|
Re: يا الطاهر ساتي هل هذه الوقائع مهندية ام مؤسسية؟ (Re: مجاهد عبدالله)
|
والله يامجاهد آخوى مافارقة معاى كتير مهندية أو مؤسسية .. انا بجى خاشى الموقع عشان اناقش واحاور وبما انو مافى زول بيعرف زول بشوف هو كاتب شنو عشان اعرفو البيهمنى هو كاتب شنو ومابيهمنى كتير انو هو كاتب من وين ..!! ومرات البحث عن منطلق الكاتب بيصرفك عن مقارعته الحجة بالحجة
وبرضو من ضمن الحاجات الطلقتها بالتلاتة " نظرية المؤامرة " النظرية من خلال تجارب سابقة بتعيشك في اوهام وتوجسات بتشل تفكيرك وبتقيد عقلك عشان كدة ياالحبيب نحن عايشين في الدنيا دى بنوايانا الطيبة تجاه كل الناس وبحياة مفتوحة مافيها غموض .. وصدقنى النوايا الطيبة بتهزم كل النوايا السيئة ويمكرون ويمكر الله والله خير الماكرين عشان كدة مابنمكر .. والبيمكر علينا خليناه لخير الماكرين ..
وانت براك شايف عواقب المكر وعدم التصالح مع النفس ......... ابقى عشرة على ضميرك يا الحبيب وتحياتى ليك
|
|
|
|
|
|