منصورية مكملا... زايدي فوق البنوت حلا ................................ دينا أخلاقا تجـمـِّلا..... إنتِ ود لقـّاي الحـِلا تلقى موج النيل كين عـِلا..... في البحيرة جا يقابلا ..................................... بي نفاخر بيكي الملا.. بي نخوض ساحات العـُلا. ماها دلوعة مدلـّلا..... وماها مييوعة مبهدلا .............................. ما بتدور زولا يجاملا .....فارسي بت فـُرّاس منهلا يا جميل مرحبتين هلا.... ما وِلـِـدْ أصلو الغازلا ..................................... من غمام ( جورَه) مكحلا... وقام سحاب ( ساني) يظلـِّلا من ديارا منو يرحِّلا.......ومن مراتع الصبا يـَنـْـقـُـلا ..................................... يا دهب شيـبون الغـِـلاْ .... حا شا ما مزغول بالـطـِـلاْ بتْ قبيلي ومتسلسله ..... في النسب ما فيها زَغـْـلَـهْ. ........................................
في ديار منصور مـَنـْـهَـلا.... شتله بي أيدي أنا شاتلا ماب تجيب لينا المهزلة..... وماب تدور لينا البهدله ........................................... بالهيام والشوق والـوَلـَـهْ ..... ريدتي ليكي انا داير أبـْـهـَلا يا تــَمـُرْ عجوة دنـقلا ........ يا هـَـدِ يـْـةْ اللهْ المـُـنـْزَلة .................................................... أبشري يا بت منصور بلا... عايز أشوفك متهللا القضية ظهر هيكلا... والمشاريع في الجدولة ......................................... انتهى زمن المهزلة.. انتهى زمن التلتلة في أراضينا المهملة... السواقي يكب جدولا ......................................... شيخ حسن اقرا ْ الزلزله..... للحسودْ إنْ جا يعـطـّـِلا ريدتك الشـَـبَـكا يحلحلا.... عـِـلـّـَهْ مـَعـْلـُوُ لـَهْ مـَعـَلـْـعـَلا ........................................ الجدودك كان باسلة..... القيقر النعمان شنتلا كم عروش وملوك نزّلا... معركة كورتي الفي الخلا يشهد التاريخ سـجّلا ............................ بالعفاف هيَ متسربلة.... كم وراها رجال مرجلة البدور لينا البهدلة ..... نرمي للتاريخ مزبلة ......................................
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
منصوري
فيس بوك
تويتر
انستقرام
يوتيوب
بنتيريست