|
|
 Re: الشاعر الاديب عوض فضيل في ذمة الله (Re: إدريس محمد إبراهيم)
|
سم الله الرحمن الرحيم
مرثية الى روح الفقيد / عوض الكريم الفضيل حسين
( ياعوض أدينا فج )
بركت ركب خيل القصيد .... وعشقا المشى السفر الطويل
شدت عيونا على خيوط .... الدهشة والمشى والرحيل
شالت تراب كسر الحوافر أتكندكت صهلت صهيل
جدعت سروجا على قفا الزمن الكعب .... وأتلجمت صبراً جميل
الأمة تتمطق فرح .. يات من فرح .... وانا فى رحيلوا عوض فضيل
ياغمة النفس البتشهق بالبكاء .... هى قد تطول وأنا قد أطيل
ياوجعة العين التنت الدم مع الدمع البسيل
وياوجعة الزول البحس بالوجعة فى حقك قليل
ويامصيبة الزول وكت يصبح مصابو ده زول أصيل
وغلبنى أمسك صبرى أنا .... شريتو فوق حبل الغسيل
والموت رسالة مرسلة.... كاساً يدور فى مدار فلك الرحيل
الا القناعة الموت ده حق .... والعدم فى حق ربنا مستحيل
والموت نهاية لكل شئ .... والفراق يخلق فراغ لى ريح تقص قلب النخيل
ذى الجزر ترحل بلا خاطر ولاعشقاً وقت يطويها نيل
كان عشقوا دافنو هو فى البلد .... ساقة ( النفيساب ) المقيل
فى منقة والليمونة مليان الكبيق .... والونسى والضل الضليل
الا الفقد لمن يكون فقد البلد بى حالا فى الزمن الجميل
وراجاك ترشها بالضحك وأنا وانت نمشى ونتمسك ... راجاك لى نفسك تشيل
راجاك تتملا ناقصتا .... إن كان تفشلا مغستتا .... لو بالقليل
وتطرح كلامك فى تقاة المبدعين يارحمة للكيال يكيل
زى حال بيوتك يالأخو مفتوحة للداير يشيل
تديها تسعدها بالفرح .... وانت راضيبو القليل
شايل هموم كل البلد جواك .... ماداريبا والجواك تقيل
كان ياعوض تدينا فج .... نلقالنا نحنا طرف نشيل
يامفرد الحرف الندى .... من دنقلا ولى مروى كم خرجت جيل
يامفرح الناس الغلابة .... وفوق دروب سعد اليتامى كمل عديل
مين يشبهك وغلبنى ضمة اشبهك .... ياساقى زى أبل الرحيل
ماظنى تيقى قريب شبه .... ماظنى نلقالك مثيل ياود فضيل
والداير أقولوا أنا فى عوض ماكان بلد ... ماكان ولد ... ماكان سبيل
حتى الطيور والكل حضور .... والدافنة كان أكبر دليل
وقدر اقول أنا فى عوض .... يغلبنى أقول ينجينا شر القال وقيل
ياالله تقبل دعوتى وتقبل عوض .... فى جنتك وتعوض البلد البديل
وتغنيهو عننا بالجنان .... مع الرسل فى حوضو يشرب سلسبيل
إبراهيم بابكر ( ود الصيدة )
البركل
|
|
 
|
|
|
|
|
| العنوان |
الكاتب |
Date |
| الشاعر الاديب عوض فضيل في ذمة الله | عبدالمنعم العوض | 10-11-12, 07:12 AM |
| Re: الشاعر الاديب عوض فضيل في ذمة الله | saif massad ali | 10-11-12, 07:24 AM |
| Re: الشاعر الاديب عوض فضيل في ذمة الله | عبدالمنعم العوض | 10-11-12, 07:32 AM |
| Re: الشاعر الاديب عوض فضيل في ذمة الله | ibrahim fadlalla | 10-11-12, 09:27 AM |
| Re: الشاعر الاديب عوض فضيل في ذمة الله | abdulhalim altilib | 10-11-12, 09:32 AM |
| Re: الشاعر الاديب عوض فضيل في ذمة الله | جمال خضر | 10-11-12, 02:33 PM |
| Re: الشاعر الاديب عوض فضيل في ذمة الله | أحلام إسماعيل حسن | 10-11-12, 04:08 PM |
| Re: الشاعر الاديب عوض فضيل في ذمة الله | بكرى ابوبكر | 10-11-12, 04:10 PM |
| Re: الشاعر الاديب عوض فضيل في ذمة الله | عبدالمنعم العوض | 10-12-12, 12:15 PM |
| Re: الشاعر الاديب عوض فضيل في ذمة الله | عبدالمنعم العوض | 10-13-12, 10:01 AM |
| Re: الشاعر الاديب عوض فضيل في ذمة الله | إدريس محمد إبراهيم | 10-13-12, 10:27 AM |
| Re: الشاعر الاديب عوض فضيل في ذمة الله | عبدالمنعم العوض | 10-14-12, 05:55 AM |
| Re: الشاعر الاديب عوض فضيل في ذمة الله | السمؤال بدرالدين | 10-14-12, 01:28 PM |
| Re: الشاعر الاديب عوض فضيل في ذمة الله | عبدالمنعم العوض | 10-15-12, 08:40 AM |
| Re: الشاعر الاديب عوض فضيل في ذمة الله | Elmosley | 10-14-12, 02:18 PM |
|
| |
فيس بوك
تويتر
انستقرام
يوتيوب
بنتيريست