للعلم

Quote: سلام يا بدر الدين كل ما تكتب زيادة الواحد يستغرب زيادة. الكلام اتكتب هنا في سودانيزأونلاين كيف يتم حله برة؟ عارف أنا رأيي قلته قبل كدا إذا فعلا أنتم أصدقاء لمعاوية ويهمكم أمره المفروض تكونوا أكتر ناس مصرين على أن يأتي معاوية ويعتذر للمتضررين من أكاذيبه. وأنا ما زيك... أسميها أكاذيب لأنه في تقديري أن أعراض الناس ما لعب ولا يكفي إنه زول يجي يكتب الكلام الفارغ الداير يكتبه هنا عشان أقول والله في احتمال واحد في المليون يكون صاح. بعدين يا بدر الدين إنت بتتكلم إنه من واجبك لو عرفت انحراف في شخص تحذر منه. نفترض إنه كلامك دا صحيح... هل ما قام به معاوية هو من باب التحذير ولا من باب الابتزاز كما يفعل الآن مع الأخ معتصم؟ معاوية ما قاعد يحذر في زول معاوية كلامه ببساطة يا تسكت يا ود البشرى يا بألف فيك قصص وفي نسوان أصحابك... يا تسكت يا معتصم يا بألف قصص حول حياتك الشخصية. بالنسبة لي لا أشك مطلقا في كذب معاوية أولا لثقتي في ود البشرى وثانيا لأن لي تجربة شخصية مع معاوية حيث هددني بنشر الكثير المثير عني ولا زلت أتمنى أن ينشر هذا الكثير المثير الذي يعرفه عني. دعوة ود البشرى للملمة الموضوع في تقديري الخاص مهينة جدا وتحمل قدرا كبيرا من اللا مبالاة والبرود وتذكرني بالمثل السوداني جلدا ما جلدك جر فيه الشوك لأنه لو كان الكلام دا كان عن الناس البدافعوا عن معاوية وعن زوجاتهم وزوجات أصحابهم كان موقفهم حيكون مختلف اختلاف كلي لكن لا يعرف الشوق إلا من يكابده.