نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
جد غضبانه غضب شديد...
|
من فترة طويلة وانا اغالب الغضب اصارعه مرات ومرات اللاف المرات فى اليوم الواحد احاول واحتهد ان اتعلم فضيلة التعالى عن الصغائر و التحكم فى النفس.. يعنى بالعربى كده اتقمص فضيلة الحلم عند الغضب لكن كيف يساعدوك معقول ما ممكن... فى بعض الناس عندها قدرة غريبة انها تجرك الى المهالك تحس انك الغضب يقتلعك اقتلاعا.. منو انتو يعنى لا بالجد انتو منو..منو الاداكم الحق تقيموا احزانا و تحكموا عليها و تطلعوا لينا بالمفروض الحزن يكون كيف... نحن كفرة والا ما بنعرف الدين .. والا ما حصل سمعنا بالصبر و فضيلته... ياخ انتو بالجد منو؟؟ الواحد قبل ما يقول كلام لا و يكتب كلام ما بيفكر الى مدى ممكن يجرح مشاعر الاخرين.. والا دى مافى الدين.. والا الاحساس بالاخرين و التفهم والحسس ما فضيلة انسانية نسعى اليها.. بس صحى اليدو فى الموية ما زى اليدو فى النار لا لا بالجد يعنى انتو منو؟ انت منو يا زميل ويا الاخترت اسم زميل عشان تكتب بيهو تعليقك اليتيم "وتقول الله يرحم غادة ويغفر ليها..شيوعيين مواهيم" انت منو الاداك الحق انك تتهمنا بأننا مواهيم ..شيوعيين دى اصلو ما بناقشك فيها فييييينا من هو شيوعى وما ناكره وفينا من خلى الشيوعيين.... المشكلة شنو؟؟؟ انت دخلك شنو؟ والحل شيوعيين فى احزانا على بتنا شنو؟ انت لما كتبت ما فكرت انو غادة دى عندها ام وابو واهل زاصحاب بحبوها... وين الوهم فى الحزن وين الوهم فى محاولة الخروج من الحزن بشكل ايجابى انت منو؟ السؤال لايعنى انا عاوزة اعرفك شخصيا انت منو؟ لا انت منو بمعنى انت منصب نفسك منو؟ بعرفنا من وين و بتعرف ديدى من وين؟ لو كتبت تعليقك مخك قال ليك لا الولد خطير و بيمتلك الحقيقة حول رحيل غادة و حول ما بعده؟من وين اديت نفسك الحق عشان تكون قيم علينا؟ وانتى منو ؟ ايوه انتى منو؟ عشان اورى السؤال ما عندو علاقة بالمعرفة الشخصية للزول ... انتى منو؟ ايوه انا بعرفك . معرفة سطحية اتونست معاك اكتر من قووولى عشرة مرات بس قلنا شنو؟؟ اتكلمنا عن الجو؟ والا ظروف الشغل؟ والا اسعار الخضار؟ انتى بتعرفينى؟ والا عشان بتعرفى ناس حولى ودخلتى بيتى ودخلت بيتك قررتى انك بتعرفينى .. واديتى نفسك الحق تتحشرى فى احزانى و تقيمها... من وين ده؟ فى اى شريعة انسانية؟ ياخ بتعرفى ديدى من وين؟؟ لاقيتيها معاى فى حته سلمتى عليها قولى قبلتيها؟؟؟ ده كافى عشان تعرفيها؟؟؟ والا كافى عشان تقررى انو الناس تحزن عليها كيف؟ ياخ انتى عايشة معاى؟ عارفانى بنوم بقوم بمشى بتحرك بتكلم بضحك كيف؟... عارفانى بدخل اوضة بتى كيف؟ عارفانى لما الواطة تصبح اول حاجة لازم اقول لنفسى انو غادة مافى عشان اقدر ابدأ اليوم؟ عارفه انو مرات بعد ما اقول كده اليوم بنتهى طووووالى قبل ما يبدأ؟ بتعرفى شنو عن حزنى واحزانى؟؟؟ بتعرفى شنو عن فكرة جائزة غادة؟ حضرتى اجتماعاتها شوفتى الوجع البيصاحبها ؟ شوفتى الاحباب و هم بيمسكونا عشان نثبت و لا ننهار؟ بتعرفى شنو؟ منو الاداك الحق بالجد منو ؟ انا ما بتذكر اديتك حق زى ده والا بتذكر سألتك رأيك ... ولا بتذكر انو علاقتنا بتسمح اساسا انك تقولى لى رايك فى حاجة بتخصنى ومش اى حاجة لاااااااا كيف احزن على بنتى؟؟؟ دايرة اقول ليك شنو؟؟ انى كل ثانية بتى ما بتزحى من قدامى...دايرانى اقول ليك انى فى اليوم بموت الف مرة؟ والا اقول ليك لا انا قبل يومين لما سمعت رايك تجلت عبقريتى وا عتقدت انى اعترفت لنفسى للأول مرة انى مت مع غادة؟؟؟ ما جزء منى راح ولا كبدى انفطر لااااااا يا ستى انا كلى مت و دفنت مع بتى؟؟ كيف معاك كده ارتحتى؟
منو وين بنلقى القدرة على ان نقسوا على الاخرين؟ يعنى شنو لما زول يقول ليك ما سمعت بالناس بتحتفل بالحزن؟؟ يعنى انا قبل ما اقول كلامى ما بوزونو يعنى هسسسسسسسسسسه عليكم الله وسألتكم بالله يا اى زول قرأ الكلام ده هل حصل فيكم زول خطر بى باله انو اسرة غادة بتحتفل بالحزن .. و تعمل ليهو مهرجان؟؟؟ فى غادة؟؟؟؟؟ ياخ غادة ما غالية على ربها و لا بدت الموت ولا تمتو ... لكن غالية علينا نحن ديل اهلها احبابها اصحابها..بنعرف قيمتها نحن؟ عرفتى غادة دى انا كل فترة بسمع من اصحابها قصة جديدة عنها... موقف مع زول منهم .. قاعد فى خواطرهم واصبح جزء منهم ... بتعرفيها من وين بالجد كده؟ وبالجد كده انتى منو؟ وهو منو؟ واى زول بينصب نفسو وصى على الناس وبيدى نفسو الحق يطلق الاحكام جزافا من وين جاب ده؟ ده هو الغرور بعينو ان تدى نفسك كل الحقوق والا تفكر فى الاخرين ولا فى احاسيسهم بالجد انتو منو؟؟ الله ده حقكم براكم ... نحن ما بنعرفو .. طيب ممكن اقول ليك انو مجتبى لما الدكتور قال ليهو غدويتك راحت اول حاجة انا سمعتها انو هو بتشهد بأعلى صوت عندو ولما محمد طه جانى واترمى فينى ببكى قلت ليهو ماتت؟ من ارتفاع نحيبة عرفت الاجابة قلت ليهو الحمدلله انا لله وانا اليه راجعون.. اها وين ليكم كلكم ربنا بعرفنا و بيكرمنا و لحظات زى دى ادانا القوة والمروه ..قرأنا عليها القرأن و دعينا ليها ... و وابتهلنا ... كل ما اذكره من اللحظات ديك غريب على .. ورسالتو واااحدة لي انو الله كريم ... لولا كرمه غادة الما بتعرفى قيمتها عندنا دى كانت للليلة قاعدة فى تلاجة وما كان بابا مجبتى قدر يشيل عنقريبها و يمشى يدفنها... وما كان انا قعدت مكانى و ما جريت و را العنقريب ده... ومسكتو بلعتو جواااى... بل يا عزيزتى لقيت حضن هويدا بت عمى توالصل الدعاء فى اضانى و تردد دون ملل ولا كلل.. عرفتى كيف؟ منو الاداكم الحق تمرقونا من طورنا تغضبونا و تطلعو زيتنا و تخلونا نقول كلام ما بخصكم ولا بخص غيرنا منو؟ بالجد انتو منو؟ جائزة غادة هى للشباب يحققو احلامهم يكتبو يبدعو نعترف بيهم يلقو الفرص الما لقتها غادة دى جائزة غادة للشباب و نحن كاسرة واحباب وحزانا لينا نشوف فرح الشباب و لينا نصاحبهم و نسمع منهم يا ماما سهام و يا بابا مجتبى ولينا نشوف اولادنا بيفخروا بأختهم ولينا نسأل الله ان يعنيا
