|
|
 Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى (Re: Seif Elyazal Burae)
|
مرثية الشاعر صلاح حاج سعيد
ما كنت قايل نفسي يوم
أرثيك يا أصدق خليل
أنا كنت بتخيّل أكون قبلك
أسافر غنوة في الوتر الجميل
زي ما عبرت معاك صروف زمن المسافة
وجينا للحزن النبيل
أنا كنت داير الدنيا تمهلنا
ونغني الفرحة لى الزمن الخُرافي .. المستحيل
ورحلت ما كان ده الأوان
رحت وحرقت حشا الغنا
خليتنا لى الزمن الهوان
والإرتهان لى خيول زمان الشنشنة
كل المطارات والمواني
وشفع البلد الفتارى
لسة بارين القطاري
يسألوا الناس عن خبر زولاً
مسطّر إسمو في قلوب العذارى
وفى عيون كل المساكين ... الحيارى
زول بيطلع من نفس طورية ضامة الطين
تكابد طول نهارا
زول بيسكن في عيون أطفال
تأمّل ديمة يديها البشارة
يا خي والله الفرقة حارة
وفقدك أكبر من محيط الدنيا
وأكوانها ... ومدارا
طليتنا زي حلماً جميل
فجأة في غفلة أنسرق
أسطورة تحكي أماني جيل
في حب غناك كان ليهو حق
أديتو في الدنيا الأمل
وريتو كيف في الحق يقيف
من غير وجل أو إنبهار
علمتو بى حس النغم إنو الكلام
لازم يكون واضح كما شمس النهار
صدقك ملاهو حماس .. يقين
بالخير وبالحق .. والنضار والإفتخار
إنو الحبيبة هي الأرض
والتضحيات عشان عيونا هو الفرض
والدنيا ورّاثا الصغار
وعرفنا يا زول قسوة الضنا والتعب
والإرتحال في غفلة الزمن الصعب
وقولة الوداع بالضبط
والسفر الأبيد من غير رجوع
أو غير متاع
وبكت عليك كل الشوارع في المدينة
ناحت عليك كل الفواصل
في الغنيوات الرصينة
وإنكتم نبض الغُنا
جلل سواد حزنك سنا
وإتوشح المنا بالضياع
وكان بدري يا زول الوداع
لا سكة لى درب الرجوع
بعدك أغانيك إلتياع
مسكونة بالأسى .. والخشوع
لكن بريقك ما خبا
أبداً بريقك ما هو ضاع
ساطع كما نور الشعاع
منو قال هو فات
زولاً وهب كل الحياة للأغنيات
منو قال هو فات
ما أظنو زيّك يقولوا فات
يا من وهب كل الحياة للأغنيات
يا من ترك في قلوبنا أنبل ذكريات
يا من ترك أحلامو في كل الجهات
وخلّد معاني الروعة بى كل الصفات
ما أظنو زيّك يقولوا فات
يا من وهب كل الحياة للأغنيات
****
ورحلت ما كان الأوان
رحت وحرقت حشا الغنا
خليتنا لى زمن الهوان
والإرتهان لى خيول حروف الشنشنة
أمل الأغاني
كلمات: مدني النخلي
شرد الكلام مني وسكت
حس الأغاني الملهمة
لبس النغم ثوب الحداد نزف المقاطع مؤلمة
لمتنا بيك يمين ظروف في ليل رياحو ملتنا هم
أنت الأخو وبرضو الصديق والبينا كان إحساس ودم
للكل فتحت القلب دار .. ومزجت روحك بالنغم
يا حليلو زمناً كان معاك يا حليل جدارنا الأنهزم
روح الرحابة الما بتضيق
يا باهي يا دفق الرحيق
شاقي الدروب الموحشة
فارش عشم وترك طريق
دايس علي الجرح الأليم
في أحلك اللحظات رفيق
يا حليلو أملاً كان معاك
خلانا لى جرحاً عميق
نجم الحروف المرهفة
ضد الذبول والإنطفا
لكنو من بعدك رحل خلانا فات يا مصطفي
يا حليلو شدواً كان معاك
وأمل الأغاني الإنطفأ
ضرب الإبرة
مدني النخلي
ضرب الإبره .. فوق الإبره
راسم زي وشم.. فوق ساعدو
كل ما يقول قريب
تعكس ظروفو .. تباعدو
راكز .. في الزمن
ماطر سماهو ورعدو
فوق حدب الصبُر
مترجي ..زولو الواعدو
غنيلنا .. قول يا زول
بُعد المسافة براح
من جرحك النزاف
رسِّل .. غناك صداح
نوِّر مداخل الليل
بصبحك الفضاح
شِد الوتر ..دندن
وأفرد نداكَ.. وشاح
طيور القمري..
