|
Re: هههههههه ( دخلـها) ليهم جووووة .. (Re: احمد محمد بشير)
|
Quote: يازول اعمل حسابك اختاني . كلوا مرصود زي ما قولتا ليك وتاني ما حا اوضح اكتر من كده . |
اختاك ..؟ هو انا قاعد اللقاك بي الساهل ..؟ تجو للناس تكوركو .. وتجو للناس تاني تقعدو تكوركو ..؟ حسع دي اليختا التاني منو انت لسة شفت ليك حاجة .. شان تاني لما تجي تدخل بوست لازم تشرب صودا عشان تكون مفتح البوستات حقتي دي ما تدخله دايخ .. عارف ذكرتني منو يا بتاع الكواميد انت .؟؟ ذكرتني (تضخم) صاحبنا .. دا موسم الطماطم لما الصفيحة تبقى بي جنيه كان بمشي بجيب ليهو صفيحتين كل يوم .. ويجيب ليهو دكوة (خمسة كيلو) برقد ليك بالدكوة دي اليوم كلو .. عشان كدا سميناهو (تضخم) تضخم دا شليق زيك .. ودايخ طوالي .. تلقاهو بعدما يضرب سلطة الدكوة دي بيجي الميدان بتاع الدافوري من الساعة اتنين .. بالتوقيت (القديم) (ابو الميرندا) احسن زول بيحاور والله يلم فيك بي شلاقتك دي ودوخانك دا يغسلك لمن تعرف حاجة .. بيت ناس احمد بيفتح في الميدان .. تضخم عامل فيها عايز يمسك ابو الميرندا .. لاعب لي فردة شمال وابو الميرندا جناح ليفت كراعو الشمال دي الله لا وراك ليها .. انا طبعا واقف قون في عراضات ميدان ابوعنجة .. الجزو الجمب بيت ناس ليلى المغربي .. ( طبعا عامل فيها عارف اي حاجة ) تلقاك حسع دي قلته ايوة .. والله نوعيتك دي لو كان لميت ليك فيها كان عادي جدا بدفعك بدل عبور لما تجي داخل الخرطوم .. انت قايل نوعيتك دي ما كنا قاعدين نعمل ليها كدا ..؟ عشان حسع دي بقت انترنت ساكت واتصالات كم قيقا كدا ما عارف ؟؟ اها .. بيت ناس احمد الفاتح في الميدان على الجهة الشمال بالنسبة لي جمب دكان عبد الله الترزي .. بيتم كان طوالي فاتح .. وعندهم حمام وجداد طوالي حايم في الشارع .. بيوت السودان السمحة ديك .. يعني الدافوري بكون مدور تخ شتضرب ليك كوز موية من الزير وتجي تواصلي ولا يرمش لك طرف . اها ابو الميرندا استلم ليك الكورة قووم يا (تضخم) لي شلاقتو العاملة زي شلاقتك دي قوم تعال جاري علي عليهو عشان يقطعه .. ياخ دا غسلو ليك غسيل ..؟ تضخم دا .. بقيت ما قادر افرزو من الغبار .. ومن العلالـة ومرة اشوف ليك وشو ومرة ضهرو ومرة رجلينو طايرات في الهوا وانا بكورك ليهو من هنا لي ابو الميرندا .. كفاهو يا معلم .. كفاهو الزول دا ضارب (صلصـة) .. اخر حاجة قام دخله ليهو بي تحت كرعينو .. وسحبه منو 0 تضخم) دا لقى ليك الباب فاتح وتوووشك بي وشنو انقشط جوه .. واريتو كان اتقشك براهو .. عارف الزول دا دخل جووه وهو وتزحلق في الواااطة في دربو صادف ليهو (جدادتين) ما لقى ليهو حاجة يثبت فيها .. انت قايلو ما حاول يثبت في (الجداد) دا .. لكن طبعا الجداد التثبيت فوقو صعب .. تخيل زول طاير بي وشو وكرعينو ملفلفات من الغسيل بتاع ابو الميرندا .. وماسك ليهو جدادتين والريش طاير .. (والديك) جا جاري عشان يدافع عن (جدادو) .. اديك ميزة تاني ..؟ الجماعة قاعدين يتغدو كشاااااح كشح ليك الصينية .. عاادي جدا حاجة فاطنة قالت ليهو سجمي يا ولدي انت مالك بتعمل كدا .. تخيل قاليها شنو ..؟ : قاليها لالا .. نحن لاعبين بره ..
جا جاري علي شلاقتو وشايل معاهو جدادة من كرعينه والجدادة تكورك وهو ما جايب للدنيا خبر .. اهنا مشيت لحقتو طبعا قلعته منو الجدادة بي الله ويامين .. عارف بعد شوية اتكل في الحيطة وقعد (يطرش)
عارف يا (تضخم) والله ان اقبل عليك في البورد دا لو ما طرشتــه الطماطم الماكله كلها اصلو ما بخليك شفت كيف ..؟
اعتبر من الليلة اسمك (تضخم) .. كويس معاك ..؟
عليك الله شوف ليك جنس تشغيله زي دا ويوم الخميس كمان
|
|
|
|
|
|
|
العنوان |
الكاتب |
Date |
هههههههه ( دخلــه) ليهم جووووة .. | tmbis | 10-11-12, 11:22 AM |
Re: هههههههه ( دخلـها) ليهم جووووة .. | خضر الطيب | 10-11-12, 11:24 AM |
Re: هههههههه ( دخلـها) ليهم جووووة .. | خضر الطيب | 10-11-12, 11:25 AM |
Re: هههههههه ( دخلـها) ليهم جووووة .. | tmbis | 10-11-12, 11:53 AM |
Re: هههههههه ( دخلـها) ليهم جووووة .. | احمد محمد بشير | 10-11-12, 11:57 AM |
Re: هههههههه ( دخلـها) ليهم جووووة .. | خضر الطيب | 10-11-12, 12:28 PM |
Re: هههههههه ( دخلـها) ليهم جووووة .. | tmbis | 10-11-12, 12:34 PM |
Re: هههههههه ( دخلـها) ليهم جووووة .. | احمد محمد بشير | 10-11-12, 12:39 PM |
Re: هههههههه ( دخلـها) ليهم جووووة .. | tmbis | 10-11-12, 12:53 PM |
Re: هههههههه ( دخلـها) ليهم جووووة .. | احمد محمد بشير | 10-11-12, 01:02 PM |
Re: هههههههه ( دخلـها) ليهم جووووة .. | tmbis | 10-11-12, 01:23 PM |
Re: هههههههه ( دخلـها) ليهم جووووة .. | احمد محمد بشير | 10-11-12, 01:31 PM |
Re: هههههههه ( دخلـها) ليهم جووووة .. | محمد البشرى الخضر | 10-11-12, 01:34 PM |
Re: هههههههه ( دخلـها) ليهم جووووة .. | tmbis | 10-11-12, 02:04 PM |
Re: هههههههه ( دخلـها) ليهم جووووة .. | tmbis | 10-11-12, 02:46 PM |
Re: هههههههه ( دخلـها) ليهم جووووة .. | خضر الطيب | 10-12-12, 01:58 AM |
|
|
|