|
الثورة مكجوجة براها !!!
|
من بوست لزميل المنبر أبقوتة حلف قال خايف يكج الثورة عشان كدا فضل مايكتب..
الثورة يوم الأحد كانت قوية جدا حتى أفرحتنا ونحن على بعد آلاف الأميال.. لقد أثلجت صدورنا عملنا داونلود لكل مانملك من الثوريات وقعدناعلى الكاوتش نتابع المنبر ونتاوق لكل القنوات الفضائية..
ومما زاد فرحتنا أن قناة الجزيرة طنشت الخبر.. فقلنا شكلها كدا المرة دى قوية عشان كدا قناة الكيزان طنشت..
ومصمصنا القهوة ولعنا الطاهر المرضى وشكرنا خالد عويس..
اليوم والذى يؤرخ له باليوم التانى للثورة فتحنا المنبر ننقر على أيقونة نيو لقينا المقالات المقتبسة من مواقع أخرى تتحدث عن ثورة الأمس.. قلنا أكيد استراحة محارب.. نط ولد شليق قال: هى نان متين فتروا عشان يرتاحوا..
قلنا اللهم أجعلوا خير وماتكون عزاء أنصار سنة ينتهى بانتهاء الدفن..
سرحنا فى حلم جماعى نرسم سناريو للمواقف المختلفة..
سمعنا زعيم ينادى بنته: عليك الله أدينى كباية موية سااااقطة واضربى لى نمرة سعادتو..
الموية جات وسعادتو على الخط.. ياسعادتو طبعا نحنا زى ماعارف لازم نطلع بيان سعادتو يرد: نعم نعم بس ماتطلعوا من المتفق عليه الزعيم: لالا شجب شجب بس وإدانة وعليهن حبيبة تأييد للثورة
سعادتو: بس ماتتهوروا وتكترو فى التأييد
مفهوم مفهوم ولو عايز ممكن أقراه ليك فى التلفون قبل النشر
لالا مافى داعى, انت مامنك خوف!!
يودع سعادتو ويلتفت للحضور من أعضاء الحزب قلنا نخت رجلنا فى الثورة بالبيان دا فلو نجحت ( يضع سرو فى أضعف خلقو) نكون مشاركين ولو فشلت (كما كل مرة) نكون عملنا العلينا وفى نفس الوقت مازعلنا سعادتو..
زعيم آخر منافس قاعد يفطر جاهو الولد بالتلفون الزعيم يوسوس: دا منو الولد قافل التلفون بيد وباليد التانية يؤشر على كتفو راسما مقصات وصقور ونجوم وجداد فعرف الزعيم وانعدل فى جلسته ورسم ابتسامة هاتفية
باغته سعادتو: أها حاتعملوا شنو؟ الزعيم: فى شنو؟
سعادتو: ياخى انت عايز تجننى؟ ول عايز تعمل فيها حميل الجدير بالذكر قبل 24 سنة سعادتو كان يستمتع بتقبيل يد الزعيم وهو من توسط له لدخول الكلية الحربية..
الزعيم: لالا العفو, بس لو قاصد هوجة الطلبة دى ماعندنا معاها شغلة سعادتو: لا لا انتو لازم تطلعوا بيان كدا للتغبيش.. الزعيم: أكان كدا نكلم واحد من فروعناالفى أمريكا يطلع بيان.. سعادتو: دا عين العقل!!
سعادتو: ياخى الشيوعى دا رافع السماعة شكلو, خلينا نمشى نقابلو بالباب.. وصل سعادتو وقابل الشيوعى وأنبه على أن تلفونه مشغول فقال الشيوعى: نعم كنت فى كونفرنس كول مع قوى الإجماع الوطنى سعادتو: ياخى خليك معانا عشان عايزين نعرف موقفكم بوضوح.. الشيوعى: يزمجر, انتو مافى أحزاب ماقاعدين تعملوا معاهم أى حاجة, ايش معنى نحنا؟ سعادتو: ياتو أحزاب دى؟ الشيوعى: الليبرالى والخضر والمؤتمر وماشابههم.. سعادتو: يضحك, ياخى انت قايلنا نحنا بنخت راسنا مع الفكة دى؟ الشيوعى: والمطلوب سعادتو: تتصل على الزعيمين وتعمل زيهم..
