|
Re: المعلقات ... ضبايح الضباحين (Re: Siham Elmugammar)
|
اختى سهام زمان كتبت عن نفس الموضوع فى باب اسمه(فياقة حريم فى جريدة الخرطوم ) امكن يكون بشبه صحبتك
ابغض الحلال البنية حلاتا متل صباح العافية جاتنى ووشها مختوف ، الوش الكان متل عافية الحياة مالك يا الحليوة ؟ قالت لى ياخالتى ستنا انتى ما بتعرفينى لكين بعرفك ، ودايرة احكى ليك سببى ومشكلتى قلت ليها قولى ــ الحكاية طويلة بدت من كم سنة ، كنت تلميذة فى المدرسة الثانوية ، وزى ما بقولوا اهلنا كنت اسمح واحدة فى اخواتى ، ما اكبر واحدة ، لكين ممكن تقولى اسمح واحدة فيهن ، وكنت شاطرة فى المدرسة وعندى طموح ، لكين طموح انى القى زول يقدر يعيشنى فى وضع كويس ، يعنى زى ما تقولى شايفة روحى ، المهم فى سنة تانية جا ود عمى من السفر ، كان عايش فى السعودية زمن طويل واول ما شافنى قال يعرسونى ليهو ، طبعا طرت من الفرح رغم انه اكبر منى كتير ، لكين قلت فارق السن مامهم المهم انه اعيش كويس والقراية ملحوقة عملنا الزواج فى فترة وجيزة جدا ، قعد معانا شهر وسافر ، الكلام دا تم ليهو تلاته سنين ، فى الفترة القصيرة دى كان نصيبى الطفل الشايفاهو معاى دا ، هسى عمرو تلاته سنين ولغاية الان ما شاف ابوه ، كل ما يتكلم فى التلفون يقول جاى بعدشهر فى وشهر فى شهر فى شهر تمت تلاته سنين ، لا جا لارسل مصاريف ، وزى ما قلت ليك ، ما كنت مخططة لحياتى تمشى كده ، لكين غصبا عنى ، المهم انى رجعت المدرسة وبقيت ادرس من جديد ، خلصت الثانوى ، وهسى شغالة فى شغلانة ما عليك بيها ، لكين بتوفر لى ولى ولدى حق الحياة فى اقل درجة ممكنة ، بقيت افكر بس فى الدراسة ، ولانها مصاريف كتيرة اضطريت ابيع كل دهبى الكان جابوه لى فى الزواج عشان اقدم للجامعة ، ونجحت بواسطة زول قريبنا فى جامعة من الجامعات الجديدة الكتيرة دى لقى لى فرصة ،دخلت ولى هسى سنه كاملة ، مشيت كويس الحمد لله ، لكين هو ما جا والزمن ماشى طبعا، وهسى ما دايرة حاجة الا يدينى ورقتى عشان اشوف مستقبلى مع زول تانى طبعا دى قصة الواحد بسمعا مئات المرات فى السودان ، امكن التفاصيل تختلف لكين الواقعة ياها ذاتا ، الواحد يجى ويتزوج بنية ويمشى ، يعنى انت ممكن تتزوج لكين كمان الزواج دا ما عندو شروط ، هسى متل البنية دى ، الحمد لله انها بقت شاطرة وعرفت تستغل الظرف كويس لمصلحتا ، ورجعت تقرا تانى ، لكين فى العشرات او المئات ما قادرين يتصرفوا ، مش لانهن ما قادرات او عاجزات ، لكين لانه الظروف عندهن صعبة يعنى واحدة فى قرية نائية لا فيها مدرسة ولا فيها اول ولا تانى تعمل شنو ؟؟ الكلام دا موجعنى فى قلبى والبنيات بكتبن فى الجرايدعن مشاكل المطلقات وهى كتيرة لكين المطلقات ديل ما هن براهن العندهن مشاكل ، زى البنية دى الحكت حكايتا ، دى لا مطلقة لا زولة عايشة مع زوجها ، يعنى معلقة ، وكتلوك ولا جوك ، يعنى الواحدة ان بقت مطلقة عديل اخير من نوم الديك فى الحبل دا ، لا هى نايمة مع الناس ول اهى صاحية بى ارادتا ، حاجة مجوبكة كدى ، المعنى يعنى بندور ناس قانون الاحوال الشخصية يورونا رايهن فى الحكاية دى شنو ؟ وكيف تنحل ؟ ما قلنا البنات ما يتزوجوهن لكين الزواج دا التزام واحترام للزوجة والنفس والاهل ، نعمنو الزول ما بتزوج عشان خلاص يقولو والله اتزوج كفى ، لكين الزواج ستره وصلاح للاتنين ، دحين يعنى يا ناس الاحوال الشخصية افتونا يرحمكم الله
