|
Re: أتوقع تدخل الرئيس! (Re: Hussein Mallasi)
|
Quote: السلاااااام عليكم قالها الاستاذحسن بصوته الاجش عندما دخل الى مكتب السكرتره مكتب السكرتيره ممتلئ عن آخره بموظفين قام المدير الجديد بإنهاء خدماتهم لم يرد اى منهم على حسن التحيه اعادها مرة اخري ياناس السلام عليكم رد عليه هذه المره منصور وهو موظف معاق يتحرك بعكازين وهو من ضمن من قام المدير الجديد بالتخلى عن خدماتهم منصور : وعليكم السلام ياحسن اقعد شوف لينا دباره فى القصه دى حسن يفتح مغلف بيده ويخرج منه صوره ارشيفيه لاحد عظماء السودان تعرف ذلك بمجرد النظر فى الصوره حسن : هوى اااا المدنقرين ديل الموضوع ده بنحل ان شاء الله كدى بتعرفو الزول الفى الصوره دى الجميع : لا منصور : ده منو يعنى وبسوي لينا شنو يعنى ياحسن خليك جادى وشوف لينا حل فى شبكتنا دى حسن : امس كنت بقرا فى قصة الزول ده فى النت اسمو عبدالله ودجادالله واسم الشهره بتاعو كسار قلم ميكمايكل الزول ده كان راجل جد فى زمن الاستعمار الخواجه ميكمايكل ده استفزاهو وكتب فيهو خطاب قام الراجل ده كسر للخواجه قلمو منصور مقاطعا: ياحسن المدير الجديد ده سودانى وشايقى كمان ولواء فى جهاز الامن حسن: يامنصور اصبر ان جاييك فى النضم اها كنت بحكى لى امى فى قصة الراجل العظيم ده امى قالت لى ياجنى عبدالله ود جادالله ده جدك ..... وساد صمت فى المكان تنحنح حسن : مواصلا حديثه اها شوفو والله الليله الشايقى المعفن ده مايتراجع من قرارو ده إلا اوريهو لكم الكسر قلم مكميك منو والا لمن افتح خشمو اسد ليهو وشو بي صورة جدى دى ولمن افتح خشمو عشان يتنفس احشر ليهو الورقه فى خشمو مصطفى خمسينى قافله معاهو طوالى : ياحسن انت اظنك بقيت تحضر توم اااند جيري كتير تدخل السكرتيره وتقاطعهم : شوفو يا اخوانى الريس ده تتكلمو معاهو بي الراحه واحكو ليهو ظروفكم والله هو زول كويس حسن : يازوله كويس شنو على الطلاق انا جدى كسر لى الخواجه قلمو فى زمن الاستعمار الهم كانو تيييييييييييت شوفى والله الزول ده انا اوريهو ليكم مصطفى مقاطعا : شوف ياحسن هى خربانه خربانه نحنا فوضناك اتكلم بي اسمنا ولا رايكم شنو يا جماعه الجميع : يازول مافى عوجه يرن فى تلك اللحظه جرس استدعاء السكرتيره لمكتب المدير تذهب السكرتيره وتعود سريعا اها ياناس انتو اتفقتو وفوتضو حسن لانو المدير قال ينادو ليهو مفوض واحد منكم لانو انتو واحد وعشرين غير الناس الما جو مصطفى : قوم ياحسن يعدل حسن فى جلسته ويقول : شوفو يا ناس انا بخلى ليكم الباب فاتح عشان تسمعو كلامى كلو ينهض حسن وتطقطق عصباتو ويعدل من شكته يفتح مكتب المدير ويجعل الباب مواربا مكتب المدير ضخم ووسير وبالكاد تراه حسن بجوار الباب انتابه احساس انو المدير القليل ده بكون هرشه فذادت ثقته فى نفسه المدير : ما تخش يازول مالك واقف فى الباب يدخل حسن خطوه واحده يقوم المدير بتعديل وضعية شاشه امامه ليتمكن حسن من رؤية ماكان يشاهده المدير يقوم المدير بإعادة ماكن يشاهده وتبدو الدهشه على وجه حسن حسن بي شحمو لحمو فى شاشة المدير وصوته الاجش ينطلق من سماعات كمبيوتر المدير صوت حسن من للماعات : اها شوفو والله الشايقى المعفن ده مايتراجع من قرارو ده الا اوريهو ليكم الكسر قلم مكميك منو يقوم المدير بإيقاف التسجيل فى تلك النقطه المدير : شوف ياحسن اها انا فاتح خشمى اها ورينى كيف اهااااا اهاااا مالك اتسمرت وبحركه دراميه يقوم حسن بإغلاق الباب وتغرورغ عيون حسن بالدموع حسن : شوف ياريس والله....... وتنهمر شلالات من الجرسه والكبكبه لمدة عشر دقائق مصحوبه بتنهف ومخاخيط المدير مقاطعا : شوف ياحسن جواب الرفد وصلك حسن : يبدو عليه اليأس نعم ياريس يقوم المدير بسحب ورقه من درج مكتبه المدير : يازول --- ياحسن ده جواب نقل لى الدندر لو ماعاجبك جواب