دخل الزعيمان والشيوعى فى كونفرس كول وتونسوا عن المظاهرات والثورة القادمة واستعرضوا لقاءاتهم مع سعادتو وقاطعهم الذى يجيد الكلام: قبل ما تتكلموا أعرفوا أن تلفوناتنا دى مسموعة..
فتحدثوا فيما أعطى لهم من حرية فى مثل هذه المواقف.. ولكى يرسموا على موقفهم قناعة ذاتية, وسوسوا: ياخى الثورة دى دارفورية صرفة ولو نجحت ناس دارفور ديل حايركبوا فى راسنا فخليها تنتهى ونخطط للثورة القادمة على مهلنا أصلن الحكومة دى لوح تلج مختوت فوق تربيزة وبدا يسيح!!
سعادتو فى غرفة التصنت ابتسم ابتسامة عريضة وقال: المابجى بالكاش بنعرف نجيبوا كيف!!
|
|
|
|
|
|
|
العنوان |
الكاتب |
Date |
الثورة مكجوجة براها !!! | Balla Musa | 12-10-12, 05:53 PM |
Re: الثورة مكجوجة براها !!! | مريم بنت الحسين | 12-10-12, 06:01 PM |
Re: الثورة مكجوجة براها !!! | وليد محمد المبارك | 12-10-12, 06:07 PM |
Re: الثورة مكجوجة براها !!! | Balla Musa | 12-10-12, 06:17 PM |
Re: الثورة مكجوجة براها !!! | محمد هارون حميدان | 12-10-12, 06:04 PM |
Re: الثورة مكجوجة براها !!! | Balla Musa | 12-10-12, 06:19 PM |
Re: الثورة مكجوجة براها !!! | Balla Musa | 12-10-12, 06:22 PM |
Re: الثورة مكجوجة براها !!! | Balla Musa | 12-10-12, 06:36 PM |
Re: الثورة مكجوجة براها !!! | abuguta | 12-10-12, 07:02 PM |
Re: الثورة مكجوجة براها !!! | Balla Musa | 12-10-12, 07:53 PM |
Re: الثورة مكجوجة براها !!! | محمد البشرى الخضر | 12-10-12, 09:13 PM |
Re: الثورة مكجوجة براها !!! | مها عبد الله | 12-10-12, 09:30 PM |
Re: الثورة مكجوجة براها !!! | احمد محمد بشير | 12-10-12, 09:43 PM |
Re: الثورة مكجوجة براها !!! | ABUHUSSEIN | 12-10-12, 09:48 PM |
Re: الثورة مكجوجة براها !!! | Balla Musa | 12-10-12, 11:19 PM |
Re: الثورة مكجوجة براها !!! | Balla Musa | 12-10-12, 11:23 PM |
Re: الثورة مكجوجة براها !!! | Balla Musa | 12-10-12, 11:27 PM |
Re: الثورة مكجوجة براها !!! | Balla Musa | 12-10-12, 11:32 PM |
Re: الثورة مكجوجة براها !!! | رانيه محمد الشيخ | 12-11-12, 00:00 AM |
Re: الثورة مكجوجة براها !!! | د.نجاة محمود | 12-11-12, 02:32 AM |
Re: الثورة مكجوجة براها !!! | Balla Musa | 12-11-12, 04:53 AM |
Re: الثورة مكجوجة براها !!! | Balla Musa | 12-11-12, 04:55 AM |
Re: الثورة مكجوجة براها !!! | محمد إبراهيم علي | 12-11-12, 06:02 AM |
Re: الثورة مكجوجة براها !!! | محمد البشرى الخضر | 12-11-12, 06:27 AM |
Re: الثورة مكجوجة براها !!! | عاطف عمر | 12-11-12, 06:29 AM |
Re: الثورة مكجوجة براها !!! | Balla Musa | 12-11-12, 07:51 PM |
Re: الثورة مكجوجة براها !!! | Balla Musa | 12-11-12, 07:53 PM |
Re: الثورة مكجوجة براها !!! | Balla Musa | 12-11-12, 07:58 PM |
Re: الثورة مكجوجة براها !!! | عاطف عمر | 12-12-12, 06:23 AM |
|
|
|