الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: أغنيات ســـــــــــــــــــــــــــــــــــــــــــــــــــــــــم (Re: ودقاسم)
|
Quote: قالت زوجتي : ياخ ما تعمل ليك قناة تتكلم فيها ، انت كلامك كتير أخير ليك تعمل قناة والله ، واتكلم فيها زي ما داير .. أعمل زي حسين خوجلي دا ، شوفو مش عمل ليهو قناة وبقى يتكلم فيها بي راحتو .. اعمل ليك قناة واتحكّر فيها زي ما داير .. قلت لها : ياخ أنا كلامي ما كتير ، بس إنتي دايما خاتاني في موقع الاتهام . قالت : لا حولا ، ياخ والله إنت بتتكلم قدر أي زول تاني عشرة مرات ، الأولاد هاريهم بالكلام ، والضيوف هاريهم بالكلام ، وكان لقيت الجيران في الشارع تقيف تتكلم بالساعات ، والناس البتشتري منهم الله قال بي قولهم ، وجنّك كلام .. قلت : يمكن إنتي بتقارني كلامي بي صمتك وعشان كده شايفاني بتكلم كتير . قالت : لا والله ، بس إنت مغطي على أي كلام أنا ممكن أقولو ، وبزيادة كمان ، ولو كنا الاتنين بنتكلم والله الجيران يرحلوا من هنا ، إلا نقعد برانا ..
|
يا سلااااااام يا سلام عليك يا خالهم ويا سلام على الحاجة فوزية ويا سلام على هذا البوح الراقي
صديقي ( ص ) كان كثير الكلام حقاً وللتدليل أذكر أنه قد تم عقد قرانه على محبوبته وهو خارج السودان على أن يأتي بعد سنة لإكمال مراسم الزواج وأخذ زوجته معه لديار الغربة... جاء في إجازته وطبع الكروت وحجز الفنانين وقبل موعد الزواج بيوم توفى أحد أقارب العروس قرابة مباشرة أصر أصهاره على تأجيل الزواج وأصر هو على إكمال الزواج وكان لكليهما مبرراته القوية قال صديقي العريس أنه يريد لقاء والد ووالدة العروس فقط للتحدث معهما ذهب إليهما بعد صلاة المغرب مباشرة ... بدأ يشرح لهما مبرراته... وكلما أرادا الحديث لشرح وجهة نظرهما كان يسكتهما بأن يتركاه يكمل حديثه وبعد ذلك يتحدثان .. إستمرا هكذا .. هو يشرح وهما يحاولان الحديث ... وهو يسكتهما أن يصبرا حتى ينهي حديثه فجأة سمع الجميع صوت الآذان وقف والد العروس " طيب يا ولدي خليني أصلي العشاء وأجيك راجع نكمل " ردت عليه زوجته " يابا عشاء شنو.. دا آذان الفجر ... " .... ... ... جاءني هذا الصديق يوماً يحمل خريطة لمنزل العمر المفترض ... وكعادة المغتربين .. تصميم ثلاثة طوابق وغرفة خارجية للخادمة بحمامها ... وطلب مني أن أعطيه رأيي الفني في التصميم قبل أن أنظر لبقية التصميم وبقلم الرصاص الذي كان في يدي ألغيت من الخريطة غرفة الخادمة ولما نظر إلى محتجاً قلت له جاداً
" ياخوى إنت كلامك كتير ... المرة دي وبناتها ما ح يتحملوك العمر كلو ... وإنت كلما تكبر كلما يزيد كلامك .. والله الشافهم حولوا لى سريرك في الغرفة دي أصلو ما كضب ... أقصر الشر.. وخليك في نصهم "
نفذوا ما تيسر لهم من الخريطة وسكن ( وسطهم ) في أمان الله وكان كل ما ( يبريهم ) بالكلام تتنهد زوجته
" غايتو يا عاطف ما عملت فينا خير كلو كلو ... لو خليتنا بنينا الغرفة البرانية كنا إرتحنا "
______________
مشتاقين يا حبيب
|
|
|
|
|
|
|
العنوان |
الكاتب |
Date |
أغنيات ســـــــــــــــــــــــــــــــــــــــــــــــــــــــــمراء | ودقاسم | 12-23-12, 12:04 PM |
Re: أغنيات ســـــــــــــــــــــــــــــــــــــــــــــــــــــــــم | عبد الباقي الجيلي | 12-23-12, 12:39 PM |
Re: أغنيات ســـــــــــــــــــــــــــــــــــــــــــــــــــــــــم | ودقاسم | 12-24-12, 05:45 PM |
Re: أغنيات ســـــــــــــــــــــــــــــــــــــــــــــــــــــــــم | عبدالمنعم العوض | 12-23-12, 12:45 PM |
Re: أغنيات ســـــــــــــــــــــــــــــــــــــــــــــــــــــــــم | عبدالله ود البوش | 12-23-12, 01:15 PM |
Re: أغنيات ســـــــــــــــــــــــــــــــــــــــــــــــــــــــــم | عبدالله ود البوش | 12-23-12, 01:25 PM |
Re: أغنيات ســـــــــــــــــــــــــــــــــــــــــــــــــــــــــم | ياسر السر | 12-23-12, 02:51 PM |
Re: أغنيات ســـــــــــــــــــــــــــــــــــــــــــــــــــــــــم | Muna Khugali | 12-24-12, 05:59 PM |
Re: أغنيات ســـــــــــــــــــــــــــــــــــــــــــــــــــــــــم | ودقاسم | 12-25-12, 06:57 PM |
Re: أغنيات ســـــــــــــــــــــــــــــــــــــــــــــــــــــــــم | ودقاسم | 12-25-12, 06:49 PM |
Re: أغنيات ســـــــــــــــــــــــــــــــــــــــــــــــــــــــــم | ودقاسم | 12-25-12, 06:43 PM |
Re: أغنيات ســـــــــــــــــــــــــــــــــــــــــــــــــــــــــم | ودقاسم | 12-24-12, 06:29 PM |
Re: أغنيات ســـــــــــــــــــــــــــــــــــــــــــــــــــــــــم | ودقاسم | 12-24-12, 06:15 PM |
Re: أغنيات ســـــــــــــــــــــــــــــــــــــــــــــــــــــــــم | عاطف عمر | 12-24-12, 06:16 PM |
Re: أغنيات ســـــــــــــــــــــــــــــــــــــــــــــــــــــــــم | ودقاسم | 12-25-12, 07:09 PM |
|
|
|