|
|
|
|
|
|
|
العنوان |
الكاتب |
Date |
المعلقات ... ضبايح الضباحين | Siham Elmugammar | 11-20-07, 08:41 AM |
Re: المعلقات ... ضبايح الضباحين | Siham Elmugammar | 11-20-07, 12:55 PM |
Re: المعلقات ... ضبايح الضباحين | Hussein Mallasi | 11-20-07, 01:01 PM |
Re: المعلقات ... ضبايح الضباحين | Ishraga Mustafa | 11-20-07, 01:10 PM |
Re: المعلقات ... ضبايح الضباحين | Siham Elmugammar | 11-20-07, 01:11 PM |
Re: المعلقات ... ضبايح الضباحين | Siham Elmugammar | 11-20-07, 01:46 PM |
Re: المعلقات ... ضبايح الضباحين | سلمى الشيخ سلامة | 11-20-07, 01:57 PM |
Re: المعلقات ... ضبايح الضباحين | Siham Elmugammar | 11-20-07, 02:20 PM |
Re: المعلقات ... ضبايح الضباحين | سجيمان | 11-20-07, 02:48 PM |
Re: المعلقات ... ضبايح الضباحين | Siham Elmugammar | 11-21-07, 08:01 AM |
Re: المعلقات ... ضبايح الضباحين | Rabab Elkarib | 11-20-07, 03:47 PM |
Re: المعلقات ... ضبايح الضباحين | Siham Elmugammar | 11-21-07, 08:10 AM |
Re: المعلقات ... ضبايح الضباحين | Halema2 | 11-20-07, 04:03 PM |
Re: المعلقات ... ضبايح الضباحين | رأفت ميلاد | 11-20-07, 05:13 PM |
Re: المعلقات ... ضبايح الضباحين | Siham Elmugammar | 11-21-07, 08:46 AM |
Re: المعلقات ... ضبايح الضباحين | Siham Elmugammar | 11-21-07, 08:35 AM |
Re: المعلقات ... ضبايح الضباحين | Kamal Karrar | 11-20-07, 05:00 PM |
Re: المعلقات ... ضبايح الضباحين | Siham Elmugammar | 11-21-07, 07:50 AM |
Re: المعلقات ... ضبايح الضباحين | Siham Elmugammar | 11-21-07, 08:55 AM |
Re: المعلقات ... ضبايح الضباحين | Adil Osman | 11-21-07, 10:07 AM |
Re: المعلقات ... ضبايح الضباحين | رأفت ميلاد | 11-21-07, 11:15 AM |
Re: المعلقات ... ضبايح الضباحين | Siham Elmugammar | 11-21-07, 12:03 PM |
Re: المعلقات ... ضبايح الضباحين | almulaomar | 11-21-07, 11:37 AM |
Re: المعلقات ... ضبايح الضباحين | Muna Khugali | 11-21-07, 12:28 PM |
Re: المعلقات ... ضبايح الضباحين | Siham Elmugammar | 11-21-07, 01:39 PM |
Re: المعلقات ... ضبايح الضباحين | esam gabralla | 11-21-07, 12:40 PM |
Re: المعلقات ... ضبايح الضباحين | Kamal Karrar | 11-21-07, 01:52 PM |
Re: المعلقات ... ضبايح الضباحين | Siham Elmugammar | 11-22-07, 07:04 AM |
Re: المعلقات ... ضبايح الضباحين | bent-elassied | 11-22-07, 08:48 PM |
Re: المعلقات ... ضبايح الضباحين | jini | 11-22-07, 10:49 PM |
|
|
|