ما غنت
ولا لوّن مداك شادي
حليل ولداً بشيل همّك
شرّ غناهو في الوادي
نده مطراً سحايبو ملت
وشتت برقو عبّادي
وليد الصابره ست الجيل
رقد واقف قصاد النيل
حبيباً جرحو فينا نزيف
وفكراً فاتح التأويل
مرق من بين ضفاير البنت
حبيبتو اللونا.. كاكاوي
نهارا شمالي .. كتـّاحه
مناخاً جنوبي.. غرباوي
دخل شرق الحِلم حفيان
سند ظهراً .. حناهو الهم
حليلو الكان جميل النم
حليلو .. البينّا خوة دم
مرثية عبد العال السيد
بسمع صدى صوتك مزامير في عشيات
الشتا والريح سوافي
وأطرق على بابك أواخر الليل وألاقيك
إنت مافي
وأنشد على بابك حزين "عز المزار"
وكل السنين صارت منافي
وأهتف وأناديك في سديم الليل
يضيع حسي وهتافي
قمراً وقف مستني تال الليل
نهارات العصافير والقوافي
رجع الصدى وحس الرياح
مجنونة في الساحات تعربد
وإنت مافي
غابت نهاراتك ولكن
لسة صوتك في العروق يا صاحبي ساكن
لسة صوتك يسري في كل الأماكن
"يا قمرة أقلبي السنسنه الحمرا
وشوفي ليه ما جاء"
لسع على أفق المدى ترجاك
"صبية" جراحا نازفة
لسة واقفة
تسأل عليك مجلس صحابك في الليالي
تسأل عناقيد الدوالي
تسأل عليك عصفور مرق ينفض
نعاس عينيهو من سهر الليالي
يا صاحبي لسع جراح الفرقة صاحية
وتر الغُنا المشدود ينوح
يسأل عليك في كل ناحية
كانت ليالي " الديم" فوانيس
والعمر مغسول صبابة
وكنا ما بشغلنا غير وتر
الغُنا وحرف الكتابة
يا صاحبي .. يا ليتها الأيام تعود
أنا في منافي العمر ضيعت الوعود
يا صاحبي .. هطلت على
قبرك سحابات الخزامى
وناحت " على بابك " يمامة
وشرقت شموس ترسم على باب
النهارات إبتسامة
رحيل اليوتوبيا
مرثية الشاعر محمد طه القدال
في هذي المدينة الفاضلة
لبس الشعراء تيجان غار وهجوا
مع النشيد .. والبوح وغنوا للغُربة المتلتة
في الزمن المكان الروح
وما بين الرماد والنار
فضا الكلمات ومعناهم
بيمرقوا من هطيل النوح ومغناهم
يشقشق للحياة والموت
يغرد للمدائن الفاضلة جواهم
جزاير دوح
قدر يوتوبي
ترحل في مداين الناس ... مدينة
يندلق حسك حداهم
قطرة قطرة تعبي صوتك بى نداهم
مشدود وتر صوتك ربابة
مسنود عليك صوت الغلابة
مفرود من الزمن المفتق والمرتق بالرتابة
مولود مع الجدة المعتقة والمجرتقة بالرحابة
ينسدل من شدوهِ أنشاد المزامير
ينسمع في شجوهِ ترتيل الصحابة
زمن يوتوبي ترحل في العتامير
والمغاسل والغُنى المندلي من شطر السحابة
من عنا الأطفال وأولاد المسادير
السنينهم فوق جوازات العصافير
الحنينهم بحة الليل الطنابير
الحزينهم حزنه في الجوف المطامير
نبلهُ يطلع زي شعاع
لا ولولة لا شيل ندابة
