|
دفع الله الحاج علي عثمان:المنصب ده واسع عليك شديد.
|
ياخ اداءك على قناة الجزيرة بيوضح أنو السودان ما ضايع من شوية و انو سياسة الرجل غير المناسب في المكان غير المناسب دي قد اهلكت الحرث و النسل . بعدين باين جدا أنو حتى الناس الزيك ممن تولوا المناصب اعتمادا على الولاء الحزبي هم نفسهم يدخلهم نظام الخرطوم في حرج و عنت شديدين عندما ينبروا للدفاع عنه او لتبرير التصريحات الخرقاء التي يدلي بها رؤوس النظام. يا دفع الله ياخ حتى مذيعة الجزيرة كانت تتعامل معاك باستهانة واضحة نتيجة لردودك الضعيفة و كلامك المهتز. سيوف عشر شنو ياخ الله يرضى عليك، و هل اصلا نفعت سيوف العشر هذه في حينها حتى تعيد سيادتك انتاجها لنا في القرن الواحد و عشرين. عندما ادعيت بأن اعضاء مجلس الأمن كلهم استنكروا الاعتداء و احرجتك المذيعة بسؤالها هل استنكروا هكذا دون أدلة ، أخذت تلف و تدور و كان منظرك يدعو للرثاء. اذا عاجباك نيويورك قدم طلب لجوء او حاول تطلع اذن عمل و ممكن برضو تلحق اللوتري بتاع السنة دي، لكن كونك تقعد فيها بادعاء أنك ممثل للسودان أمام الأمم المتحدة دي مسألة ما جاية اصلو لأنك ببساطة لست كفؤا لهذا المنصب كما حكومتك كلها ليست كفؤة لادارة البلد بل هي كفوة ابتلينا بها و لله الأمر من قبل و من بعد.
|
|
|
|
|
|