|
|
 ونسة مع أنثى مجننة الشعب السودانى كلو..!!
|
ونسة مع أنثى مجننة الشعب السودانى كلو..!!
* إنت منو؟
ـ انا الماشافوها كرهوها والسمعوها نبذوها.. انا الباعوضة بتقرص والنوناي السامعو دا انه صوتي انا.
* اسم الشهرة او الدلع؟
ـ انثى الانوفليس، سيدة وجمالها فريد خلقوني للتعذيب.
* مسقط الرأس؟
ـ يعني البرك البلاعات المستنقعات مجاري السوق العربي، وكل الدروب المعطونة بالطين والوحل.
* السكن حاليا؟
ـ الحاج يوسف والكلاكلات ورأس الشيطان، والدنيا حلوة وانا بحب شباب ام بدة.
* المهنة؟
ـ اشيل دم من دا يمرض دا من دم دا، لغاية ما يقول عندي حمى وبي صداع الم واطلع ليه ام هلا هلا في رأسو، ويقعد يقول انا ما عيان جيبوا لي بخور ويجنتر.
* اجمل اوقاتك؟
ـ بنمشي مشوار العصاري ونجي راجعين في المغيرب، ونتجمع ساعة المساء فرد الجناح لملم مصابيح النهار، ونتكيف في عز الليل، ونهوى الليل الهادي، ما سمعت اللحو قال الليل بدورو الناس، وانا ليلي اخاف منو.. ما نحن السبب.
* اللون المفضل؟
ـ بحب اي بني ادم احمر لونو جسمو، ومرات السادة اللونو خمري، ويا ريت لو كان لونو سمح زي الدهب ولا القمح.
* مدحة؟
ـ من بعد الليل ما جن ناس ليلى جن، نحن الباعوضات ناس ليلى ذااااتن.
* اجمل فصول السنة؟
ـ حل الخريف حلا ووحلنا فيه وحلا.
* لاعب كرة قدم؟
ـ فاروق«جبرة» لانو دي منطقتنا المفضلة، وباعوض جبرة عندو جلحات ومدغلب.
* فنان سوداني؟
ـ ابو اللمين لانو قال ليلي دون الناس كلو آهات كلو آهات..!!
* كاتب تقرين ليه؟
ـ المتنبي عشان قال:
وزائرتي كأن بها امر قبض فليست تزور الا في الظلام..!!
* شخصية عالمية؟
ـ دراكولا. :: اقول ليه حبيبي تعال تعال نتلم ما دام الريد اختلط بالدم.
* نقطة الضعف الوحيدة؟
ـ المواطن العندو ناموسية مشبعة، بس أنا وراهو والزمن طويل، بقول ليه لو طلعت القمرة وجيت، ولو حلفت بي رب البيت، ما بسيبك مهما بكيت واتمسحت بالجاز والزيت، او جبت ليك علبة فليت، او جريت.
* رسالة لمحمد أحمد الغلبان؟
ـ بقول ليه مستحيل عن حبك أميل، بساهر الليل انا يا جميل.
* بس دا مسكين ودمو كلو «موية فول»؟
ـ ما بسيبو، اقول انساه دمو يزيد، تزيد من تاني اوجاعي
* باقة ورد وفانسيدار وكلوركوين لمن تهديها؟
ـ لناس مشروع الخرطوم خالية من الملاريا، وديل كرهونا العيشة، ومحل قبلت القاهم معاي معاي زي ضلي.
* أغنية ترددينها هذه الأيام؟
ـ كلما أشوف طيارة الرش اغني واقول طيري يا طيارة وطيري، قولي لعدويني لناس الصحة، دوياتكم مسخت وما ها سمحة، وما بتسوي لينا شي ولا حتى القحة، وليك يا ولاية عظيم تقديري وطيري يا طيارة وطيييييري.
نقلا عن الصحافة العدد رقم: 5150
2007-10-19
|
|
 
|
|
|
|
|
| العنوان |
الكاتب |
Date |
| ونسة مع أنثى مجننة الشعب السودانى كلو..!! | اسعد الريفى | 10-19-07, 10:44 AM |
 Re: ونسة مع أنثى مجننة الشعب السودانى كلو..!! | Mustafa Mahmoud | 10-19-07, 11:21 AM |
| Re: ونسة مع أنثى مجننة الشعب السودانى كلو..!! | Mustafa Mahmoud | 10-19-07, 11:25 AM |
| Re: ونسة مع أنثى مجننة الشعب السودانى كلو..!! | EL fahal Abdelatif | 10-19-07, 11:25 AM |
| Re: ونسة مع أنثى مجننة الشعب السودانى كلو..!! | Mustafa Mahmoud | 10-19-07, 11:33 AM |
 Re: ونسة مع أنثى مجننة الشعب السودانى كلو..!! | شهاب الفاتح عثمان | 10-19-07, 01:15 PM |
| Re: ونسة مع أنثى مجننة الشعب السودانى كلو..!! | EL fahal Abdelatif | 10-19-07, 01:44 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-19-07, 05:40 PM |
 Re: ونسة مع أنثى مجننة الشعب السودانى كلو..!! | بكري الصايغ | 10-19-07, 05:48 PM |
| Re: ونسة مع أنثى مجننة الشعب السودانى كلو..!! | نصار | 10-19-07, 05:55 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-19-07, 06:11 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-19-07, 06:30 PM |
| Re: ونسة مع أنثى مجننة الشعب السودانى كلو..!! | بكري الصايغ | 10-19-07, 06:42 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-19-07, 10:24 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-19-07, 10:48 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-19-07, 10:56 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-20-07, 08:13 AM |
| Re: ونسة مع أنثى مجننة الشعب السودانى كلو..!! | Nasr | 10-20-07, 08:40 AM |
| Re: ونسة مع أنثى مجننة الشعب السودانى كلو..!! | اسعد الريفى | 10-20-07, 06:36 PM |
| Re: ونسة مع أنثى مجننة الشعب السودانى كلو..!! | بكري الصايغ | 10-20-07, 09:03 PM |
| Re: ونسة مع أنثى مجننة الشعب السودانى كلو..!! | شهاب الفاتح عثمان | 10-26-07, 06:02 PM |
| Re: ونسة مع أنثى مجننة الشعب السودانى كلو..!! | اسعد الريفى | 10-26-07, 09:26 PM |
| Re: ونسة مع أنثى مجننة الشعب السودانى كلو..!! | اسعد الريفى | 11-08-07, 06:08 PM |
| Re: ونسة مع أنثى مجننة الشعب السودانى كلو..!! | haider osman | 11-08-07, 10:20 PM |
| Re: ونسة مع أنثى مجننة الشعب السودانى كلو..!! | عواطف ادريس اسماعيل | 11-09-07, 08:31 AM |
|
| |
اسعد الريفى
فيس بوك
تويتر
انستقرام
يوتيوب
بنتيريست