( يا مطر عز الحريق)
( كمّل الناقص وفرضو )
( يا مشاوير الطريق )
شوفي لي حُّميد وأرضو
يا بلد ليلك غريق
طولو زي طولك .. وعرضو
إن ضلامك حر طليق
أو سلامك أهلو قِرضو
آه من هذا السليق
يشتري الراجل وعرضو
الفرج باقيلي ضيق
والصحاح العندي مرضو
كم إديريجاً حليق
شان يعيش بى دقنو برضو
يا مدد قشة غريق
)يا مشاوير الطريق(
)يا وليدات الفريق(
لملموا الصابرين تعالوا
)رقصوا البنوت أعرضوا(
****
يا نخلة المقبول ظلالك
وأصلة الشموس بى حريرة
ومجدولة من طيب شمالك
مروية في عز الجزيرة
من همي همك سمالك
كسر همومي الجبيرة
لحن الوليد الرمالك
مشرق يجبر الكسيرة
طينك مقالد رمالك
تحتك مياهك خريرة
شعرك جريدك حلالك نمة غُناه الضريرة
غنوة بتقرب منالك
رعشة جروفي الخضيرة
غنوة حبيباً شكالك
هجر البنية الأميرة
عند الترابلة القبالك
ضليلة صهد الهجيرة
يا نخلة السلفاب جمالك
في الناس غناوي المسيرة
لو جيدك الفارع بكالك
موّال دموعي العسيرة
أو نيلك السالك أمالك
جيهة المشاوير الحسيرة
أو قلبك المفجوع دنالك
روح الأناشيد المنيرة
شيليلي عِب وأمليلي شالك
من غناويهُ السميرة
شدي من صوتك حبالك
نشفي العرق الدميرة
قولي للجنيات سؤالك
يا نخلة بس متكية مالك ؟
بطنة سبايطك عضيرة ؟
جدلة سبايبك ممالك
محصورة في فد ضفيرة ؟
ولا السلام البدالك
سراب الأماني الكبيرة ؟
لو صبري بيهدم جبالك
شن تبقى غير عيني الهميرة ؟
****
قدر يوتوبي ترحل يا صديق
زمن يوتوبي ترحل في البريق
والمدينة الفاضلة نامت في العتامة
والعتامة تهاتي بالشعر الهيافة
والشعر متغطي بالكلمة السلامة
والسلام متداري في الولد الشليق
والوليد مندسّي في الحرف القيافة
والحروف الوردة تحلم بالرحيق
والحلم يتجاوز المعنى الرهافة
والمعاني تعاند الزمن الرحيل
والزمن يوتوبي يرحل في السحيق
والرحيل يوتوبي
ترحل يا صديق ؟
الرحيل الشفتو للناس العلامة
الرحيل الشفتو للمتلك قيامة
سلامات يا زول يا رائع
مرثية الشاعر أزهري محمد علي
مدخل أول:
لمتين مِتْيمِّم شَطْر النيل
مُتوقِّي اليابسه ووْاَرد
متوكِّي الغُنيه عصا موسى
بِتْهِش في غيم الإلفة الشارد
مهدودة القُدرة وفترانة
حَرداَن الضُل البارد
بِتْوجِّل لى يوسف في البِير
يطْلَع من بَطن البير المارد!
مَدْخل ثاني:
فات الكان بدّينا إحساس بالإلفه
وكان راوينا
فات الباكي جَرِحنا وناسي جُرحو
ولافّي ورانا مدينه.. مدينه
فات الصاحي ونحن نَغِطْ
في النومه السابعة
طالِق حِسِّو ولا حسيِّنا
حَتْحَتْ فينا غُناه الطاعِم
وفَاتْ قنعانْ من خيراً فينا
سلاماتْ يا زول يا رائع
سلاماتْ وعواّفي!
