الأستاذ محمود محمد طه: أزرعوهم في أرض الحوار يموتوا موت طبيعي

Quote: أحمد المصطفى دالى الله يطراه بالخير كان له ركن نقاش يعتبر مدرسة فى التأسيس لحوار راقى.. وكان دالى جادا و لطيفا ومهذبا ودائم الإبتسام.. وكان المقر الدائم لركنه بالقرب من الEXAMIN HALL وفى الMAIN ROAD. وكان لايخلو من ردود طريفة على بعض المحاورين مماجذب للركن جزءا من الحضور يستمتعون بردوده اللبقة ويضحكون بشدة مما يفقد الطرف الآخر فى الحوار إتزانه.. الإخوة الجمهوريون من الحضور كانوا لايضحكون و يكتفون بالإبتسام. نحن طبعا بحكم بعدنا من المقر الرئيس للجامعة كنا من المحرومين إلا فى حالة بعض الزيارات وفترة البرلم.. نرجو من طلاب جامعةاخرطوم وخصوصا طلاب السنتر مشاركتنا بماتختزنه الذاكرة. مقدمة لا بد منها جاء زميلي في الكلية عمر محمد عبدالرحمن ( الذي ذكرت طرفته ) أعلاه ، جاء للكلية تسبقه شهرة كبيرة إذ كان أحد أبرز قادة الإتجاه الإسلامي في مدرسة كسلا الثلانوية . في حفل إستقبالنا نحن البرالمة الذي أعده الإتحاد الذي كان تحت سيطرة الأخوان ( إتحاد التجاني عبدالقادر ) . تم تقديم البرلوم عمر ليقدم كلمة البرالمة . فقال في كلمته جملته الأشهر " كما إنطلقت من جامعة الخرطوم شرارة حل الحزب الشيوعي في 1968 ، سوف تنطلق في هذا العام 1979 رصاصة الرحمة الأبدية للحزب الشيوعي " - أو كما قال - في اليوم التالي صدرت صحيفة ( آخر لحظة ) - الأخوانية - بعنوان مثير: الإتجاه الإسلامي يقدم الشبل الصاعد عمر عبدالرحمن ويتحدى التنظيمات أن تأتينا بمثله الطرفة جاء الأخ عمر عبدالرحمن لركن دالي مشحوناً بالهالة الإعلامية التي نسجت حوله . عرف دالي بفطنته المعهودة أن هذا الذي يناقشه هو ( الشبل الصاعد ) الذي قدمته صحيفة آخر لحظة . فقال في معرض رده عليه " اليوم آخر لحظة بتقدم لينا الشبل الصاعد دا وتتحدانا أن نقدم واحد زيو ، نحنا لو عندنا واحد زيو ما بنتحدى بيهو التنظيمات السياسية ، بنقعدوا في الواطة دي لحدي ما يعرف إنو الحزب الشيوعي حلَوه سنة 1965 ما سنة 1968 " عمر عبد الرحمن كان كوز وبرلوم هندسة.. سأل دالى سؤال قبل دالى مايرد قال ليهو يا دالى ماتلف.. دالى فال ليهو أدور؟ وفى وسط الضحك وشمشرة ناس الآداب.. دالى واصل: البرلوم من ناس الإتجاه الإسلامى ديل يمشى بالمسا مسجد البركس يقولوا ليهو فى واحد إسمو دالى عندو ركن فى المين رود قاعد يلف ويدور يجى هنا يسألك وقبل مايسمعك يقول ليك ماتلف ********************************************** واحد أنصار سنة بدا الكلام عن الصوفية واخد راحتو بعد خلص دالى قال ليهو هسع عليك الله لو الصوفية بكرة كلهم قالوا خلينا التصوف.. إنتو تانى لازمتكم شنو وحاتعملوا شنو يقال والعهدة على الراوى ,, دالى كان فى احد اركان النقاش ,, احد الكيزان قال له : يادلى انت مخالف للسنة ,, (بضم السين وليس بكسرها) دالى: وكيف ذلـك؟ الكوز: انت حالق لحيتك وهذا يخالف السنة. دالى : وانت جاى الجامعة بيعربية مرسيدس وينو بعيرك؟ قال ليك واحد أنصار سنة واااااضح بنطلون فوق لى عضم الشيطان دقينة النوع المشتت داك زى القايم بروس واغبباااااش كمن أسرف فى التيمم قام أخد الفرصة وقبل مايتكلم دالى باغتو بسؤال: دالى: الأخ أنصار سنة الراجل: لا ما أنصار سنة دالى: (مع ابتسامة) لاأنصار سنة أها إستمرت الشغلانة مسافة (لا ما أنصار سنة... لاأنصار سنة) وبدأ الضحك المكتوم من عينة ال giggle وبعض الكااااااك من الشمشرجية.. قام صاحبنا إستسلم وقال آى أنصار سنة آها فى شنو دالى بى برود قال ليهو آى الشينة منكوره تحدث أحد السلفيين عن حقوق المرأة في الشريعة و اكد انها مساوية تماما للرجل في كل شيء ماعدا بس : "انو الراجل ينفق عليها و يؤدبها في حالة النشوز" دالي رد عليه: "طيب وماهو المستثنى منه؟" يعني بعد دا الفضل شنو للنسوان دالي يناقش احد انصار السنه حول مسالة شهادة المراة في الاسلام دالي يقول ان شهادة المراة يؤخذ بها وانصار السنة يقول يستوجب للشهادة امراتين ضرب دالي مثال في غاية الطرافة وقال اذا حدث امام تقاطع الجامعة حادث حركة بين سيارتين وكان شهود الحادث الدكتورة دينا شيخ الدين (دكتورة القانون بالجامعة) والشاهد الثاني ( راعي ابل من الخلا ) تصادف وجودهم لحظة وقوع الحادث دكتورة دينا سوف تشرح للقاضي الحادث بالتفصيل الدقيق واخونا العربي سوف يقول ( والله انا لا احرا لا ادرا شفت العربيات اطاقشوا ) دالي قال لانصار السنه بالله القاضي ياخذ بكلام منو وضحك جميع الحضور