اللهم اجعله خيرا … رأيت فيما يري النائم الرئيس عمر البشير شخصيا

Quote: حلمت ذات ليلة أنني أركب في عربة مكشوفة بجانب الرئيس الامريكي الاسبق بل كلنتون وكانت العربة تسير في ظلط جبرة بداية من السوق الشعبي وعندما وصلنا محطة الإسكان, فاخدنا ساتر وأستطعت التعرف علي وجوه بعض أصدقائي المقربيين جدا في جبره,وصاح أحدهم بعد ان تعدت العربة محطة الإسكان"إنت الركبك مع الوهم دا شنو؟" بعد الحلم دا بقدم للوتري مرتين في السنة لي أكتر من 12 سنة ومن ديك وعيييييييييييييييييييييييييييييييييييك,

قام ابليس الخائن اللعين وسوس وقعدت تهضرب هضربة (أركب في عربة مكشوفة بجانب الرئيس الامريكي الاسبق بل كلنتون) ام العيال (وعندما وصلنا محطة الإسكان) من فرفرتك الكتيره صحت من النوم والعوه (تفاجئنا بمجموعة أمطرتنا بوابل من الرصاص) وقعت هبطرش ( يا راجل حميتنا النوم .. تململ مالك وما شاكل ذلك) وطبعا انت (اخدت ساتر) و بلعت الذمه وقعدت تقول وتقطع ( والله الواحد كره البلد ده ...وداير يشوف ليهو طريقة مخارجا ان شاء الله لي امريكا )

تعرف يا مرتضي في علم النفس في مدخل اسمو الاسقاط ...وده في رائي تمثل في انك قعدت تلوم في نفسك لوم شديد وتقول مع انك تحمد ربك علي ما اتاك من نعم و قاعد متمكن في محطة الاسكان بتاعتك مالك ومال (" الوهم دا شنو؟") وشلت شوفك وختيتو القول في خشم اصحابك الممكن كانو قاعدين بمزمزوا في تفاصيل التفاصيل في قصة Beauty and the Beast وده السبب وراء (التعرف علي وجوه بعض أصدقائي المقربيين جدا) .. !!!

اها يا زول الحته الغلبتني انك بعد ما صدقت من قمت من النوم وجري علي اللوتري ..
هل ال

Quote: ١٢ سنة وعيييييييييك

ده انت اخدت اللوتري ومشيت امريكا ولا لقيت مونيلسكي ولا كلتكسي .. وعرفت الله واحد من الدعك والعرك البدعكو وبعركوهو فيه الناس في اكل العيش هناك .. واللا لي هسع انت زاكي اللوتري ١٢ سنه