|
Re: الخطوط الجوية السودانية تسير رحلاتها بإنتظام الى السودان (Re: Al-Shaygi)
|
كل الأخوة المتادخلين والذين ذكروا في مداخلاتهم أنهم لن يسافروا بالناقل الوطني اقول لهم 00 هذا الكلام عيب عيب والله عيب ان لاتسافروا بالسودانية هذه أجمل خطوط في العالم ومن أكثر الخطوط الآمنة في العالم الثالث والمتحضر عارفين لييييييييييييييييييييييييييييييييييييييه ؟؟؟؟؟ لأن الطائرة السودانية لايمكن ان يتم اختطافها نهائياً عارفين لييييييييييييييييييييييييييييييييييييه ما بيتم اختطافها ؟؟ لأنو مواعيدها مربوكة وبالتالي ستربك الخاطفين يعني في نيويورك المختطفين يضعون خطتهم على أساس ان عملية الاختطاف ستتم بعد 20 دقيقة من الاقلاع يعني عارفين الطائرة ستقلع الساعة الثامنة مساء والتنفيذ سيتم الثامنة والثلث في الخطوط السودانية لو الارهابي خطط أن الاختطاف سيتم الثامنة والثلث باعتبار ان الاقلاع سيكون الثامنة مساء حينها ستفشل خطته وسيبلها ويشرب مويتها لأنها ستقلع بعد ثلاثة أيام من المواعيد المحددة !!!! أذكر حينما توفى والدي عليه الرحمة يوم السبت الساعة الواحدة ظهراً اذكر ان مديري في العمل تعاون معي وكذلك زملائي واصدروا التاشيرة الساعة الواحدة والنصف اي بعد نصف ساعة من الوفاة استلمت جوازي وغادرتهم الى جدة في نفس اليوم لم نوفق في ايجاد حجز ووجدنا على السودانية يوم الأحد حيث الحضور العاشرة على ما أظن المهم كانت معي شنطة صغيرة جدا بها ملابس بسيطة وكان موظفي الوزن يتعاملون بفظاظة ولايتركون لك كيلو واحد المهم من المفترض ان نقلع واحدة ولكن لم تصل الطائرة وكنا بالصالة النهائية وكلما تنزل طائرة نقعد نعاين بالزجاج وكل الجنسيات التي معنا بنفس الصالة غادروا المهم ربك رب الخير الساعة 3 اعلنوا انه علينا التوجه لكافتيريا المطار لتناول وجبة الغداء تمشي عشان تاكل يقوم العامل بتاع الكافتيريا يقطع جزء من كارت الصعود عارفين ليه عشان ما تاكل مرتين أكلنا ورجعنا وبعد شوية تبرعوا لينا بي شاي من نفس الكافتيريا وكالعادة قطعوا جزء من الكارت جاء العصر والمغرب والعشاء ولاحياة لمن تنادي والشفع الصغار لعبوا وزهجوا ورقدوا وناموا !!!! ربك رب الخير اعلنوا الساعة التاسعة نمشي الكافتيريا عشان نتعشى على حساب الخطوط السودانية وعيييييييييييييييييك قطعوا مننا الكارت انا والله باقي لي من الكارت حق الشاي بس !!!!! الطريف ان موظفي الخطوط والجماعة الكانوا بيشاكلوا في وزن العفش ماعندهم اي معلومة ولاعارفين الطيارة بتاعتهم وين وكلعادة بدأ ضرب ولكمات مابين الركاب واصحاب القمصة البيضاء تدخلت الشرطة وقال لينا العسكري ليه ترفعون ضغطكم هذا شيء طبيعي نمنا وما نمنا نوم الديك في الحبل سمعتوا بيهو ؟؟؟ صحينا لصلاة الصبح من الساعة 3 تقول الواحد شغال مع ناس بن عثيمين وابن المقفع الصباح شربنا الشاي بباقي الكارت وقعدنا ميطي لا صعود ولا يحزنون لكن أدونا كيكة مع الشاي !!!! أظرف شيء واحد اتعرف ليهو على واحدة طالبة جامعية راجعة السودان و جكس معاها وقال ليها نتم الموضوع وباقي التفاصيل في مقاعد الطيارة والحمد لله الساعة العاشرة صباحا وصلت طائرتنا وكانت صغيرة جدا لنتفاجأ بأنه سيذهب العوائل بينما يبقى الآخرون حتى وصول طائرة أخرى واصريت ان اذهب مع العوائل لظروفي التي تمر بي وسمحوا لي بذلك لكن زولكم بتاع الجكس زولتو ركبت معانا وهو حتى اللحظة والله لا ادري هل سافر ام مازال عالقاً بالمطار قال نكمل في مقاعد الطيارة قال !!!!
