|
Re: يا ود شيقوق، إنشا الله السمسم يتشتت كلو .... توجد حكمة (Re: الطيب شيقوق)
|
أنحنا يا ود شيقوق مزارعين قطن.
القطن أكثر محاصيل الأرض تطلبا.
العمل في حواشة القطن يدور على مدار أيام السنة.
يبدأ من الدسك البقلب الأرض في شهر أربعة ثم الطراد الناشف بالتركتر لتحويل الأرض لسرابات. وفي أول شهر سبعة، وقبال الخريف ما يبدأ، بنزرع البذرة ونكبها في باطن الأرض.
بعد أسبوعين بنبدأ الشلخ. تخلي في الحفرة شدرتين بس.
ودا وقت البوغة. أول رية بموية البحر.
وبعدها رية كل 15 يوم.
المر - الحشة الأولى. والجنكاب - الحشة الثانية.
والكديب - الحشة التالتة
ورش السماد.
والطراد الأخضر.
والري المنتظم مستمر.
لامن يفقع اللوز.
هنا بنكون وصلنا لشهر واحد.
وأمشوا فتشوا اللقاط.
هنا مربط التور.
وهنا الحكمة.
بس عايزك تفهم من كل القصة المملة دي، إنو تعب زراعة القطن أضعاف أضعاف زراعة السمسم.
وبرضوا قال الرجل الصالح الحكيم، إن شاء الله محصول القطن يقع كلو السنة دي والجاية والبعدها.
وللرجل الصالح حكمته العميقة التي أقنعت أبي مزارع القطن.
وبجيك راجع.
فلربما اقتنع مزارع السمسم.
|
|
|
|
|
|
|
العنوان |
الكاتب |
Date |
يا ود شيقوق، إنشا الله السمسم يتشتت كلو .... توجد حكمة | حامد بدوي بشير | 09-30-12, 10:01 AM |
Re: يا ود شيقوق، إنشا الله السمسم يتشتت كلو .... توجد حكمة | الطيب شيقوق | 09-30-12, 11:37 AM |
Re: يا ود شيقوق، إنشا الله السمسم يتشتت كلو .... توجد حكمة | حامد بدوي بشير | 09-30-12, 02:07 PM |
Re: يا ود شيقوق، إنشا الله السمسم يتشتت كلو .... توجد حكمة | الطيب شيقوق | 09-30-12, 02:56 PM |
Re: يا ود شيقوق، إنشا الله السمسم يتشتت كلو .... توجد حكمة | Amani Al Ajab | 09-30-12, 03:18 PM |
Re: يا ود شيقوق، إنشا الله السمسم يتشتت كلو .... توجد حكمة | الطيب شيقوق | 09-30-12, 05:59 PM |
Re: يا ود شيقوق، إنشا الله السمسم يتشتت كلو .... توجد حكمة | حامد بدوي بشير | 10-01-12, 07:25 AM |
Re: يا ود شيقوق، إنشا الله السمسم يتشتت كلو .... توجد حكمة | حامد بدوي بشير | 10-02-12, 05:09 PM |
Re: يا ود شيقوق، إنشا الله السمسم يتشتت كلو .... توجد حكمة | الطيب شيقوق | 10-03-12, 07:11 AM |
Re: يا ود شيقوق، إنشا الله السمسم يتشتت كلو .... توجد حكمة | حامد بدوي بشير | 10-03-12, 09:41 AM |
|
|
|