خذلتونا ياحاج العوض وبورداب الخرطوم

Quote: والله يا عادل الباهي لقيتك صعب لكن ..!! تراهو طلعت لسانك طويل وواصل كمان بالحكم والأمثال .. كلمة لسان طويل دي ما تعتبرا نبذة .. أنا أساسا لساني طويل وبتكيف من الزول اللسانو طويل ونفسو طويل ويقدر يدافع عن نفسو واليرشو بالموية يرشو بالدم ..! لأنو في المنبر دا زي ما قال الشاعر : وإن لم تكُ ذئباً أكلتك الذئاب .. أو كمان زي ما قال الإمام الشافعي : فإن دعتك ضرورات لعشرتهم فكن جحيما لعل الشوك يحترقُ ..! فانا عاجبني حتة في ضرورات خلتك تاكل مع سيف مساعد في مطعم واحد وحرقتو ..!! سيف مساعد ياخي يخيل لي ما فاضل إلا تعتذر لي بورداب الخرطوم عشان تطاولك عليكم وبعد داك أنا أوعدك احنس ليك عادل الباهي دا يخليك والبوست دا ينزل وإنت تمشي تشوف ليك شغلة تانية تقضاها ... رايك شنو ..!! يا خي الأكلناهو دا حالتو شية ضان في حتة شعبية في ضواحي أمدرمان .. ما عارف لو كان أكلنا لحم غزلان أو أرانب في مطعم راقي في نص الخرطوم حا تعمل لينا شنو ؟!!!!

وبأكل من عرق لساني كيف يكون لساني ماطويل ؟
والله ياناذر سيف كلوش دا الله عاوز يفضحوا في الاسافير شفتوا بالصدفة في المطعم بلاهي منحني علي الصحن
ومركز تحلف تقول شغال ساعاتي مابيأكل ، لهط تمام والفراخ كتم علي أنفاسوا وجاء فتح البوست دا والزول دا
أسع أنا قابضوا كربون مابفكوا مابفكوا الا يطرش الفراخ الاكلوا أو يلج الجمل من ثم الخياط.

_____________________________________________________________________________________
فوق من أجل تعرية المدعو سيف مساعد الشهير بسيف كلوش

(عدل بواسطة عادل الباهي عبدالرازق on 09-01-2012, 11:39 AM)