|
Re: أنبياء تحت التمرين ...! (Re: MOHAMMED ELSHEIKH)
|
(*)
اهلا لعودتك اخي محسن .. ########تا لي نبوئتي شمار في مرقة .. وام الحسين الصعيدية الحبسوها اهلها للعرس دي ؟
قبل 3 اشهر من الان اخي محسن دخلتا في حالة مشابهة .. وبصراحة كنت شايف عالم تاني غير عالمكم ده .. ولولا بعض الاهل والاصدقاء والاحباب كنتا جيتكم طائر عديل :)
اي انسان قابل للدخول في حالة مشابهة فالنفس البشرية دي مسالة معقدة جدا ومهما بلغ بالانسان من المعرفة والقوة والاتزان طوال حياته , يمكن تظلل عليه سحابات من الحزن والقلق والغضب ورفض الواقع وده كلام زول مجرب ودفعة , دفعة شنو (أنا سنير عليك) فقد خضت التجربة وخرجت منها قبلك , .. يا محسن ياخوي .. الحياة دي لا تسوى شيئاً .. وانظر فقط لثلة الاصدقاء الذين حولك تجد نفسك قوي بهم , غني بهم , ولا تستغرب من كثرة الاعداء فأمثالك دائما مايجيدون اكتساب الاصدقاء كما انهم لا ينفكون يكتسبون الاعداء , بل يصنعون الاعداء , ..
خلال عام واحد يامحسن فقدت كثير الاصدقاء , واكتسبت كثير من الاعداء وماتت عني امي التي ربتني وفقدت حبيبتي ومعها طفلي الذي حلمت به .. فجنيت قلتا هو , ونفسنتا , وكنت اذهب الى قبر امي التي ربتني واقف امامه خاشعا كما كنت اقف امامها واحدثها واضحك وابكي معها واغادر قبرها متلصصا بعد ان تنام (كما كنت افعل بحياتها ) ثم بعدها حدثت كل من يعرفني ومن لا يعرفني عن فراقي لحبيبتي , وذهبت حادثت اماكن جلوسنا , لقاءنا , حدثت سيارتها , تعطرت بعطرها الذي تحب , صمت عن الاكل زهاء الشهر , .. بكيت على طفلي الذي لم انجبه منها , وكدت اعلن الحداد عليه وهو لم يولد بعد , كدت ان (افرش ) عليهو واخد عزاهو وهو وهم بخيالنا كان , اسميناه احمد واشتريت له لعبه وملابسه وكدت ان اسجله بالحضانة وهو مجرد حلم حلمناه و وهم عشناه و أمنية حبيب وحبيبة , لكن فراقها كان كموته , احسست بانني انجبته ومات , وبكيته , وبكيت نفسي , وشكوت الى قبر امي ..
اسمرت سحنتي , ونحل جسمي , ورفضت كل شئ , الطعام , النوم , وكدت من فرط هزالي أن أشتري ملابسي من(البيبي كير) , واتجننتا جنون كان حكيتو ليك بتقول لي اخير منو (اتفرعن واقول انا ربكم الاعلى ) يا محسن ياخوي , انتا في كتاباتك زول لسانك طويل و ردودك لاسعة وتخفي ما بداخلك من رهافة ومحبة للناس دون فرز بغلاف من غلظة في الكتابة , لكن سجم خشم كعوبية ماعندك ,.. ورهافتك ومحبتك دي بتجنن وتحنن .. انت مهدي وهبة الباري ونبي من انبياء المحبة والقلب الاخضر والفؤاد النضر والنفس النقية .. لذلك يامحسن ياخوي انت نصيح وشديد وحاضر , لكن الرهافة والمحبة والاحلام الضائعة والصراع بين القلم السنين واللسان اللازع والقلب الحنين بجننو ..
ياناس هوي محسن عاقل , وشديد ,,, وكان في مجنون في البورد ده ياهو أنا (كمال الزين) ده , والشواهد الفوق دي اعترافات وحقائق .. لكن ماعندي ليكم من المحبة مثلما حمله محسن لكم , .. فهو حين نفسن لم يفكر بنفسه جرى ليكون مهديكم ومخلصكم .. فالتفوا حول اخيكم محسن وقولوا له : التفت لنفسك ودعك من محبتنا , فهي حجيم اشد من حجيم توعدت به كنيسة (شنو ماعارف ديك ) اسمها زي خالد الكد غايتو .. وكان رايح ليكم مجنون .. تعالوا ربطوني ساكت ..
..... .. .
|
|
|
|
|
|
|
العنوان |
الكاتب |
Date |
أنبياء تحت التمرين ...! | كمال علي الزين | 12-21-12, 07:55 PM |
Re: أنبياء تحت التمرين ...! | أحمد ابن عوف | 12-21-12, 08:06 PM |
Re: أنبياء تحت التمرين ...! | كمال علي الزين | 12-22-12, 10:27 PM |
Re: أنبياء تحت التمرين ...! | طه جعفر | 12-23-12, 02:42 AM |
Re: أنبياء تحت التمرين ...! | كمال علي الزين | 12-23-12, 02:52 AM |
Re: أنبياء تحت التمرين ...! | كمال علي الزين | 12-23-12, 03:03 AM |
Re: أنبياء تحت التمرين ...! | طه جعفر | 12-23-12, 03:54 AM |
Re: أنبياء تحت التمرين ...! | دينا خالد | 12-23-12, 06:44 AM |
Re: أنبياء تحت التمرين ...! | دينا خالد | 12-23-12, 06:41 PM |
Re: أنبياء تحت التمرين ...! | rosemen osman | 12-23-12, 06:56 PM |
Re: أنبياء تحت التمرين ...! | MOHAMMED ELSHEIKH | 12-23-12, 07:03 PM |
Re: أنبياء تحت التمرين ...! | كمال علي الزين | 12-24-12, 02:07 AM |
Re: أنبياء تحت التمرين ...! | كمال علي الزين | 12-24-12, 02:39 PM |
Re: أنبياء تحت التمرين ...! | عبداللطيف خليل محمد على | 12-24-12, 05:03 PM |
Re: أنبياء تحت التمرين ...! | كمال علي الزين | 12-24-12, 06:48 PM |
Re: أنبياء تحت التمرين ...! | مامون أحمد إبراهيم | 12-24-12, 09:33 PM |
Re: أنبياء تحت التمرين ...! | كمال علي الزين | 12-24-12, 10:16 PM |
Re: أنبياء تحت التمرين ...! | سيف اليزل برعي البدوي | 12-25-12, 02:14 AM |
Re: أنبياء تحت التمرين ...! | معاوية المدير | 12-25-12, 02:51 AM |
Re: أنبياء تحت التمرين ...! | معاوية المدير | 12-25-12, 03:06 AM |
Re: أنبياء تحت التمرين ...! | عبداللطيف خليل محمد على | 12-25-12, 09:11 AM |
Re: أنبياء تحت التمرين ...! | عبداللطيف خليل محمد على | 12-25-12, 09:16 AM |
Re: أنبياء تحت التمرين ...! | عبداللطيف خليل محمد على | 12-25-12, 09:17 AM |
Re: أنبياء تحت التمرين ...! | عثمان دغيس | 12-25-12, 09:29 AM |
Re: أنبياء تحت التمرين ...! | نصر الدين عثمان | 12-25-12, 09:53 AM |
Re: أنبياء تحت التمرين ...! | كمال علي الزين | 12-25-12, 02:29 PM |
Re: أنبياء تحت التمرين ...! | عبداللطيف خليل محمد على | 12-25-12, 05:00 PM |
|
|
|