بتعرفو شنو عننا كلنا بتعرفو شنو بالجد كده عن احزانا؟؟ وبتعرفو شنو عن طريقتنا فى الحزن ؟ و بتعرفو شنو عن المجهودات والرهق العاطفى البنمر بيهو عشان جائزة غادة تستمر وتنجح؟؟ والله انه ليسئونى كل الكتبتو لكن اها ...ح ارسلو ليكم والببقى ببقى ما عندى حق اقول الناس تفكر كيف ؟ لكن عندى حق انصح واقول الناس تفكر بإحساس... ما عندكم حق تبكونا.. انا بالذات ما بحب ابكى لزول لكن مغستكم تشق ياخ فى احزانا يا خ فى المنا ياخ انتو منو؟
بس ما كان اخش البوست ده الاعتراض على حكم الله !!
|
|
|
|
|
|
|
العنوان |
الكاتب |
Date |
جد غضبانه غضب شديد... | Siham Elmugammar | 02-14-12, 09:51 AM |
Re: جد غضبانه غضب شديد... | محمد عبد الماجد الصايم | 02-14-12, 10:05 AM |
Re: جد غضبانه غضب شديد... | مهيرة | 02-14-12, 10:25 AM |
Re: جد غضبانه غضب شديد... | أميرة فاروق عبد العال | 02-14-12, 10:31 AM |
Re: جد غضبانه غضب شديد... | Siham Elmugammar | 02-14-12, 10:40 AM |
Re: جد غضبانه غضب شديد... | اسعد الريفى | 02-14-12, 10:56 AM |
Re: جد غضبانه غضب شديد... | ود الخليفه | 02-14-12, 11:24 AM |
Re: جد غضبانه غضب شديد... | Hassan Makkawi | 02-14-12, 10:55 AM |
Re: جد غضبانه غضب شديد... | Siham Elmugammar | 02-14-12, 11:23 AM |
Re: جد غضبانه غضب شديد... | اسعد الريفى | 02-14-12, 11:45 AM |
Re: جد غضبانه غضب شديد... | Siham Elmugammar | 02-14-12, 11:49 AM |
Re: جد غضبانه غضب شديد... | ihsan fagiri | 02-15-12, 08:13 AM |
Re: جد غضبانه غضب شديد... | jini | 02-14-12, 11:53 AM |
Re: جد غضبانه غضب شديد... | ismeil abbas | 02-14-12, 11:57 AM |
Re: جد غضبانه غضب شديد... | Siham Elmugammar | 02-14-12, 12:10 PM |
Re: جد غضبانه غضب شديد... | احلام وهبي | 02-14-12, 12:14 PM |
Re: جد غضبانه غضب شديد... | Siham Elmugammar | 02-14-12, 12:34 PM |
Re: جد غضبانه غضب شديد... | Hussein Mallasi | 02-14-12, 12:44 PM |
Re: جد غضبانه غضب شديد... | محمد عبد الماجد الصايم | 02-14-12, 12:46 PM |
Re: جد غضبانه غضب شديد... | Sabri Elshareef | 02-14-12, 01:10 PM |
Re: جد غضبانه غضب شديد... | سيف النصر محي الدين | 02-14-12, 01:12 PM |
Re: جد غضبانه غضب شديد... | Siham Elmugammar | 02-14-12, 01:46 PM |
Re: جد غضبانه غضب شديد... | ماجد حسون | 02-14-12, 02:32 PM |
Re: جد غضبانه غضب شديد... | elsawi | 02-14-12, 02:04 PM |
