انها ثورة الانصار والختمية ..

Quote: يا جماعة قلنا ليكم الكيزان ديل منطقهم وتفكيرهم ومبرراتهم يخليك تتحسر على حال وطن تحكمه عقليات تفكر بهذه الكيفية .. وانا هنا لا اقصد فدوى فى شخصها فهى اقل من ان يقصدها احد لكن عقلياتهم جميعا تتطابق فى الهبل .... اولا محاولة دق اسفين بين الشباب الثوار والاحزاب خوفا من وحدة تشعل وتزيد من حدة الثورة عملية غبية لا يظن سوى الغبى انها ستنجح ببساطة لان الهدف فى هذه المرحلة واحد وهو اسقاط النظام حتى ولو بالتحالف مع الشيطان دعك من احزاب للبعض راى سلبى عنها ... ثانيا الكلام عن انو دى اجندة حزبية !!! يا اخى دا كلام مضحك جدا . امال انتو عايزنها اجندة هلال مريخية ولة شنو ؟؟ الاحزاب دى سودانية ومن حقها ان تكون لها اجندتها من اجل وطن نراه يضيع بسبب بعض المفسدين اللصوص الذين سيطروا على الوطن ومن حق هذه الاحزاب البحث عن وسائل لانقاذ هذا الوطن ومن ضمن هذه الوسائل التظاهر السلمى حتى سقوط النظام .. بعدين انتو شنو حكاية حزبية وما حزبية دى ؟؟ طيب لو الحزبية حرام المؤتمر الوطنى دا شنو حزب ولة كباريه ؟؟؟ ثالثا حكاية انهم ما بيمثلوا الشعب السودانى دى بتذكرنى بنفس كلام اعوان مبارك .. من يقفون فى ميدان التحرير لا يمثلون الشعب المصرى .. طيب انت مين جعلك ممثل للشعب السودانى ؟؟ وباى حق عايز تحدد للشعب من يمثله ومن لا يمثله ؟؟ رابعا حكاية انو دى مظاهرات لها اغراض واجندة ... سبحان الله من الهبل .. يا عالم المتظاهرين ديل رافعين شعارات واضحة اسقاط النظام ولن يحكمنا لص كافورى وارحل .. يعنى ما دايرة ليها عبقرية عشان تجى تحكى لينا عن اجندة واغراض طالما الغرض مرفوع كشعار فى كل الهتافات ... خامسا حكاية انها طلعت من المساجد.. بالامس كنتم تقولون ان هذه الثورة يقودها شيوعيون وعلمانيون وكفار يريدون نشر الرزيلة والفوضى فى وطن الشريعة ... شكلها الكذبة دى اضحكت الشعب على المهابيل امثال ربيع عبد العاطى فانقلبت الاية لمسجد السيدين فاصبح الحديث عن اجندة ... غايتو يا كافى البلاء بلد يحكمها امثال ربيع ونافع وكرتى بلد شنو دى ؟؟