تفرقة عنصرية و جهل .. يجب وقفه و حسمه و فورا .. !! توجد عنصرية .. !!

Quote: بالبساطة دي يا الطيب ويا دينق طلعتوني أنا زااااتي عنصري ؟؟؟! يعني عشان قلت ليك إنت بتحتفي بسقطة الزميل قسم الله ولا منو ده وتفتح بوست تاني والبوست الأساسي موجود ... تطلعني انا زااااتي عنصري ...؟ ياخ والله حيرتونا زاتو ... أسهل حاجة في المنبر ده الإستعداء ... يعني تجاهلت عن عمدأو قصد فحوى كلامي ولا ما فهمتو ما عارف عشان تتخذ مني أنا عنصري ..! سبحان الله بالمناسبة كل الذين تداخلوا هنا إلا من رحم ربي عنصرييييييييييي ,...! بس في الأثر " الفتنة نائمة ، لعن الله من أيقظها" والإيقاظ ده شنو لو ما كان فتح بوست تاني في موضوع أصلاً خاضع للنقاش ومفعل وقائم ؟؟ ما تقشروا لينا بي كلمتين تلاتة تلقطوهم من هنا وهناك وتعملوا فيها مثقفاتية ... السودان يعاني من أمراض إجتماعية متأصلة في نفوس ساكنية ... وكل سوداني يعتز بعرقه وقبيلته وده ما أظن فيهو مشكلة بس ما يكون على حساب الآخر ولا إلغاؤه وكمان حرقه ,,! يا ريت تطلع لي يا دينق أي كلام لي يفيد بالعنصرية .. بأي من معانيها ..