الأستاذ محمود محمد طه: أزرعوهم في أرض الحوار يموتوا موت طبيعي

Quote: من الطرائف التي ارتبطت ..بالاستاذ دالي ...اننا حين قدمنا الي الجامعة ..كان دالي طالب دراسات عليا..وشاء القدر ان احضر له ركنابالنشاط..ربما اول يوم او ثاني يوم من مقدمي للجامعة’’اكيد..وطبعا لابس لي بنطلون وقميص جديدات لنج علي عملات البرالمة ايامنا تلك‘‘..وقد اعجبت بدالي..وسعدت لبشتنتو البسويها لخصومه ..خاصة المغدور به محمد طه جئت لقريبي’’في الحساب عمي‘‘ ...وهو كوز ..بدأت الحديث عن دالي وقدراته في افحام خصومه وخفة دمه وموسوعية معارفة..وقريبي يكاد ان ’’يطق‘‘..غيظا وحنقا...بعدها استفسرت ببراءة ..هو دالي دا شغال شنو؟بخلفية ان الاخوان هاجموه في ذاك الركن بأنه غير طالب بالجامعة فصب قريبي كل غيظه في رده علي سؤالي..شغال نقاش ..بنبرة تشير بقوة وحزم لي..ان اغلق هذه السيرة. ايضا من الطرائف ..والعهدة علي الرواة..ان داليا قد استضاف صديق الزيلعي(الجبهة الديمقراطية) في ركن للنقاش..وبعد انتهاء الركن..عزم دالي علي صديق لتناول كباية شاي..الا ان صديقا اعتذر..فالح دالي..ملاطفا لصديق الزيلعي..ياخ يلا اشرب معاي شاي ..شاهينا دا فيهو البركة(الضمير نا فيما يبدو راجع للجمهوريين)..فأذعن صديق الزيلعي لذاك الالحاح...وبعد ان فرغ صديق من شرب كوبه..سأل دالي ساخرا...ما قلت شاهيكم فيهو البركة وين البركة دي..فرد عليه دالي بذكائه وطرفته المعهودتان..نان يا صديق انت قايل البركة دي نعناع ولا شنو؟