الرفد عندك حسن وكالغريق الذي يبحث عن قشه يسحب الورق ويوقع عليها ويكيل على المدير سيل وشلالات من الشكر المدير : شوف ياحسن ناسك البره ديل دى خطابات نقلياتم وقعو عليها لا مانع ماوقعو اموشو الحسابات اشوفو حقوقهم واسمع انا بديك فرصه تطلع بره تعمل ليهم انك اسد وانك هرشتنى فى حدود سامع انت عارف انا شايفك وكان فى زول عرف بي موضوع الكميرا الفى مكتب السكرتيره ده اعرف انو ده آخر يوم ليك فى الشغل فاهم حسن : فاهم ياريس يخرج حسن والعرق يتصبب من جبينه ونفسه قايم حسن : هوي ياناس المدير ده مازولا كعب انا غايتو بعد تحانيس اتفهم وقال هنا فى تكدس فى العمال كتير قام نقل الناس دى الولايات وانا قلتلو الحوافز وكده قام وافق المهم دى خطابات نقلياتكم العاوز يوقع اهلا وسهلا والما عاوز امشى الحسابات يشيل حقوقو يا ناس انا سويت العلى المديرمتابعا مايدور من خلال الكميرا وتوقيع الموظفين على خطابات التنقل وهم يشكرون فى حسن وجده صاحب القصه المشهوره المدير محدثا نفسه : اسع اناس ديل لو كان قلت يهم انا عاوز انقلكم الولايات من البدايه على الطلاق زول امش مافى شعب مابجى إلا بى العين الحمراء قال جدى قال |
|
|
|
|
|
|
|
العنوان |
الكاتب |
Date |
أتوقع تدخل الرئيس! | Hussein Mallasi | 07-25-12, 12:13 PM |
Re: أتوقع تدخل الرئيس! | Hussein Mallasi | 07-25-12, 12:16 PM |
اتوقع | العوض المسلمي | 07-25-12, 12:26 PM |
Re: أتوقع تدخل الرئيس! | Mohammed Awad | 07-25-12, 12:20 PM |
Re: أتوقع تدخل الرئيس! | د.محمد حسن | 07-25-12, 12:22 PM |
Re: أتوقع تدخل الرئيس! | قاسم المهداوى | 07-25-12, 12:28 PM |
Re: أتوقع تدخل الرئيس! | Hussein Mallasi | 07-25-12, 12:31 PM |
Re: أتوقع تدخل الرئيس! | Mohammed Awad | 07-25-12, 01:00 PM |
Re: أتوقع تدخل الرئيس! | د.محمد حسن | 07-25-12, 12:30 PM |
Re: أتوقع تدخل الرئيس! | عبداللطيف خليل محمد على | 07-25-12, 12:37 PM |
Re: أتوقع تدخل الرئيس! | نادر | 07-25-12, 12:38 PM |
Re: أتوقع تدخل الرئيس! | احمد الأمين على إدريس | 07-25-12, 12:45 PM |
Re: أتوقع تدخل الرئيس! | محمد إبراهيم علي | 07-25-12, 12:42 PM |
Re: أتوقع تدخل الرئيس! | Hussein Mallasi | 07-25-12, 01:05 PM |
Re: أتوقع تدخل الرئيس! | Al-Shaygi | 07-25-12, 01:47 PM |
Re: أتوقع تدخل الرئيس! | البحيراوي | 07-25-12, 01:05 PM |
Re: أتوقع تدخل الرئيس! | رشا سالم | 07-25-12, 01:11 PM |
Re: أتوقع تدخل الرئيس! | أحمد الشايقي | 07-25-12, 01:20 PM |
Re: أتوقع تدخل الرئيس! | عمار يس النور | 07-25-12, 01:25 PM |
Re: أتوقع تدخل الرئيس! | الزبير صالح الزبير | 07-25-12, 02:07 PM |
Re: أتوقع تدخل الرئيس! | Hussein Mallasi | 07-25-12, 02:35 PM |
Re: أتوقع تدخل الرئيس! | أمجد الزين | 07-25-12, 02:48 PM |
Re: أتوقع تدخل الرئيس! | عزان سعيد | 07-25-12, 02:49 PM |
Re: أتوقع تدخل الرئيس! | Al Sunda | 07-25-12, 09:24 PM |
Re: أتوقع تدخل الرئيس! | Hani Arabi Mohamed | 07-25-12, 09:30 PM |
Re: أتوقع تدخل الرئيس! | الرفاعي عبدالعاطي حجر | 07-25-12, 10:37 PM |
Re: أتوقع تدخل الرئيس! | نادر | 07-26-12, 02:56 PM |
Re: أتوقع تدخل الرئيس! | محمد حيدر المشرف | 07-26-12, 04:03 PM |
Re: أتوقع تدخل الرئيس! | ماضي ابو العزائم | 07-26-12, 04:23 PM |
Re: أتوقع تدخل الرئيس! | محمد إبراهيم علي | 07-26-12, 11:28 PM |
Re: أتوقع تدخل الرئيس! | Hussein Mallasi | 07-27-12, 09:00 PM |
Re: أتوقع تدخل الرئيس! | Hussein Mallasi | 07-27-12, 11:16 PM |
Re: أتوقع تدخل الرئيس! | Hisham Ibrahim | 07-27-12, 11:37 PM |
Re: أتوقع تدخل الرئيس! | jini | 07-28-12, 01:33 AM |
|
|
|