الآن تراجى على شاشة العربية

Quote: الله يرحمنا من هذا الجهل وارجو ان لا يفهم العرب والإسرائليين كمان انو عندنا نساء بهذه السذاجة في نقاش مواضيع معقدة مثل التي ناطحتها هذه المراءة. وارجو كذلك ان لا يختزل معني النضال بأخذه من حلقوم تلك المراءة دي كانت مهزلة انسانية... دي انتحرت بسبب الهتيفة من ناس البورد مفروض تجي تجضمكم لاحدكم يا هتيفة.... قا ايه خالد مشعل...والله انا مسكتا قلبي في يدي و خفت تقوم تنبش سيرة د. إدورد سعيد وتشيلو مآسي دارفور.... قال ايه تصلني تلفونات من محاميين و جهات عليا تود الإنضمام الي منظمتي!!! ياربي يكون منو ديل الصفوة ديل يا جاد الحق يا متولي!! قال ايه, اعرف نبض الشارع السوداني!! التقول شايله سماعه وحايمة " كشف" في شوارع السوق العربي!! قال ايه تطبيع , حاكو حاكو يعني.. وما عارفة التطبيع دا جا كيف وتمنو شنو? يعني من كامب دفيد عبر مدريد لي اوسلو قال ايه صبرا وشاتيلا واستقبلناهم في السودان!! هم منو ديل الحسن و الحسين..!!! دي عايزة حصص مكثفة عن الصراع العربي العربي و بعداك حصة ورا حصة عن الصراع مع خيبر... قال ايه العرب بعنصرونا و اليهود بريحونا..!! ليهم حق طبعا اذا كان بلاقوا جنس نوعك دا والميديا العربية مقطوعة الطاري, تسفه روحا وروح السودان وتديك مايك في خشمك بدل المفراكة. قال ايه الفلسطينون بتعنصروا علينا في الخليج, والفلسطيني اكثر زلمة مقلوب علي امرو...يا وليه هسي محل ما تقبلي , في اوروبا ولا شمال امريكا, في الجامعة ولا السوق لي البارات والمراقص , تلقي الفلسطيني مباري السوداني اكتر من بني جلدتو ذاتم. غايتو بالغتي عديييل كدا مع الوضع الراهن في الساحة العراسرائيلية و فركتي خارطة الطريق فرك, لمن قال وآ معتصماه. هسي انا لو اسرائيلي تفتكري حا إنضم لي منظمة فيها انتي رائيسة!! اهلنا قالوا في المثل ...مافي داعي للمثل لانو بخل بلوائح المؤسسة دي , لكن مصر اوصلو ليكم, بديكم مفرده من مفرداتو وانتو ختوها في المكان الخالي في ذهنكم " المجنون" فعلن تفتيحا يا ابكرونا واسفي لمن تغني لاطفال الحجارة ولاتؤاخزنا بما فعل السفهاء منا