|
|
 Re: ود اللمين زول بتاع قروش ومادي جداً (Re: ابوعبيدة النعمان)
|
Quote: صادق اسماعيل
قريت عنوانك النابح دة .. و بسرعة إتلببت عصاتي و استعدلت سكين ضراعي و جيتك داخل |
وانا كنت وراء ابو عبيدة ود عمي النعمان ده لكن طابالي مفراكة ,, والله صحي
إنا للــــــــــــه ياخوانا ,, الدنيا قاااااااااايمة وقاعدة في ود الأمين ويا حليلو راقد عيان في بيتو الله يشفيهو
وقفوا النقة دي شوية وربنا يشفيه بركة جاه النبي
الأخ الصدق كتر خيرك يا خوي واكتفي بنقل مداخلتي في بوست الأخ محمود مصطفى ادناه ....
******
سلام وتحية للجميع ,,,,
الإخوة,,,,
صاحب البوست
دكتور معز
وكل الأحباب متفقين ام مختلفين عن ما حدث على حسب الروايات المذكورة اعلاه
وأقول روايات حتى وإن كانت على لسان شاهد عيان ، لكن الخلاصة الطرف واحد ، ايضا الحجة السودانية هي سيدة الموقف هنا
بالسوداني الدارجي اقول للجميع بكل صراحة , نحن دائما نتكلم بمنطق الهاشمية ,, يعني بصريح العبارة أكثر
دايرين نعمل زي حكاية ناس فلان المشوا يخطبوا بت فلان وفجعتن كده حلف جارهم التاسع عشر إنه يعقدوا في ليلهم ده
لا بهمو فترة الخطوبة والتفاهم ولا بعرف العقد المفاجيء ده ممكن يلوم اهل العروسين نسبة لأنه ما بكونوا عزموا كل الناس القراب
النجيضة للحظة دي ورغم إني زي وزي كل القرآء والمعجبين بفن محمد الأمين ما سمعنا وجهة نظره كاملة رغم ما ذكره الأستاذ الشاعر بشرى الله يديه العافية
بقولها بالفم الملان للحظة ما شفت سبب واحد يلوم الأستاذ ويشيلوا كل الشينة الإتبرع بيها بعض الإخوة المتداخلين
والأسباب مختصرة في الآتي :
كتير من الأسباب اللف حوالينها الناس هي المادة !! يقول ليك الأستاذ بحب القروش ؟؟؟
عليكم الله وبصراحة منو الفاتح عيادته ببلاش ومنو البدرس ببلاش ومنو الفاتح ليه دكان بدين الناس مثلا ؟؟؟
الراجل ده ياهو مصدر رزقه ومع حال البلد الوصل لخط الفقر وما عارفين ظروفه شنو ؟ ورغم سنه برضو لايمنو إنه بحب القروش ؟
يعني العالم دي دايرة الفنان ده يسهر ويلحن ويطرب حد الثمالة وببلوشي مثلا ؟؟؟ لمتين المجاملات المخجلة دي؟؟
كلنااا نحمد الله ما بنبقى برا القرش ودي غريزة في البني آدم منذ الأزل ..
اهلنا الكبار تعاملهم مع الأصغر منهم فيه حدة كبيرة وده بعامل السن ..
هل إنت بتبشع بوالدك مثلا لو رفع صوتو ولا احرجك قدام صاحبك الضيف ؟؟ ولا حتى جاركم كبير السن ولا ابو صاحبك ؟؟؟
اكييييد ما بكون داير يحرجك ، وأكيد في سبب قوي خلاه يتصرف كده واكيييد بنحترم كبيرنا وبنوقره وبنلقى ليه العذر
حتى لو في ملامة وعتاب بتكون بي طريقة مافيها تشهير ولا تجريح كما ذكر استاذ بشرى .. تجريح لمشاعر محبي الفنان وفنه العتيق المعتق
خاصة رجل في قامة مبدعنا ود الأمين..
