|
|
 Re: المهندس عبد الدائم نوري يردّ على خالد العبيد .. (Re: Mohammed Ibrahim Othman)
|
تحياتنا للجميع
ونشكركم علي هذا الثناء اللذي لا استحقه ..نحن ناس عنقالة ساي بنتونس ..والمنبر مستف بالعلماء والمفكرين والاساتذة اللي قاعدين نستفيد منهم بالمتاوقة عبر الشباك ..(ياعبدالكريم يااخ كلم اب صلعة صاحبك ده يفتح لينا الباب زهجنا من وقفة الشباك ياااخ )
اؤكد علي ما قاله الاخ حجر ان الحجر اللذي القاه عبيد قد حرك السكون حركة في اعتقادي مفيدة.. صحيح في البداية الناس اتشنجت لانه الهجوم كان مباغت وفجائي ..ثم تولد حوار مفيد وثر ..فقد اعجبني بوست محمد قرشي ..بوست عميق ..لكن الطرف الاخر المهم في الحوار اكتفى بالقاء الحجر في البركة الساكنة وقعد فراجة ..عشان الحراك ده يكون مفيد المفروض ماتكتفي بطرح الاعتراض والاستماع للاجابة ..زي الزول القاعد في طرف البحر بطمبج في الطين وخايف من الموية ..اهلنا بقولوا الاتبلبل يعوم ..الناس تتناقش نقاش عميق لكن نقطة نقطة ..لانه في واحدين التقول عندهم بواسير ما بقدروا علي القعدة الطويلة ..يفتح ليك اعتراض نحوي في القران اول ما يبدا النقاش..يجي يقول ليك اها رايك شنو في قصة ذي القرنين ؟؟.. عندنا في الحلة واحد من اعمامنا الله يرحمه يتلقاك وهو راكب في الحمارة ويبدا يسالك ..فلان كيفنك ..قبل ما تقول ليه تمام ..اها ابوك بقه كويس..والله ابوي ..اها حمارة ناس حاج سعيد ولدت ..يسالك خمسة اسئلة سؤال ورا سؤال ويخليك فاتح خشمك ويفوت منك ..الحوار نقطة نقطة في رايي مفيد ..تذكر اعتراضك بوضوح ..والمنطق الاستندت عليه .. الاخر يرد بنفس الوضوح ..بعدها يتلخص الخلاف في النقطة ..اما وصلنا لاتفاق كامل او جزئي ..اذا كان احد الاطراف بنى حكمه علي معلومة خاطئة حنقدر نعرف ..والمفروض في الحالة دي يكون عنده الشجاعة اللتخليه يتراجع ويعتذر ..الحوار الموضوعي المفيد هو الحوار اللذي يرتفع اطرافه ويسمون من النزاع حول الذات والشخوص الى حوار حول الفكرة بسلاح البرهان والمنطق والدليل ..بدون كواريك ..بدون نبذ..بدون تكفير ..بدون تسييس ..بدون لخبطة كيمان ..هذا الخلاف ليس بين الكيزان والشيوعية ..ولا بين الحكومة والمعارضة ..عشان كدة المفروض ماتكون فيه شلليات وعقلية انا من غزية ان غزت ...الانحياز يكون للمنطق والحكمة ..
وحقه كلنا نتواضع ونقول (الحكمة ضالتنا )..
وكلنا نكون عندنا الاستعداد ننحني للحقيقة حين نكتشفها ..
والان ادعوا الاخ خالد عبيد مشكورا ان يرد علي ردنا علي النقطتين وبعدها نلخص نتيجة ما توصلنا اليه فاذا حب يواصل المشوار لنقاط اخرى ماعندي مانع ...
وله وللجميع ودي وتقديري
المهندس عبدالدائم نوري
|
|
  
|
|
|
|
|
| العنوان |
الكاتب |
Date |
| المهندس عبد الدائم نوري يردّ على خالد العبيد .. | الواثق الصادق | 08-29-12, 00:22 AM |
| Re: المهندس عبد الدائم نوري يردّ على خالد العبيد .. | أمير عثمان | 08-29-12, 01:02 AM |
| Re: المهندس عبد الدائم نوري يردّ على خالد العبيد .. | د.نجاة محمود | 08-29-12, 03:26 AM |
| Re: المهندس عبد الدائم نوري يردّ على خالد العبيد .. | سيف النصر محي الدين | 08-29-12, 03:34 AM |
| Re: المهندس عبد الدائم نوري يردّ على خالد العبيد .. | Hisham Amin | 08-29-12, 03:54 AM |
| Re: المهندس عبد الدائم نوري يردّ على خالد العبيد .. | Ehab Eltayeb | 08-29-12, 04:22 AM |
 Re: المهندس عبد الدائم نوري يردّ على خالد العبيد .. | Yassir Tayfour | 08-29-12, 06:31 AM |
| Re: المهندس عبد الدائم نوري يردّ على خالد العبيد .. | محمود الدقم | 08-29-12, 07:31 AM |
| Re: المهندس عبد الدائم نوري يردّ على خالد العبيد .. | مها عبد الله | 08-29-12, 08:13 AM |
| Re: المهندس عبد الدائم نوري يردّ على خالد العبيد .. | عبدالكريم الامين احمد | 08-29-12, 08:37 AM |
 Re: المهندس عبد الدائم نوري يردّ على خالد العبيد .. | عماد حسين | 08-29-12, 04:10 PM |
| Re: المهندس عبد الدائم نوري يردّ على خالد العبيد .. | محمد قرشي عباس | 08-29-12, 07:15 PM |
| Re: المهندس عبد الدائم نوري يردّ على خالد العبيد .. | محمود الدقم | 08-29-12, 11:11 PM |
| Re: المهندس عبد الدائم نوري يردّ على خالد العبيد .. | الرفاعي عبدالعاطي حجر | 08-29-12, 07:45 PM |
| Re: المهندس عبد الدائم نوري يردّ على خالد العبيد .. | Waeil Elsayid Awad | 08-29-12, 09:09 PM |
| Re: المهندس عبد الدائم نوري يردّ على خالد العبيد .. | Mohammed Ibrahim Othman | 08-30-12, 08:20 AM |
| Re: المهندس عبد الدائم نوري يردّ على خالد العبيد .. | علي سيد همد | 08-30-12, 02:13 PM |
| Re: المهندس عبد الدائم نوري يردّ على خالد العبيد .. | الطيب عبد الرحيم خلف الله | 08-31-12, 12:13 PM |
|
| |
علي سيد همد
فيس بوك
تويتر
انستقرام
يوتيوب
بنتيريست