|
|
|
|
|
|
|
العنوان |
الكاتب |
Date |
الخطوط الجوية السودانية تسير رحلاتها بإنتظام الى السودان | تاج السر محمد حامد | 08-08-12, 02:50 AM |
Re: الخطوط الجوية السودانية تسير رحلاتها بإنتظام الى السودان | نعمات حمود | 08-08-12, 08:45 AM |
Re: الخطوط الجوية السودانية تسير رحلاتها بإنتظام الى السودان | عصام علي أحمد | 08-08-12, 09:38 AM |
Re: الخطوط الجوية السودانية تسير رحلاتها بإنتظام الى السودان | عصام علي أحمد | 08-08-12, 09:42 AM |
Re: الخطوط الجوية السودانية تسير رحلاتها بإنتظام الى السودان | خالد عبد الله محمود | 08-08-12, 10:01 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 00:23 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 00:20 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 00:14 AM |
Re: الخطوط الجوية السودانية تسير رحلاتها بإنتظام الى السودان | الزبير صالح الزبير | 08-09-12, 01:10 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 01:49 AM |
Re: الخطوط الجوية السودانية تسير رحلاتها بإنتظام الى السودان | إدريس البدري | 08-09-12, 01:56 AM |
Re: الخطوط الجوية السودانية تسير رحلاتها بإنتظام الى السودان | مجدي عبدالرحيم فضل | 08-09-12, 02:11 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 02:21 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 02:17 AM |
Re: الخطوط الجوية السودانية تسير رحلاتها بإنتظام الى السودان | haroon diyab | 08-09-12, 06:12 AM |
Re: الخطوط الجوية السودانية تسير رحلاتها بإنتظام الى السودان | ترهاقا | 08-09-12, 07:11 AM |
Re: الخطوط الجوية السودانية تسير رحلاتها بإنتظام الى السودان | أسامة البيتى | 08-09-12, 07:39 AM |
Re: الخطوط الجوية السودانية تسير رحلاتها بإنتظام الى السودان | المسافر | 08-09-12, 08:36 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 12:40 PM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 12:34 PM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 12:28 PM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-09-12, 12:23 PM |
Re: الخطوط الجوية السودانية تسير رحلاتها بإنتظام الى السودان | Al-Shaygi | 08-09-12, 12:43 PM |
Re: الخطوط الجوية السودانية تسير رحلاتها بإنتظام الى السودان | ابوحراز | 08-09-12, 01:10 PM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-10-12, 02:21 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-10-12, 02:13 AM |
Re: الخطوط الجوية السودانية تسير رحلاتها بإنتظام الى السودان | البحيراوي | 08-09-12, 12:50 PM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-10-12, 02:34 AM |
Re: الخطوط الجوية السودانية تسير رحلاتها بإنتظام الى السودان | محمد عثمان عبدالله | 08-09-12, 01:35 PM |
Re: الخطوط الجوية السودانية تسير رحلاتها بإنتظام الى السودان | ترهاقا | 08-09-12, 04:32 PM |
Re: الخطوط الجوية السودانية تسير رحلاتها بإنتظام الى السودان | أمير عثمان | 08-09-12, 05:42 PM |
Re: الخطوط الجوية السودانية تسير رحلاتها بإنتظام الى السودان | الزبير صالح الزبير | 08-09-12, 06:33 PM |
Re: الخطوط الجوية السودانية تسير رحلاتها بإنتظام الى السودان | عصام علي أحمد | 08-10-12, 01:09 AM |
Re: الخطوط الجوية السودانية تسير رحلاتها بإنتظام الى السودان | Dr.Elsadig Abdalla | 08-10-12, 02:44 AM |
Re: الخطوط الجوية السودانية تسير رحلاتها بإنتظام الى السودان | ترهاقا | 08-10-12, 06:40 AM |
Re: الخطوط الجوية السودانية تسير رحلاتها بإنتظام الى السودان | تاج السر محمد حامد | 08-10-12, 10:08 AM |
|
|
|