سلاماتْ يا خُلاصة الخير الفي الناس
وترياق الزمن المُتْعافي
سلاماتْ يا زول يا رائع
سلاماتْ وعَوَّافي
مُحاصَرْ فِيكْ
بسأل عن سكّه تطلِّع مِنَّك
أو سِكّه تودِّي عليكْ
بسأل عن مَخرج منّك وليكْ
زي نَهْر بينْبعُ
وما لاقي مَصَبْ
بِتْمدّد عِشقَكْ من أقصى ضواحي الروح
لي أقصى نواحي القلبْ
يتْكثّف بِسِعةْ إطلاق الرّب
وأنا كنتَ بفلِّي القَلْب بسيرتَكْ
سمِّيتك حلاّب الغيم
من ضَرْع الجَدبْ
وظنيتَك مارستَ الفِعل السرِّي
وحَفّظت فحولة النيل
أيام الخِصب
ولمحتَك وأنتَ بِتتْمشّى
وترقّص في حَمَامَكْ
على حُمّة إيقاع الحرب
وتْكَلْكِلْ جِلد الكلمة الحافَّه
لَحبيبه بتفتَح مَجَرى الغُنا في الدَّم
وتَفلِّس بيان القلب
فيا بنوت الشارع الطاعِم
قُومَن كَبْ!
قومَن للما قَصَّر
في غُناكنْ ضُمَّه
ولا إتْلوّم بِوراَكَنْ تبْ!
ولو تَبْقَى السِكّه الماشة طشاش
ما بتبقى السكة الجايه ضهَب
وسلاماتْ يا زول يا رائع.
البارح عصفورتكْ
ركَّتْ في البال
رقَصَتْ
وأدَتْ عصفور الريد شبَّال
وطارتْ من قولة كَرْ
ما الزول النَهرَ العصفورة
بِحرِّض في كِلاب الحّر
لابسنى وداخِل في اللَحم الحي
راصد كلّ البِسْأل عَنْ حالي
حرَّش ضُلّي عليَّ
ونتّف زَغب الخاطرة التَّخْطُر على بالي
ومَنَع العصفورة تَحومْ
إستْجوّب كل الناس البِجُو في النوم
ما تْقومْ
يا زول يا رائع ومهمومْ
يا مضيّع ضَيْ عيني وراكْ
واقف
حاحاي للنوم.
يا مْستّف رئةَ الدنيا شهيق
ومُشحتِف روح الخرطوم
كيف حال يا أبوي
كيف حال يا خال
وتعالْ!
إتْفَضَّل على باحة بيتنا الطّيب
ماعون الأطفال
ضمدَّ جراحاتك تعالْ!
من ضلامَاتكْ تعالْ!
من حافة البرزخ تعالْ!
من شرفةْ الملكوت تعالْ!
أدّينا هينين من صبرُ
السكة أبعد من مَشيِكْ
والجرح أعمق من حدود الإحتمالْ
السابله والأطفال هِناك
قداَّمك المشوار طويل
والريح وراك
كل البيوتْ
إتشرَّفت لى طَلْعَتَكْ
والوَنَسه ما كِمْلَت معاك
القَرقراب والقهْقَهه
مَينْ سمّى ترحابك غياب! ؟
والغيبه بتْزيدك بَهَا
لو يرِتق الحُزن المَصَابْ
كان بَعدك الموت إنتهى
يا أقصى حالات الحضور المُشتهى
يا مُنْتَهَى!
تعال قرِّحنا بس دهشة غُناك الحَي
وحَّيْ من جُرحك الدامي!
وفَتَر حيلَكْ
وحيّ من ضُلّك الرامي!
وحِمِل شيلَكْ
تموت مِتْل الشدر واقف
تموت واقف على حيلَكْ
فيا حْليلَكْ
يا حْليلَك .. بِنستنَّاكْ
على صهوة جياد الريحْ
بنِستنَّاكَ!
في الزمن اللديح القِيحْ
على باب الحلم في غُناكْ
بِنِستنَّاك!
رحيلك شَلْهَت الدنيا:
ورتّب العالم البهِنَاك
بَستْنّاك!
