|
|
 Re: الأتجاه المعاكس... كتابة (منقول من الجزيرة نت) (Re: جمال المنصوري)
|
فيصل القاسم: جميل، دكتور سمعت هذا الكلام، يعني من حق السودان، يقلك الرجل، نحن لسنا بصدد أسطوانة مشروخة كما هو الأمر في بقية الدول العربية، السودان مختلف، ليس هناك بوادر أي نوع من الثورة، عبارة عن متفرقين، مشتتين، شذاذ آفاق كما وصفهم الرئيس، لا أكثر ولا أقل، كيف ترد؟
عمر القراي: بسم الله الرحمن الرحيم، أولا اللي بيحصل الآن في السودان هو تراكم لمسائل كثيرة وطويلة، النظام الحاضر نظام مجرم، قتل آلاف الأبرياء في دارفور، 250 ألف، فيه اثنين مليون نفر في معسكرات هسع من اللاجئين، قتلوا وضربوا وحرقت القرى، ونسفت، وقتلوا المواطنين بدون أي خبر عن الجريمة اللي ارتكبوها، في دارفور شنو؟ ولم يحاكم إلى الآن رجل واحد بسبب الناس اللي ماتوا في دارفور، والحكومة نفسها اعترفت أن الناس اللي قتلوا في دارفور عشر آلاف، مع أنهم 250 ألف، لكن حتى العشر آلاف هؤلاء، ما في زول واحد سئل منهم، ما في محاكمة واحدة عقدت في السودان لرجل باعتبار أن هو قتل، سواء كان في الدفاع الشعبي، أو في جنجويل أو في الجيش أو في الأمن، المواطنون قتلوا، والناس اللي قتلوهم في دارفور، رقوهم، وجابوهم عينوهم ليكونوا مسؤولين النيل الأزرق، جبال النوبة، ليكونوا مسؤولين من جبال النوبة، وجنوب كردفان، وهم نفس الشخصيات اللي هسع في كردفان، طيارات هسع بتضرب مواطنين عزل، تقتل فيهم في جنوب كردفان، وفي النيل الأزرق، الطيارات دي ما بتطير في بنزين، بتطير بدم الشعب السوداني، الطيارات دي بحطوا فيها دم الشعب عشان تمشي تضرب الناس، ليه؟ لأنه الغضب اللي هسع حاصل سببه أن الحكومة دي حكومة حرب، شالت أموال البلد ومواردها، استعملتها في شراء السلاح وفي الطيارات اللي تضرب بها، وخلت الخزينة ما عندها أموال، والبلد بقت ما فيها قروش، وأنه الناس اضطروا، المواطنين السودانيين يأكلوا وجبة واحدة في اليوم، ويكونوا جوعانين، وأن الحكومة بتتكلم عن أنها تعلن تقشف، وأنه رجل زي الدكتور الطيب زين العابدين، رجل إسلامي معروف، يكلمنا عن أنه مرتب رئيس الجمهورية ستين مليون، ستين مليون في الشهر، يعني رئيس الجمهورية بياخد كل يوم اثنين مليون، في حين أن المواطن لو تخرج من الجامعة عشان يشتغل طبيب، 500 جنيه بياخد ولا أربعمائة جنيه بياخد، البلد فيها حالة من الحالة بتاعة مجموعة من الناس، هجموا على السلطة، اغتصبوها، قتلوا الشعب السوداني، فصلوا الجنوب، لأول مرة في تاريخ الشعب السوداني كله تكون حكومة وطنية تفصل جزء من البلد، الإنجليز لما حاولوا يفصلوا الجنوب وعملوا قانون المناطق المكفولة تراجعوا عن القرار بتاعهم، تخيل إنه تجيء حكومة وطنية تفصل الجنوب، وتفصله ليه؟ لأنه تصريحات الرؤساء والمسؤولين تصريحات عنصرية، مش أنا اللي بقول الكلام دا، وزير الخارجية قال إنه رئيس الجمهورية، تصريحاته تصريحات عنصرية، وهذه التصريحات العنصرية أضرت بسياسة السودان الخارجية، هذا كلام وزير الخارجية، فإذا كانت الحكومة نفسها بتستعمل تصريحات زي دي، وبتدمر الاقتصاد نفسه بأنه بتبيع مشاريع زي مشروع الجزيرة، وإذا كانت الحكومة نفسها، حتى القدر الذي يتم من التنمية، إذا كان في شوارع تمت، نعم، في كباري اتعملت، كلها معمولة بقروض، كلمني عن مشروع واحد، كوبري واحد، خزان واحد معمول بغير قروض، وين أموال البترول راحت؟ الخزانات دي كلها معمولة بقروض.
فيصل القاسم: جميل جدا، إذن نأخذها نقطة، نقطة، دكتور يعني تريد أن تقول إن السودان مقبل على ثورة فعلا، وأنه نحن لسنا بصدد احتجاجات بسيطة.
عمر القراي: السودان مقبل على ثورة، لأن السودان لأول مرة كل المدن السودانية خرجت، الموضوع ما موضوع مجموعة من الناس، طلاب جامعة الخرطوم، طلاب الجامعات الأخرى، طلاب المعاهد العليا، نساء في مجمعات، في منظمات زي لا لقهر النساء، نساء سودانيات معروفات وأسرهم معروفة، خرجوا إلى الشوارع ضربوا من رجال الأمن، المشكلة هسع مش في أنه المظاهرات بتخرج فيها ناس، المشكلة في أن المظاهرات تواجه بقمع غير طبيعي، بقمع غير معقول، الطلاب اللي بمسكوهم من الجامعة، الواحد بضربوه في 150 سوط، وحتى الآن ما أطلقوا سراحه، 150 سوط لأنه رفع صوته يتكلم، دا لو كان في حكم شريعة إسلامية لو زنى، كان بيدوه 100 سوط بس، ما بيدوا 150 سوط
|
|
 
|
|
|
|
|
| العنوان |
الكاتب |
Date |
| الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:27 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:29 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:31 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:34 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:35 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:37 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:39 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:40 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:42 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:44 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:45 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:46 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:47 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 07:58 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 08:16 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 08:40 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-15-12, 10:16 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-16-12, 01:38 PM |
| Re: الأتجاه المعاكس... كتابة (منقول من الجزيرة نت) | جمال المنصوري | 07-16-12, 01:49 PM |
|
| |
جمال المنصوري
فيس بوك
تويتر
انستقرام
يوتيوب
بنتيريست