غايتو الواحد ينوم بس ...!

Quote: فـ بقول شنو يا وضاحة ربنا يدي اي زول علي قدر نيتو ـ يجيبك انتي السودان ويوديني السويد أنا عايز اشتاق للناس واتحرم من وجوه الناس الحنان ديل شوية كدا

عارف يا خضر لما جيت السودان فى شهر الفات والله ما تتخيل كنت سعيدة ومشتاقة لى الناس قدر ايه

عادتاً فى قطر لما تكون عاوز نسافر بنمشى السفارة السودانية بنقعد فى كراسي يجي دورك بتمشى وبعملوا ليك التاشيرة

لما قررنا الرجعة من السودان قالوا لزم نمشى نعمل تاشيرة خروج وعادتاً اخونى البمشوا وانا ما بمشى اصريت امشى معاهم ومشينا مكان اسموا المغتربيين

شوفت الناس والزحمة وكيف بعانوا ومافى نظام خالص خالص واسطات وظباط شايلين اوراق وجوازات بتاعت ناس بخشوا بجوة وبعملوا ليهم شغلهم والناس التانية واقفة فى الشباك

كنت بتفرج بث ومندهشة لكن رغم كده كنت سعيدة بالونسة مع الناس وحسيت بمعاناتهم

المهم بعد خلصنا اخوى مشى يجيب السيارة وقفنى جنب البوابة لكن انا زوغت منوا و ركبت المواصلات العامة الحافلة هههه

كنا ماشين الخرطوم 2

المهم لما خشيت حسيت انى سعيدة جدا واتونست مع الناس الجنبى لما الكمسارى كش كش سالت البنت الجنبى قلت ليها كم قالت لى 700 خخخخ

فتحت شنطتى وطلعت المحفظة بتاعت للاسف ما لقيت غير خمسينات

اتحرجت خالص ومديتها لى الكمسارى بس هو قال لى خلاص انسي الفكرة شكلك ما من البلد دى
اتحرجت اكتر وحسيت انوا فى حاجات فى حياتى فاتتنى كتير وندمت عليها واتمنيت لو ابوى ما كان اختار لينا الغربة


بعد داك لما جينا جنب نمرة 2 راسي ضرب ما عرفت انزل وين

فى الحظة دى اخوى اتصل وريتوا صرخ فينى واديت الموبايل لى البت الجنبى علشان يوريها ينزلونى وين


وزعلت من نفسي خالص
لانى كنت محبطة انى ما بعرف بلدى

تقول لى غربة