|
Re: ايوه بلاغك في لكن ناقص !!! (Re: omer osman)
|
يا جنابو الحال من بعضه
تعال احكي ليك الأغرب من خيالك زاتو
اليوم الساعة 7 صباحا
سمعت جاري شيخ محمود ينادي بصوت عالي ويدق علي باب الشقة
(يا ابو احميد تعال حصل سريع)
لبست السفنجة وجري علي الباب .. مالك في شنو يا شيخ محمود
قال تعال برا اوريك ..
مشيت قدام البيت علي شارع المزاد
لقيت شجرة النيم شابكة في سلك الكهرباء .. وكل دقيقة تعمل شرارة
الشرارة تولع دقايق وتطفي..
تحت شجرة النيم مباشرة محل (بيع غاز) فتأمل ..
فصلنا الكهرباء من البيت .. ومرقنا العيال .. وبعدنا العربات ..
وجري لي ناس المطافي جنب ميدان المولد - تقاطع ش المزاد مع احمد قاسم
اخذوا معلومات سريع .. وقعدوا يسخنوا في العربية يمكن نص ساعة خليت معاهم شيخ محمود
انا ما انتظرتهم رجعت البيت ... عشان افضي المحل من انابيب الغاز ؟؟
المفتاح قال مع الحبشي .. والحبشي تلفونه قافل..
بعد كم تلفون .. وصلوا وشافوا النار فوق راس الشجرة فوق والسلك ضغط عالي وخط رئيسي معلق بين الفروع
قام عمل شورت قوي وفرقعة قنبلة ..عديل .. ناس المطافي جروا علي عربيتهم .. والسواق بسرعة ابعد العربية
قلت ليه مالكم جريتو ؟؟ قال ياخي العربية دي غالية اكان قامت حرقت.. قلت ليهو انتو وقتين غالبكم تحموا
عربيتكم دايرين تحمونا كيف..___ صن صن
المهم .. وقفوا يتفرجوا .. وقالوا الشغلة دي ما حقتنا حقت ناس الكهرباء
شيخ محمود مشي ناس الكهرباء.. جابهم وجا؟؟
وعينك ما تشوف الأ النور ... الجماعة اشكلوا شكلة مدنكلة ..
ناس المطافي .. وناس الكهرباء
ناس المطافي سالوا مهندس الكهربا(راجل كبير في العمر )ء.. اسمك منو؟؟؟
قال ليهم .
ليه ؟؟ عشان شنو؟؟ اديكم اسمي .. انا عامل جريمة
والشكلة دورت ...
والنار هناك في النيمة ولعت ..
وعملت ماس كبير .. وطرقعة قوية للمرة الثانية .. والحلة كلها اتلمت .. والشارع وقف
والشكلة مدورة.. ناس المطافي اتصلوا بالدوريات ...
الدورية ما جات
قالوا لمهندس الكهرباء تركب معانا نمشي القسم الأوسط بحري
المهندس رفض.. قال بمشي بي عربية الكهرباء
ناس المطافي قالوا لالالا
قبضوا الراجل الكبير.. وقبقبوه .. وبالقوة رفعوه في عربية المطافي
وعلي القسم دوغري
شيخ محمود مشي لي ناس التحكم في بحري
وحكي ليهم قصة زولهم الفي القسم
جونا 3 عربات طؤارئ كهرباء ومعاهم بتاع امن جبوه معاهم
وسمعوا القصة من الجميع .. ومشوا القسم طلعوا المهندس
وفي النهاية
الساعة 11 ونص
قصوا الشجرة ورجعوا الكهرباء.. وناس المطافي واقفين يتفرجوا
بتشفي..
المهم
دي حال البلد ... ناس كلها بقت زفت واخلاقها في مناخيرها
سلام
|
|
|
|
|
|
|
العنوان |
الكاتب |
Date |
ايوه بلاغك في لكن ناقص !!! | omer osman | 07-30-12, 01:05 PM |
Re: ايوه بلاغك في لكن ناقص !!! | omer osman | 07-30-12, 01:08 PM |
Re: ايوه بلاغك في لكن ناقص !!! | Hani Arabi Mohamed | 07-30-12, 01:16 PM |
Re: ايوه بلاغك في لكن ناقص !!! | omer osman | 07-30-12, 01:26 PM |
Re: ايوه بلاغك في لكن ناقص !!! | أمجد الزين | 07-30-12, 01:26 PM |
Re: ايوه بلاغك في لكن ناقص !!! | أمجد الزين | 07-30-12, 01:30 PM |
Re: ايوه بلاغك في لكن ناقص !!! | omer osman | 07-30-12, 01:33 PM |
Re: ايوه بلاغك في لكن ناقص !!! | omer osman | 07-30-12, 01:30 PM |
Re: ايوه بلاغك في لكن ناقص !!! | فيصل عثمان الحسن | 07-30-12, 01:48 PM |
Re: ايوه بلاغك في لكن ناقص !!! | omer osman | 07-31-12, 07:16 AM |
Re: ايوه بلاغك في لكن ناقص !!! | ahmed haneen | 07-30-12, 01:58 PM |
Re: ايوه بلاغك في لكن ناقص !!! | داليا الكباشى | 07-30-12, 02:08 PM |
Re: ايوه بلاغك في لكن ناقص !!! | Hani Arabi Mohamed | 07-31-12, 06:48 AM |
Re: ايوه بلاغك في لكن ناقص !!! | ahmed haneen | 07-31-12, 09:13 AM |
Re: ايوه بلاغك في لكن ناقص !!! | omer osman | 07-31-12, 07:24 AM |
Re: ايوه بلاغك في لكن ناقص !!! | omer osman | 07-31-12, 07:18 AM |
Re: ايوه بلاغك في لكن ناقص !!! | داليا الكباشى | 07-31-12, 09:25 AM |
Re: ايوه بلاغك في لكن ناقص !!! | فايزودالقاضي | 07-31-12, 09:41 AM |
Re: ايوه بلاغك في لكن ناقص !!! | صلاح أبودية | 07-31-12, 09:33 AM |
Re: ايوه بلاغك في لكن ناقص !!! | فايزودالقاضي | 07-31-12, 09:56 AM |
Re: ايوه بلاغك في لكن ناقص !!! | رانيه محمد الشيخ | 07-31-12, 09:45 AM |
Re: ايوه بلاغك في لكن ناقص !!! | جمال المنصوري | 07-31-12, 09:53 AM |
Re: ايوه بلاغك في لكن ناقص !!! | حمزه بابكر الكوبي | 07-31-12, 01:45 PM |
|
|
|