رحلة البحث عن .. رقم .. وطني .. مميز .. (توجد دراما)

مرحبا Guest
اخر زيارك لك: 06-10-2024, 06:06 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-30-2012, 09:02 PM

خالد الأيوبي
<aخالد الأيوبي
تاريخ التسجيل: 01-17-2004
مجموع المشاركات: 751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رحلة البحث عن .. رقم .. وطني .. مميز .. (توجد دراما) (Re: خالد الأيوبي)

    .....
    ......

    نحن في مقدمة الصف (صرت الحداشر) علي أعصابنا.
    لم تنفع إحتجاجاتنا وإعتراضاتنا علي الفوضي
    و تم تهديدي بإخراجي من الصف وتعطيل إجراءاتي عندما تماديت في الإحتجاج. فرضخت و تراجعت عندما تذكرت ضيق وقتي و بسبب تدخل زميلي في الصف (بتحنيسة جات في و كتها)–

    وأخيرا دخلنا المبني. دخلنا بالصف إلي صالة كبيرة. عالم واقفة و عالم قاعدة و عالم تزحف في صف آخر غير صفنا ينتهي بباب في الجهة المعاكسة يؤدي إلي المكاتب الداخلية (ومحروس بأشداء آخرين)
    الإجراءات (كما تقول البوسترات المعلقة في الجدران) مبسطة جدا، في خمسة خطوات:
    الشباك 1 في الصالة لإدخال إسمك في الكمبيوتر وفتح ملف لك و تأخذ التذكرة التي تحدد ترتيبك (لهذا اليوم)
    الخطوة 2 في مكتب داخلي لأخذ الصورة و البصمات لتضاف إلي ملفك في الكمبيوتر
    الخطوة 3 ترجع الصالة لإدخال معلوماتك عند واحد من 5 نوافذ تفتح في الصالة
    الخطوة 4 الأرشيف و برضو في الصالة حيث يتم عمل إسكاننق لمستنداتك و تضاف لملفك بالكمبيوتر
    الخطوة 5 الأخيرة ترجع إلي مكتب داخلي لإجراء التحري ومراجعة البيانات قبل إعطائك الرقم الوطنييييييييييييييي.

    فكرت (بهذه البساطة و الساعة يادوب تسعة و نص ! الحممممممممد لله. )

    لكن صبرا .. فأول المفاجأت جاءت من الشباك الأول : طلع ترتيبي المئة و تمانية و خمسين - هكذا تقول التذكرة ( 158 وأنا الكنت قايل نفسي شاطر)

    يلا نصيبنا كدا. وأصطفيت في صف الرجال داخل القاعة لأعبر إلي الخطوة (2) مكتب الصور و البصمات الداخلي. كان تمرين جديد و خفيف علي الصبر مع الجوع و خرمة الشاي و القهوة وغيرها .
    ولكن كما قالوا (معرفة الرجال كنز) و لو كانت في صف إستخراج رقم وطني. فهي تقتل الملل و تساعد علي التنفيس و تمنع الإنفجار. و .....تظل الوجوه محفورة بالذاكرة بينمــا الأسماء تتبخر سريعاّ.
    ولذلك تلقا الواحد فينا دائمـاً محتار ((الزول دا أنا شايفه وين قبل كدا ؟ شايفه وييين؟)).

    المكتب به 4 كمبيوترات 2 للصور و 2 للبصمات. وثلاثة مقاعد للإنتظار. قبل أن يفضي واحد منها جاء دوري: فقعدت في كرسي التصوير. عاين هنا في الكمرة دي. أرفع رأسك شوية.
    خلاص قوم أمشي البصمات....خت يدك هنا. لا الأصابع الأربعة.براهم. يلا الأصبع الكبير. جيب اليد التانية. أها . خلاص أرجع الصالة و إنتظر ينادوك لإدخال بياناتك.. شكرا

    ما إنقطع الأمل في إنتهاء المهمة سريعا فالساعة يا دوب تجاوزت العاشرة.
    وفي الصالة المقاعد تملأ و تفضي و لكن ثلاثة أربع الموجودين وقوفا. محظوظ من يجد (ضهر) يستند عليه.
    وإلتقيت بزميل من الصف القديم :
    - أها كيف ؟. طلعت نمرة كم؟
    - 158 وإنت؟
    - ياخي و الله القصة دي غريبة إتصور أنا برضو طلعت 155 كيف الكلام دا ما عارف !!!! و نحن كنا أول ناس.
    - شيل الصبر بس.
    القاعة تضج بالحضور معظمهم ينتظرون إدخال بياناتهم مثلي. والمنادي ينادي واحدا واحدا بأســمائهم وحسب ترتيبهم بالكمبيوتر (من المفترض)
    وتتشــابه الأســـماء بسبب إرتفاع الضجيج و صياح الأطفال فتحصل الربكة ويتضجرالمنادي إذا طلبوا منه إعادة قراءة الإسم.

    الوقت يمر بطيئا ولا ينادينا أحد وزميلي يبرر لي أســباب تفاؤله : ( شفت الراجل الندهوه قبل شوية دا.؟ .. دا كان قدامي طوالي في الصف) و لكن واقع الحال يمد له لسانه ســـاخراً (و يعني؟؟)
    وفعلا ... (و يعني؟) ويدب القلق . فإقترحت عليه أن نسأل كل من جاء دوره و ناداه المنادي ممن يقفون أو يجلسون بالقرب مننا عن رقم تذكرته لعلنا نستشف موقفنا

    بدأت الإجابات منطقية لفترة: تذكرتي رقم واحد و ثمانين – مية و عشرة – ميه وتلاتة و أربعين - مية وستة و أربعين - ...... - ........