وأنا تاني وراك َشِنْ لاحِقْ ؟
دَهَسَتْني في بُعْدَك
حِدوَ الخوف
الداخله عليّك بالسَاحِقْ
أدِّيني القُدْره التمْنَحني
بِحجمْمَكْ سعةَ الشوف
لو أقدر أطِلْ من شاهق
لو أقْدر ألوّح لعيونك
تَلْمَحنِي
وأنا ضَعفي أمامك فاضحني
سامحني!
ما قدرت أطولَكْ
سامحني!
شُفتَكْ من وجع طَالع
على برزخ ملتقى النيلين
كنتَ هناكَ وحّيدك
وكل الناس أتنين .. أتنين
براك واقف
في حدْ السيف
براك الما وقف بينْ... بينْ
تغازل حلمك الفارع
فَتح بابين على الملكوتْ
تَسَلِّم على حضرة جلال الموتْ
وتفتح في الأرِض نفّاج
إذا امتلأ الفراغ بالصوت
فيا باطن الأديم أفتح
براحات الحنين مُشْرَعْ
وأَنْدَهْ لي مُدن شاخت
أنْدَه لأطلال القُرى الراحت
بيوتْ في بيوتْ
تَمْرُق من شِبر مَسَرح
مدن فاضله
وعالم باتساع الحُلْم
بقامةَ يشتهي التابوت
فما لَفَظَ البحر يُونِس
ولا أنسدّت
شهِية الحوتْ ... ويا زول يا رائع تمشي
بالحسره وتموت ؟
وسلاماتْ يازول يا رائع.
أغنية مصطفى سيد احمد
شعر : د.عفاف الصادق حمد النيل
يا الكحلت عيون الدنيا بلون الغنوه
يا الضفرت ضفاير إحساس الكلمة الحلوة
يا الشتت نجوم الليل في وش النيل
عقداً فوق القمره بيقدح فينا الضو
يا الطقطقت أصابع السُحب الشالن جو
دفق عسل المطره ونقط .. كبت شو
نضمت .. غنت .. سكتت .. صنت
مرقت .. دخلت .. قامت .. قعدت
شن بتسو ؟
تقشقش فوق رقراق الدمع الكاسي العين بهدمة دم
كل ما أتعرى يجدد توبو يضاري الريحه الكست الجو
تساسق بين تيار الموج الكسر الجدول ودفق شو
تسارق فوق نجماتا برقنْ هجنْ لجنْ ..باتنْ قو
تضاير فوق وديانا شبعن .. رضعن ضرع السحب الشالن برا ..جو
تصنت غنوة سيره عريسه مهقد .. مكسي .. مجرتك
يفوح الصندل .. وعطر المحلب منو مدفق
أمو تعدل .. وأختو الرقصت ..وخالو يبشر ...
وعمو بيعرض وسط السهله ..وخيرو مدفق
غنوه بتعزف نغم أتشتت .. رعداً صفق
برداً هز اتباطن صوتو
أتطانن حر لوح و هوا
وظهراً فارساً تب ما إتلوى
وزغرد ليك ايقاع المطر إتلبب
حضن الأرض ونام
ود سيد أحمد دق المحلب جوه الفكره
وخت الذكرى
ذكرى الليلة وذكرى بكره
أبيه و حرة
مبدأ و عزه
سيما وعبره
درايا و خبره
شموخ بيت عازه الما بتهزه
برغم الضيم
وليد ضكران
هز و رز تب ما فز
اتقطر نز
ادفق ضي
ود سيد أحمد شال الريشة
ورسم اللوحة
وشتت لونها
وتيرب بيهو سما السودان
وكانت النبتة عصارة الغنوه الفيها
ثقافة .. وحب .. وسياسة
مزيجها بلدنا وفيها ولدنا اتعطن الريد
والبت الحلوة .. الوطن الغالي
وسرج بيهو وشد ضهر سودانا القام
وكيف بتفوت
وكيف بتفوت ..
