حوار مع واحد محبط (Re: درديري كباشي)
|
لاعرف هل هو يجلس في المظلة يوميا لمعاكسة ومشاهدة بنات الثانوي والطالبات سؤال مفخخ قلت : بنات السودان اصبحن جميلات جدا بس خسارة من وين يلاقوا عرسان للبنات ديل كلهم وكيف العرس مع غلاء المهور .. هنا رمى السجارة الثانية في الارض وداسها برجله والتفت ناحيتي .. ويبدو انه موجته اشتغلت ... قال : قلت البنات بقن سمحات .. ومن وين ... من يوم ما لغوا مجانية التعليم اصبح المال والجمال والعلم في زاوية .. والشناه والبلادة والفلس في ناحية تانية ... انا وجدت موضوع انفتح وما عاوز افوت الفرصة دي لازم انفخ في الشرارة قبل ما تنطفي ... قلت : علاقة الجمال بالمال شنو ؟؟ الجمال دا شئ طبيعي تتولد به المراه حتى لو كان اهلها فقراء . قال : ياسلام ؟؟؟(ساخرا ) عاوز تقنعني انه بنت تقوم من صلاة الصبح وتكنس ليها حوش مساحتة ربع فدان وتغسل ليها طن بتاع عدة وتتناول فستانها من الحبل وتتشطف تروح المدرسة النهار كله تطارد في المواصلات وعشان ترجع الضهر تغسل الهدوم وبالليل تذاكر بالفانوس .. باقي لك دي ممكن يفضل فيها جمال حتى لو كان ابوها يوسف وامها عبلة . قلت : نفهم من كدا انه البنات اليركبن من المظله هنا ما عجبنك ؟؟ و انت ما جالس عشانهم .. قال : ابدا ياخي وانت فاكرني شنو ؟؟ وبعدين ديل في عمر بناتي يا اخ ..... قلت طيب : خلينا في ناحية ثانية انا افهم من كلامك السابق انك تؤمن بان الجمال يصنع صناعة ولا يولد .... قال : بالتاكيد يعني واحدة تانية في حياتها ما غسلت شئ سوى يديها ولا مسكت مكنسة ولا وقفت في المواصلات .. ما اكلت ملاح بايت .. ما لبست فستان واحد مرتين في الشهر ... السواق ياخذها من البيت الى مكان ما تريد ويعيدها .. اي فاكهة في الدنيا تحت امرها وطلبها حتى لو كانت مزروعة في شيلي .... تفتكر زي دي ممكن تكون قبيحة حتى لو كان ابوها جقر وامها خنفسانة ... وزي ما قال اخونا .... السماحة من الراحة والاكل البراحة .... والشناة من التعب والاكل الكعب ... قلت بصراحة انا سعيد بالونسة معك ... تسمح لي اكون رفيق لك في المظلة طيلة فترة اجازتي .. اهو نتحاور ونسلي بعض . مد يده مصافحا دون ان ينطق ولكن انا سعدت بها ايما سعادة ( كدا الواحد يقول أجز)
ويستمر الحوار
|
|
|
|
|
|
|
العنوان |
الكاتب |
Date |
حوار مع واحد محبط | درديري كباشي | 01-12-13, 12:41 PM |
Re: حوار مع واحد محبط | درديري كباشي | 01-12-13, 12:54 PM |
Re: حوار مع واحد محبط | كمال سالم | 01-12-13, 12:54 PM |
Re: حوار مع واحد محبط | أحمد ابن عوف | 01-12-13, 01:01 PM |
Re: حوار مع واحد محبط | درديري كباشي | 01-12-13, 01:54 PM |
Re: حوار مع واحد محبط | درديري كباشي | 01-12-13, 01:52 PM |
Re: حوار مع واحد محبط | درديري كباشي | 01-12-13, 02:12 PM |
Re: حوار مع واحد محبط | درديري كباشي | 01-12-13, 02:31 PM |
Re: حوار مع واحد محبط | درديري كباشي | 01-12-13, 02:48 PM |
Re: حوار مع واحد محبط | درديري كباشي | 01-12-13, 02:58 PM |
Re: حوار مع واحد محبط | درديري كباشي | 01-16-13, 01:02 PM |
Re: حوار مع واحد محبط | درديري كباشي | 01-18-13, 03:33 PM |
Re: حوار مع واحد محبط | Musab Osman Alhassan | 01-18-13, 04:18 PM |
Re: حوار مع واحد محبط | انصاف ابراهيم عبدالعزيز | 01-18-13, 05:54 PM |
Re: حوار مع واحد محبط | محمد علي شقدي | 01-18-13, 06:01 PM |
Re: حوار مع واحد محبط | درديري كباشي | 01-20-13, 12:56 PM |
Re: حوار مع واحد محبط | درديري كباشي | 01-18-13, 09:54 PM |
Re: حوار مع واحد محبط | درديري كباشي | 01-18-13, 09:25 PM |
Re: حوار مع واحد محبط | ادم شحوتاي | 01-20-13, 01:45 PM |
|
|
|