    و بعد ساعة من الزمن فقدت المنطق تمامــاً : 179– أنا 167 – رقمي 187– 191– آآآآآ؟

    ورفعنا شكوانا أنا و زميلي إلي أول من أبدي إستعدادا لسماعها. وبآلية يبدو أنه إعتاد عليها أفتي في أمرنا (أمشوا الشباك (1) خلوا البت تعمل ليكم تحديث لأرقامكم).
    و تم التحديث لأرقامنا وهو عبارة عن ضغط علي زر ( ريفريشمنت) في الكمبيوتر بعد إختيار كل رقم . .
    وعدنا للإنتظار و مراقبة تسلسل الأرقام: 198 – 172 – 174 - . و ينتفض زميلي كالمذعور ويندفع والسعادة تغمر وجهه البسيط (أيوة ... أنا موجود .. أنا هنا). وبقيت وحدي مع الجوع و العطش و (الخرمة)
    و إنتصف النهار و أنا أســائل كل محظوظ إختطفه الحظ من جواري رقمك كم؟
    218 – 254 – 170 – 264 - 223 ... فقررت تصعيد الأمر:
    - يا جنابو إمكن في حاجة غلط ؟
    - لا ما حاجة غلط إنتظر بس دورك بجي ..... يا شباب ما تقفلوا الطريق دا ... زحوا كدا
    - يا جنابو أنا رقمي 158 و هسع ندهوا أرقام بعد 250
    - عملت تحديث في الكمبيوتر ؟
    - عملتوا
    - أعملوا تاني .... وتركنى و مضي . ينادي.. يا أخواننا إنتو ما بتسمعوا الكلام مالكم؟ قلنا أفتحوا الشارع دا

    في الشباك رقم (1) دار حوار غريب مع (موظفة الكمبيوتر) أنقل لكم جانبا واحدا منه بصوت الموظفة :

    - إنت مش جيتني قبيل و عملت ليك تحديث؟
    - ما خلاص طيب
    - شنو؟ وليه أعموا تاني؟
    - تعمل شنو ؟ تنتظر بس؟
    - حاجة غلط كيف يعني؟ لمن رقمك يجي بندهوك ما في حاجة غلط
    - طبعا كلامك دا ما صاح ما ممكن يندهوا زول رقمو بعدك
    - ما بكلفني حاجة كيف؟ ضربة زر؟ بلاي !! إنت عاوز توريتي شغلي كمان؟
    - ياخي أسمع أنا ما فاضية ليك و تحديث تاني ما بعمل ليك.
    - والله علي كيفك أمشي للضابط جوا

    ولكنهم حالوا بيتي و بين الضابط بحجة عدم و جود مبرر لمقابلته...

    و بعد صنة من الغضب والإحباط عاودت الإستفسار (لو سمحت رقمك كم؟ )
    - تولتومية و إطناشـر
    - 312 ؟؟؟؟؟ إنت متأكد يا إبن العم؟
    - أيوه
    - لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا (موسيقي مصاحبة)

    وقلبت الدنيا و دقيت جرس قدر جرس (دلالة دقش) وتدخل أحد الموظفين الشباب و حال بيني و بين بطش (الأشــداء) وتبرع بحل مشكلتي.
    هدأ من ثورتي وأخذني إلي غرفة (قاعدة البيانات) وأدخلني برغم اللافتة التي علي الباب وعمل (لوق إن) بإسمه و رقمه السري و جال ببصره في شاشة البيانات شوية..... و كانت المفاجأة غير المتوقعة:

    إنت ياخي ما أتصورت ولا عملت بصمات !!!!!!!!!!

    (يتبع 3)

    (عدل بواسطة خالد الأيوبي on 07-30-2012, 11:40 PM)
                  

العنوان الكاتب Date
رحلة البحث عن .. رقم .. وطني .. مميز .. (توجد دراما) خالد الأيوبي07-30-12, 10:38 AM
  Re: رحلة البحث عن .. رقم .. وطني .. مميز .. (توجد دراما) خالد الأيوبي07-30-12, 09:02 PM
    Re: رحلة البحث عن .. رقم .. وطني .. مميز .. (توجد دراما) خالد الأيوبي07-31-12, 09:35 AM
      Re: رحلة البحث عن .. رقم .. وطني .. مميز .. (توجد دراما) Mohd Ibrahim07-31-12, 09:51 AM
        Re: رحلة البحث عن .. رقم .. وطني .. مميز .. (توجد دراما) خالد الأيوبي07-31-12, 10:14 AM
      Re: رحلة البحث عن .. رقم .. وطني .. مميز .. (توجد دراما) nazar hussien07-31-12, 10:04 AM
        Re: رحلة البحث عن .. رقم .. وطني .. مميز .. (توجد دراما) خالد الأيوبي07-31-12, 10:25 AM
          Re: رحلة البحث عن .. رقم .. وطني .. مميز .. (توجد دراما) محمد عبد الماجد الصايم07-31-12, 11:30 AM
            Re: رحلة البحث عن .. رقم .. وطني .. مميز .. (توجد دراما) Mohamed Foto7li 07-31-12, 01:12 PM
              Re: رحلة البحث عن .. رقم .. وطني .. مميز .. (توجد دراما) Tumadir07-31-12, 01:13 PM
                Re: رحلة البحث عن .. رقم .. وطني .. مميز .. (توجد دراما) خالد الأيوبي08-02-12, 01:46 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de