خروج طلاب جامعة الخرطوم الى الشارع لتسليم مذكرة للأمم المتحدة (صور

Quote: 12-09-2012 08:45 AM قصيدة ( كل البنيتو عبث ) ،، كلمات : سمية هندوسة‎ كل البنيتو عبث و كل العبث من طين والطين حلاتو عبث و عبثونا زى الطين خلونا زى ميتين و رجعنا لى ادم وكل البشر من طين يا ناس تبيع الدين و تتضارى فى الاسلام بعتونا دون اثمان و انهار بلدنا كمان قسموه باسم الدين يا رب جميع الناس يستعبدونا كمان ويوقفو القاعدين و يقعدو الواقفين يمكن نحس نشعر و نقول صبرنا كمل ساكتين بقالنا سنين و الحرب دوارة و العيشة جد صعبة و الجوع فرض نفسوا يا ناس تموت جوعا يا شعب مات كمدا اطلع كفاكا سكوت بالجوع حتلقى الموت و بى غيره برضو تموت موت فى سبيل حقك و اصبح شهيد وطنك اكرم تموت واقف من ان تعيش مذلول ويوم ما يجيك الموت ما تلقى حق كفنك وطنك صبح مبيوع وقولك صبح ممنوع و كمان لحست الكوع و شمت نافع فيك اطلع كفاية كلام اهتف بصوت مسموع ارحل هتافك حي يحشد معاكا جموع و تار البلد راجيك و الثكلى عينا عليك حرر قيود وطنك خلينا نفرح بيك