يا الولد الغنى وشنا ورنا
وخالداً حي
ما بتتضارى بشوفك قاعد بين الرمش الفوق عيني
يا الدفيت أعضاء الكلمة في ليل
البرد .. الريح.. الصي
يا النديت أغصان الحرف بصيفاً
حًرا وشد الكي
وكيف بتفوت يا الولد الضوا وشيشو قليب الوتر
الغنا وطرباً غطى فجاج الحي
تمرق بين ورتاب الزرع الفرهد
تمرق بين حبات المطر الطقطق نقط
يحضن ليلاً سود .. هج .. وهود
تمرق بين النيل الكتر ادفق و نمرق
تمرق بين الوتر الصفق غنا وزغرد
تمرق بين صفقات الشجر أخضر و ورق
قام أتشابى وعانق كتف الليل
أتطاول باس القمره وقبل عين الشمس
كيف نبكيك يا راجل الليلة و بكره وأمس
كيف نبكيك ونحنا بنسمع صوتك
سراً.. وجهراً .. ومس
كيف نبكيك و أنت معانا تشيل وتخت
ترص وتقص
تفج السهله وتحكي الغنوه اللبست صوتك
وشالت حسك .. ونفسك .. وروحك
وسمحت زي
وأنت معانا بقيت جوانا و ماك بتفوت
حتلت حنيناً جوه القلب
بصمت عليهو وجود موجود .. برغم الموج
وسفر الجسد الما محدود
غلبت تفوت
كسرت الحاجز الراكز جسرو على المسدود
رقعت الهدم الراسي خيوطو على المقدود
مسحت .. مسحت البعد الأرضي الما محدود
نسفت مسافة الزمن الروح و ما معدود
سكنت مسامة النغم المن إيقاع النبض
بقيت الدم .. والروح .. والقلب
هزمت الموج .. غلبت تفوت
تفوت لى وين ؟؟
وأنت الزول الباقي وحي
أنت النور الوج الضي
وأنت البحر الدفق ري
تفوت على وين ؟؟.. ونحنا زرعنا لسع ني
النيل الأبيض لاقى وعانق حضن الأزرق
باس الأبيض خد الزنجي
اتقلدوا .. اتقادوا
اتوحدوا .. فاتوا
مات العنصر و دأب الفارق
من بيناتن
صدر العين اتملى بالعبره
اتنهد نفس الكلمة الحلوة ..أتأوه
آهة طفت القمره و نفخت قلب الجمرة
وكبت فينا ضلام
يا إنسان .. يا فنان يا لقاومت الذاكره والنسيان
دخلت بوين ؟
سكنت الدم الجاري على الشريان
لوليت جوانا عصاية الكلمة .. الشرف .. العزه
العايش فينا في كل زمان
جرجرت علينا حروف النغم الطرباً
يهز يفرح كل مكان
ختيت الرأي صريح قولاً و فعلاً و فكراً
سجل اكتب يا تاريخ
يا أستاذ .. يا ممتاز
ختيت الدرس مفيد و صحيح
درساً ما دايرلو وسايلاً للتوضيح
ونحنا فهمنا كتبنا درسنا على الكراس
انتهت الحصة و ناحن سكلبن الأجراس
مرقت صحيح ؟؟؟
مشيت بى وين ؟؟
وكيف خليتنا بدون تصحيح ؟!؟
نصحح وين !!؟
شلنا الهم
نصحح وين
جينا الكم
نصحح وين
وكل أقلامنا تقطر دم
كمل أحمر دفق لونها فحم
ونحنا كبرنا وعينا وزدنا فهم
عرفنا أهداف الدرس تمام
ختينا النقطة الهمزة الشوله الاستفهام
خلصنا خلاص
جمعنا قلمنا حبرنا كُتابنا مع الكراس
يا الوحدت بسفرك كل الناس
يا مقياس
يا ميراث
وأساس المعنى
الحب ..المبدأ .. والإحساس
نعم الإرث الباقي وأعظم ساس
وكيف بتفوت
و أفتش ليك أنا جاي بى جاي
و أهلك و ناسك مرقوا يكوسو عليك معاي
وأنادي عليك ارتي عليا
فوت بى وشك ارجع جاي
وفجأة ... وفجأة بتطلع من جواي
متل النور الضوا حداي
وموج النيل الرايح جاي
وهج العين الفكر الرأي
ومن الشمس بريق ضواي
وصدر الأم الليك غطاي
حديثها يناغم فيك لولاي
وصوتها يهدهد فيك هداي
هوها.. يا هوها
واحد ..اتنين .. تلاته
إبرة الخياطه
فيها م وفيها ص وفيها ط
و ف
وفيها جميع المصطفى
|
|
 
|
|
|
|
|
| العنوان |
الكاتب |
Date |
| 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-17-09, 04:43 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | ناهد بشير الطيب | 01-17-09, 05:16 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | ناهد بشير الطيب | 01-17-09, 05:25 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | ناهد بشير الطيب | 01-17-09, 05:27 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Haydar Badawi Sadig | 01-17-09, 05:39 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Nader Abu Kadouk | 01-17-09, 07:00 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | baha eassa | 01-17-09, 07:17 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | فيصل محمد خليل | 01-17-09, 08:43 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | tarig almakki | 01-17-09, 09:44 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | محمد سنى دفع الله | 01-17-09, 09:51 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | خضر حسين خليل | 01-17-09, 10:04 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | احمد سردوب | 01-17-09, 10:46 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | خضر حسين خليل | 01-17-09, 10:43 