وصول المناضل رضوان داؤود الي امريكا والصورة تقول النضال لن يتوقف(صورة)

Quote: سلام الاخ العزيز صلاح جادات لضيوفك الاكارم واليك افادتى عن رفاقى فى حركة قرفنا ابويسراء ورضوان ...... انا شاهده على بدايات قرفنا ومعظم التوثيق بنسبة 90% منو كان عبر كاميرتى يعنى بعرف الناس الكانت بتساهم فى الفعاليه كلهم من اصغر زول بقوم بدور محدد لاكبر زول ودا تكتيك بنحتاج ليه فى الايام القادمات عشان كدا ما حاتكلم عنو. كما اشهد على ان الصديق ابو يسراء اول من امن لى كاميرتى بعد اول عمل جماهيرى للحركة فى ميدان جكسى وكان حضور بكل جساره فة معظم المخاطبات فى 2010وابو يسراء انسان مناضل قدم وحيقدم الكتير بس بقول له خت الكورة واطه وافرز الكيمان لذا اوضح لابويسراء ان قرفنا اصبحت حركة لامركزية وعادى الناس المؤسسين مايعرفوا الاعضاء الاخرين وكونك تشكك فى نضال رفيق دى ما روح رفاقية ولو اختلفت مع بعض منهم لايعنى اختلافك مع الفكره ومع كل الناس ودا بخدم الاعداء كما اشهد على نضال رضوان داخل حركة قرفنا وخارجها وشكرا رضوان مثلت قرفنا خير تمثيل فى حراكها السلمى وفكرة الوطن الواحد الحيسع الجميع والتعايش السلمى احترامى ليكم الثلاثة صلاح جادات ابويسراء ورضوان وانتم فى صف واحد وادخروا مداد الكلمات للعدو الحقيقى.... وبعد التغيير النتحاسب عن القصر والناضل والاتقاعس منو