واهي الأسباب جاتكم حسب المحادثة الدارت بين جار استاذنا ود الأمين واستاذ بشرى الفاضل
إنه حس بي حرج ومهانة لي فرقته إنه ما عوملت بي إحترام !!! وحتى المبلغ سلم لهم بي طريقة لا ترضي اي إنسان
( الناس كلها عرفت فرقة ود الأمين أدوها 200 دولار بسسسس لكل عازف يا كافي البلا وحايد المحن ويا رخصة مبدعينا وبرة بلدهم وفضيحتهم !!!! )
فما ممكن نقول إنه إستكتر عليهم المبلغ وهو مستلم 15 ألف !!!! وهي زاتها ما كتيرة ال 15 ألف دي,, ياما فنانيين بتعاقدوا في بلدهم جوة بي اضعاف المبلغ ده,,
اصلا ما مبلوعة والله يا دكتور معز وإنت الشاعر المرهف المفروض تقدر الأشياء قبل الإندفاع في الكتابة
عامل السن ليه اثر , استاذ ود الأمين اثبت وبدون ما يثبت اثبتت لنا الأمثلة تهاون قناة النيل الأزرق رغم حجمها الإعلامي تهاونت في عملها واعتمدت على طريقة ( امسك لي واقطع ليك)
وشغل النفير والجربندية ,,,
وين العقود ؟ في مثل هذه المواقف؟ لمتين نحن عشوائيين ومرتجلين حتى في إمورنا المهمة ؟ وبرة البلد ؟؟؟
حكاية صوروا ولا اتفقوا مع الفنان وبعدين نجي نتفاهم في السودان ! دي بالجد مخجلة وكبوة كبيرة في حق القناة !!!!
طيب إنت ليه ترسل ليك طاقم ناقص كاميرات لتصوير حفل وقبل ما تتفق مع الفنان واللجنة المنظمة ؟؟؟ لو الفنان قال لا لو اديتوني تراب القروش ما داير ,!
اها القروش الدفعتوها تذاكر دي حصل ليها شنو ؟ مش دي برضو خسارة ؟؟
الشيء التاني قناة كبيرة ترسل طاقم ناقص معدات دي ما سمعت بيها إلا في السودان !!!!
الشيء المهم الحاجات العددتها يا دكتور معز إنه قامت بيها مملكة البحرين في حق قامة زي محمد الأمين زي الفندق 5 نجوم وسيارة وتذاكر درجة اولى و و ... الخ
ده حقوووووو واكتر من كده كمان , نحن ليه دائما بنمتن على مبدعينا وبنحاول نظهرهم بمظهر إنه الناس ادتهم اكتر من حقهم ؟؟
لاحظ لي اي فنان عربي ولا مذيع ولا مقدم برنامج ، شوفوا كيف بتشرط وبتتعامل معاه الجهات المنظمة بحذر كبير جدا ..
كونه الأستاذ محمد الأمين يجي وتكرموا الجالية ولا الجهة المنظمة ـ بشوف ده واجب وحق هو بستحقوا بجدارة ’ يعني ما كتيرة عليهو
والحاجات دي متفق عليها مسبقا مقابل زيارة الأستاذ ومشاركته وسفره وتعبه وإسمو الكبير ,,
بستحق التكريم بجدارة لأنه شكل وجدان الشعب السوداني واثرى الساحة الفنية وما زال بجميل فنه وإحساسه العالي وعبقريته التي لا ينكرها إلا مكابر
في الختام ارجو ان نتقبل النقد بدون تشدد وان لا نخلط بين الصراحة والوضوح والحق الواجب ,وبين المجاملات وشغل الإهمال من جهات مسؤولة
وان لا نقلل من قيمة مبدعينا ونكون قاعدين في طرف العنقريب ليهم بالمرصاد اي حركة نشب لا فوق
وعلى الأقل نعمل بالمثل انا وأخي على إبن عمي وانا وإبن عمي على الغريب,,
حتى لو شفتو استاذ ود الأمين إتلوم ما تظهره لومو للأغراب يا دكتور , خاصة البحرينية الكانت شاركتك القطيعة في رجل بقامة ود الأمين ومن بلدك
كانت تشيلك هاشمية المقال الكتبت بيه ده وتدافع عنو بغيرة وتلقى ليه العذر ولو لحين
متاوقة
نحن لي هسه بندخل شغل ده في ده وطاقية ده بنغطي بيها داك
وبنوسط المعلم لي الجزار والنجار لي سيد الدكان وكل زول ما فاهم الحاصل شنو ؟
فقط بنحب نحرج الطرف التاني ونفرض عليهو اشياء دون مراعاة لأي ظروف ولا دايرين نفهم الحاصل شنو ؟ بس همنا المصلحة الوقتية!!
