|
Re: رجاء اخفاء/حماية هوية المتظاهرين في الفيديوهات و الموثقين للاحداث (Re: هيثم طه)
|
Quote: العزيزة رحاب كيفك من ناحية شايف كلامك فيهو جانب انساني مهم - لكن من جانب اخر شايف لو التشويش اتعمل علي الفيديو ممكن المعني من الفيديو يكون اقل كتير والحاجة التانية مثلا مظاهرات ودنوباوي او الجامعة -مظاهرة فيها ألف شخص - ولو الامن اصلا ح يعتقل الناس دي كلها -المعتقلات زاتها ما ح تشيل ! ناس الامن بكونوا شايفين قدامهم الناس البشجعوا والبهتفوا في القيادة - يعني ما محتاجين يرجعوا لمصدر تاني ! وبعدين صدقيني يا رحاب انتي قايلة الامن دا جايبينو من الاستخبارات الامريكية ويشوفوا الصور والفيديوهات ويحللوها ! ؟ ياخي ديل شغالين بالطريقة السودانية البحتة والتقليدية ( نظام داك يكلم داك و دا يوري دا ) ! واستبعد جدا جدا كلام الاخ ياسر في قيام ناس الامن بالتصوير - ياخي ديل ناس تعبانين ! - بس ببقوا اسود لامن يلقوا الزول جوة غرفهم !
تحياتي
H. Taha |
سلام يا هيثم و ان شاء الله تكون بخير
لا اشاركك الراي انه تشويش وجوة الناس، خصوصا المتقدمة المظاهرات و الظاهرين، يقلل من قيمة الفيديو، و حتي ان قلل من قيمة الفيديو فالهدف اسمي، و هو حماية انسان
التشويش قد يخدم ايضا قضية ازدياد الاعداد للمشاركة، كل من خاف لاسباب تخصة من التعريف، قد يتشجع لو عرف انه لن يمكن التعرف عليه، لكن ده ما الهدف من التشويش الانا اقصده، قصدت فقط توفير غطاء و لو بسيط من الحماية
التشويش هدفه ما حماية كل المتظاهرين يا هيثم، لانه ما كلهم بيكونو ظاهرين بطبيعة الحال، ولا اظن انه قوات الامن ستعتقل كل المتظاهرين و ان ارادت، و لكن يهمها انتقاء اشخاص بعينهم، كقادة المظاهرات، الفيديوهات ليست فقط لتحديد من هم القادة، و لكن يمكن استخدامها كادلة، خصوصا و انه الاعداد لسه ما كبيرة بالحجم اليسمح لهم و لهن بايجاد غطا، حاجة عملتها الحكومة البريطانية بعد مسافة طويلة من مظاهرات لندن، و للان شغالة في المحاكم
احترم رؤيتك لكيفية عمل ناس الامن، و لكن لا اوافقك عليها مية المية. الاحتياط واجب و قصة الصور و التصوير دي بقت عادي تستخدم كادلة و تعريف، فلو الناس المتقدمة او البتلقي الخطب غطت وجهها او قدرنا بصورة ما نحميهم يكون احسن في اعتقادي
طبعا هناك ايضا نظرية انه وجود الناس بصورة معرفة كاملة قد يخدم هدف حمايتهم ايضا، لانه ناس الامن لن يغامرو بان يتناولوهم بسوء
المشكلة انه الواحد يحاول يفكر بمنطق، مع وجود كل عوامل عدم المنطق في الاحداث دي و الله المستعان
I guess the point is, protesters and documenters need to be protected in whichever way deemed useful/possible
|
|
|
|
|
|
|
العنوان |
الكاتب |
Date |
رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-12-12, 09:53 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | معاوية عبيد الصائم | 07-12-12, 09:56 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-12-12, 09:56 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | بشير حسـن بشـير | 07-12-12, 09:58 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-12-12, 10:07 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-12-12, 10:16 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Yasir Elsharif | 07-12-12, 10:19 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-12-12, 10:25 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | هيثم طه | 07-12-12, 12:34 PM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-12-12, 01:23 PM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-13-12, 07:45 AM |
Re: رجاء اخفاء/حماية هوية المتظاهرين في الفيديوهات و الموثقين للاحداث | Rihab Khalifa | 07-13-12, 08:45 AM |
|
|
|