|
Re: مسطلح رياضي جديد في السودان ( قصير القامه ) .... (Re: وليد عبد اللطيف)
|
في ميدان ابوعنجة يا وليد الناحية الشمالية في وسط الميدان بالضبط .. مرتضى قلة .. كان بلعب في المريخ .. قصير القامة جدا .. كان يعقوب موسى ود حلتنا يعتبر اطول لاعب يشبه بالحد البعيد في الحجم سقراط البرازيل على حجم روبرتو كارلوس حاجة كدا ضخمة جدا .. بيلعب استوبر في المباراة دي بالذات كان عامل فيها ماسك مرتضى قلة .. دقة مرتضى دق شديد جدا .. المهم مرتضى لقى ليهو فرصة وطلع على الجناح بعيد من الناس ومن الزحمة .. قوم يا يعقوب تعال جاري ليهو من الاستوبر وكورك .. مايييين بي فهم انو الود قطعه ليهو في راسو .. قام قلة دردق الكورة قدام يعقوب .. يعقوب لي شلاقتو مد رجلو الطويلة عشان يخطف الكورة .. وعشان يضرب مرتضى .. المهم نحن شفنا (غبار) قايم زي القلوبية لما تخبط ليها طيرة .. وشفنا ايضا مما شفناه يعقوب موسى دا بيقع ويقوم . يقع ويقوم . وشفنا برضو يعقوب موسى بي طولو دا .. اتلفلف في بعضو زي سير البلاستيك .. جرى مرتضى بالجناح .. لحدت ما وصل الشجرة بتاعت اللالوب بتاعت ناس نادر كتكوت .. وتااني جا راجع لي يعقوب موسى عشان كان قام حيلو يتمو .... زمان برضو لما كنا صغار كان في لاعب في ابوعنجة اسمو .. (حبـة) تم تسمية منتصر حبة عليهو .. حبة دا قصير جدا .. لكن احسن جناح بيرفع الكورة وهي ماشة .. عكس العديد من الاجنحة لي وقتنا هذا .. الواحد لما الكورة تكون متحركة يرفعه ويرفع معاها جردل بتاع تراب
|
|
|
|
|
|
|
العنوان |
الكاتب |
Date |
مسطلح رياضي جديد في السودان ( قصير القامه ) .... | وليد عبد اللطيف | 09-22-12, 10:08 AM |
Re: مسطلح رياضي جديد في السودان ( قصير القامه ) .... | وليد عبد اللطيف | 09-22-12, 10:17 AM |
Re: مسطلح رياضي جديد في السودان ( قصير القامه ) .... | tmbis | 09-22-12, 10:21 AM |
Re: مسطلح رياضي جديد في السودان ( قصير القامه ) .... | أيمن دياب | 09-22-12, 10:38 AM |
Re: مسطلح رياضي جديد في السودان ( قصير القامه ) .... | عمر الفاروق | 09-22-12, 11:03 AM |
Re: مسطلح رياضي جديد في السودان ( قصير القامه ) .... | tmbis | 09-22-12, 11:13 AM |
Re: مسطلح رياضي جديد في السودان ( قصير القامه ) .... | وليد عبد اللطيف | 09-22-12, 01:13 PM |
Re: مسطلح رياضي جديد في السودان ( قصير القامه ) .... | صبري طه | 09-22-12, 01:00 PM |
Re: مسطلح رياضي جديد في السودان ( قصير القامه ) .... | عمر الفاروق | 09-22-12, 01:44 PM |
Re: مسطلح رياضي جديد في السودان ( قصير القامه ) .... | وليد عبد اللطيف | 09-22-12, 02:07 PM |
Re: مسطلح رياضي جديد في السودان ( قصير القامه ) .... | عبد العظيم احمد | 09-22-12, 09:11 PM |
Re: مسطلح رياضي جديد في السودان ( قصير القامه ) .... | Emad Mohamed | 09-23-12, 03:37 AM |
|
|
|