ناس القناة ديل مرسلين ليهم سفير لزومو شنو عشان يحرجوا الأستاذ؟ وهم عندهم سوابق معاه ؟ ما يخلوا شغلهم نجيض من البداية ؟؟؟
والسفير زاتو لزومو شنو يقلل من مكانته الدبلوماسية ويقبل تحشروه في حاجات ما معروفة عواقبها شنو ؟
استاذ ود الأمين عداه العيب إنت طالب بي حقو وعداه العيب إن خت النقط في الحروف , وإن لقن قناة درس لن تنساه عشان يكون عبرة للغير
الأخ الأستاذ محمود مصطفى صاحب البوست
اعتب عليك في إسم البوست ,, (( الحتة الفيها الحديده عديـــــــــل)) كتيرة والله منك وعهدناك رجل فنان
والراجل مبدع بحق وكبير قامة وسنا,, الإحترام واجب يابا
الشكر للجميع مرة اخرى
اعتذر بشدة على الإطالة
وتأكدوا يا حبايب إختلاف الرأي لا يفسد للود قضية ...
سلام يا الحبان
|
|
 
|
|
|
|
|
| العنوان |
الكاتب |
Date |
 ود اللمين زول بتاع قروش ومادي جداً | الصادق اسماعيل | 10-19-12, 07:28 PM |
 Re: ود اللمين زول بتاع قروش ومادي جداً | elhilayla | 10-19-12, 07:36 PM |
| Re: ود اللمين زول بتاع قروش ومادي جداً | تبارك شيخ الدين جبريل | 10-19-12, 07:41 PM |
| Re: ود اللمين زول بتاع قروش ومادي جداً | محمد الامين احمد | 10-19-12, 07:52 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 07:44 PM |
| Re: ود اللمين زول بتاع قروش ومادي جداً | سيف النصر محي الدين | 10-19-12, 08:15 PM |
| Re: ود اللمين زول بتاع قروش ومادي جداً | بشير أحمد | 10-19-12, 07:48 PM |
| Re: ود اللمين زول بتاع قروش ومادي جداً | Khalid Kodi | 10-19-12, 08:14 PM |
| Re: ود اللمين زول بتاع قروش ومادي جداً | Yassir Tayfour | 10-19-12, 08:14 PM |
| Re: ود اللمين زول بتاع قروش ومادي جداً | ابوعبيدة النعمان | 10-19-12, 08:28 PM |
| Re: ود اللمين زول بتاع قروش ومادي جداً | اسماء الجنيد | 10-19-12, 08:44 PM |
| Re: ود اللمين زول بتاع قروش ومادي جداً | Osman Musa | 10-19-12, 08:57 PM |
| Re: ود اللمين زول بتاع قروش ومادي جداً | Dr. Ahmed Amin | 10-19-12, 09:41 PM |
| Re: ود اللمين زول بتاع قروش ومادي جداً | الرفاعي عبدالعاطي حجر | 10-19-12, 09:47 PM |
| Re: ود اللمين زول بتاع قروش ومادي جداً | ياسر التجاني | 10-19-12, 09:51 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 11:36 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 11:39 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 11:40 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 11:42 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 11:43 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 11:46 PM |
| Re: ود اللمين زول بتاع قروش ومادي جداً | الصادق اسماعيل | 10-19-12, 11:57 PM |
| Re: ود اللمين زول بتاع قروش ومادي جداً | جدو | 10-19-12, 11:52 PM |
| Re: ود اللمين زول بتاع قروش ومادي جداً | الصادق اسماعيل | 10-20-12, 00:00 AM |
| Re: ود اللمين زول بتاع قروش ومادي جداً | الصادق اسماعيل | 10-20-12, 00:01 AM |
| Re: ود اللمين زول بتاع قروش ومادي جداً | ترهاقا | 10-20-12, 06:57 AM |
| Re: ود اللمين زول بتاع قروش ومادي جداً | خالد الرزيقي | 10-20-12, 09:47 AM |
| Re: ود اللمين زول بتاع قروش ومادي جداً | ismeil abbas | 10-20-12, 11:19 AM |
| Re: ود اللمين زول بتاع قروش ومادي جداً | عبدالرحمن عزّاز | 10-20-12, 11:43 AM |
| Re: ود اللمين زول بتاع قروش ومادي جداً | فاروق عثمان | 10-20-12, 12:08 PM |
| Re: ود اللمين زول بتاع قروش ومادي جداً | هيثم طه | 10-20-12, 12:20 PM |
|
| |
اسماء الجنيد
فيس بوك
تويتر
انستقرام
يوتيوب
بنتيريست