Re: جد غضبانه غضب شديد... | Siham Elmugammar | 02-14-12, 02:21 PM |
Re: جد غضبانه غضب شديد... | Haydar Badawi Sadig | 02-14-12, 02:30 PM |
Re: جد غضبانه غضب شديد... | Siham Elmugammar | 02-14-12, 02:55 PM |
Re: جد غضبانه غضب شديد... | نوفل عبد الرحيم حسن | 02-14-12, 04:00 PM |
Re: جد غضبانه غضب شديد... | Amani Al Ajab | 02-14-12, 04:48 PM |
Re: جد غضبانه غضب شديد... | Elawad | 02-14-12, 04:48 PM |
Re: جد غضبانه غضب شديد... | محمد سنى دفع الله | 02-14-12, 05:10 PM |
Re: جد غضبانه غضب شديد... | abdelrahim abayazid | 02-14-12, 05:31 PM |
Re: جد غضبانه غضب شديد... | jini | 02-14-12, 06:14 PM |
Re: جد غضبانه غضب شديد... | manal eltahir | 02-14-12, 08:26 PM |
Re: جد غضبانه غضب شديد... | بخاري عثمان الامين | 02-14-12, 09:34 PM |
Re: جد غضبانه غضب شديد... | قيقراوي | 02-15-12, 00:02 AM |
Re: جد غضبانه غضب شديد... | Yassir Tayfour | 02-15-12, 00:43 AM |
Re: جد غضبانه غضب شديد... | Farahat Sayed | 02-15-12, 01:27 AM |
Re: جد غضبانه غضب شديد... | هيثم طه | 02-15-12, 02:49 AM |
Re: جد غضبانه غضب شديد... | عفاف أبو حريرة | 02-15-12, 05:43 AM |
Re: جد غضبانه غضب شديد... | heba Elmahi | 02-15-12, 06:07 AM |
Re: جد غضبانه غضب شديد... | عاطف عمر | 02-15-12, 07:30 AM |
Re: جد غضبانه غضب شديد... | Siham Elmugammar | 02-15-12, 07:03 PM |
Re: جد غضبانه غضب شديد... | Siham Elmugammar | 02-15-12, 07:29 PM |
Re: جد غضبانه غضب شديد... | اسعد الريفى | 02-15-12, 08:01 PM |
Re: جد غضبانه غضب شديد... | Siham Elmugammar | 02-15-12, 08:01 PM |
Re: جد غضبانه غضب شديد... | قيقراوي | 02-15-12, 09:31 PM |
Re: جد غضبانه غضب شديد... | Kostawi | 02-15-12, 10:30 PM |
Re: جد غضبانه غضب شديد... | طارق جبريل | 02-15-12, 10:45 PM |
Re: جد غضبانه غضب شديد... | اسماء الجنيد | 02-16-12, 00:36 AM |
Re: جد غضبانه غضب شديد... | Siham Elmugammar | 02-16-12, 07:47 AM |
Re: جد غضبانه غضب شديد... | Siham Elmugammar | 02-16-12, 07:56 AM |
Re: جد غضبانه غضب شديد... | azhary awad elkareem | 02-16-12, 09:13 AM |
Re: جد غضبانه غضب شديد... | مدثر صديق | 02-16-12, 12:16 PM |
Re: جد غضبانه غضب شديد... | حواء سليمان ابراهيم | 02-16-12, 02:00 PM |
Re: جد غضبانه غضب شديد... | Siham Elmugammar | 02-21-12, 11:14 AM |
Re: جد غضبانه غضب شديد... | د.نجاة محمود | 02-21-12, 11:55 AM |
Re: جد غضبانه غضب شديد... | Nagat Sid Ahmed Elshiekh | 02-24-12, 05:00 AM |
Re: جد غضبانه غضب شديد... | Yasir Elsharif | 03-05-12, 01:57 PM |
Re: جد غضبانه غضب شديد... | طه كروم | 03-05-12, 09:18 PM |
|
|
|