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Mohamed Abdelgaleel | 01-17-09, 11:00 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Saeed Kamba | 01-17-09, 12:12 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | سيف بخيت موسي | 01-17-09, 12:22 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | khaleel | 01-17-09, 12:32 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | بدر الدين الأمير | 01-17-09, 01:07 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | بابكر عثمان مكي | 01-17-09, 02:32 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-17-09, 02:43 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | أنور سيد ابراهيم | 01-18-09, 04:32 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | خال فاطمة | 01-17-09, 02:58 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Yasier Elsayed | 01-17-09, 03:43 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-17-09, 04:08 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | محمد عبداللطيف | 01-17-09, 04:36 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | سلمى الشيخ سلامة | 01-17-09, 05:16 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-17-09, 05:49 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Seif Elyazal Burae | 01-17-09, 05:54 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Seif Elyazal Burae | 01-17-09, 05:55 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Yassir Bainwi | 01-17-09, 06:05 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | سيف الدين مصطفى كرار | 01-17-09, 06:28 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-17-09, 06:44 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | عزالدين طه | 01-17-09, 06:46 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | طارق ميرغني | 01-17-09, 08:08 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | عمر صديق | 01-17-09, 08:28 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | خالد علي محجوب المنسي | 01-17-09, 09:02 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | فاروق أبوحوه | 01-17-09, 09:23 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | nourelhadi awad | 01-17-09, 11:01 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | صلاح هاشم السعيد | 01-17-09, 11:10 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | nada ali | 01-18-09, 01:11 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | الطيب شيقوق | 01-18-09, 07:41 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | نعمات حمود | 01-18-09, 08:53 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسلام عبد الرحمن عمر | 01-18-09, 10:31 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-18-09, 04:17 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-18-09, 07:31 PM |
 Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | انعام حيمورة | 01-18-09, 08:18 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | الطيب شيقوق | 01-18-09, 08:29 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-19-09, 01:39 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | سيد محمد احمد سيدنا | 01-19-09, 10:29 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | احمد العربي | 01-19-09, 10:40 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | اسيا ربيع | 01-19-09, 04:09 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | GamarBoBa | 01-19-09, 06:17 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | عاطف عبدون | 01-21-09, 06:31 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | Asaad Alabbasi | 01-21-09, 11:26 PM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | abdulhalim altilib | 01-22-09, 00:04 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | قاسم المهداوى | 01-23-09, 02:10 AM |
| Re: 17.1 الراحل مصطفى سيداحمد .. كيفك انت.. يا شبه ناس قلال او شبه ناس مافى | قاسم المهداوى | 01-23-09, 02:43 AM |
|
| |
فيس بوك
تويتر
انستقرام
يوتيوب
بنتيريست