Re: في محاورة أفكار حسن موسي المطروحة في ندوة فلادلفيا (Re: Sinnary)
سأبدأ بعرض ما ورد في الندوة أولاً ثم تليه تداخلاتي فقط لأنني بطيئ في الكتابة فسأعرض الندوة علي مراحل ركز حسن موسي علي أهمية العمل العام في بناء المجتمع وأن الفن يمثل جانب مهم من جوانب العمل العام ولذلك فإن الحركة الوطنية في السودان إهتمت في نشأتها بالعمل العام فكان الشعراء والأدباء هم عناصر فاعلة في الحركة الوطنية وأن الفن كان بوابة الدكتور للعمل العام والسياسة حيث خلالها عمل علي تجويد فنه عبر التعاون مع منظمات سياسية أو حتي الدخول أحياناً في منازعات قد يتخللها شئ من العنف لكن كل ذلك في إطار المصلحة العامة. يري حسن موسي بأن فكرة الثورة هي من الأفكار التي طرحتها تجربة الحداثة الثقافية في المجتمع السوداني وطبعا ده ما بيعني إنه المجتمع السوداني التقليدي ما كان بيعرف الفن ولا عرف الحداثة لكن المسألة تمت بوجه آخر وفي إطار آخر. حدد الدكتور فهمه لمسألة التقليدي والحداثي أنه يعني بالتقليدي ثقافة المجتمع الراسمالي البتندمج فيها ثقافة الافراد بميثاق القبيلة وبيكون الفرد رهن اشارة الجماعة وبيكون معتمد اعتماد خالص على مشيئة الجماعة البنتمي ليها وما عندو وجود كفرد يعني ما عندو وجود يعني ما عندو وجود يعول عليه كفرد وأنه يقصد بالحداثة النمط الثقافي الذي ساد بدخول السوق الرأسمالي البتنضبط فيها علاقة الافراد بعقد السوق البنظم العرض والطلب من علاقات الانتاج المادية والرمزية الحصلت في المجتمع وأن قيم الحداثة الرأسمالية دخلت مجتمعاتنا ضمن ظروف الهيمنة الاستعمارية يعني السكة حديد مثلا دخلت السودان لأنه الانجليز كانوا دايرين ينقلوا العساكر بتاعنهم بسرعة لي المناطق الحاصلة فيها المواجهة ثم بعد ذلك دخلت الكهرباء دخلت لأسباب لها علاقة بالهيمنة. فقيم الحداثة دخلت مجتمعاتنا من واقع الهيمنة الاستعمارية ومن واقع نبتة الحداثة تحت مجتمع السوق الذي أفرغ الحداثة من معاني التقدم ومن معاني الانسانية المرتبطة بيها لأنو فكرة الحداثة في التقليد الاروبي في عصر التنوير في القرن السابع العشر لما طرحوها رواد الاستنارة والتنوير في القرن السابع عشر والثامن عشر الناس كانوا بفتكروا انو بواسطة التقدم العلمي والتقدم التكنولوجي والروح الانساني الناس ممكن يخلقوا المدينة الفاضلة في الأرض ويجعلوا من المجتمع الانساني جنة فكل الأفكار النيرة دي او الافكار الانسانية المهمة انهارت لما الاوروبيين إبتدوا يفكروا انهم يمشوا يهيمنوا على العالم الجديد في اوروبا وفي امريكا وافريقيا وآسيا وينهبوا ويستعبدوا الناس ومن اللحظة دي الاوروبيين فقدوا الشرعية بتاعت تمثيلهم للحداثة يعني اوروبا كانت قيمة على معنى الحداثة لغاية اللحظة البدا فيها المشروع الاستعماري يتحقق وياخد شكله البنعرفوا بيهو لحدي الليلة. يقول حسن موسي : كونوا الاوروبيين فقدوا مشروعية قوامتهم على فكرة الحداثة ده ما بيلغي فكرة الحداثة لكن ده بيطرح شي جديد إنه انحنا المعترضين على الاستعمار والمعترضين على الهيمنة والمعترضين على نهب الموارد والمعترضين على اذلال الشعوب نحن بوضعيتنا كمعارضين للإذلال الإستعماري بنبقى نحنا القيمين على فكرة الحداثة ، الليلة الحداثة دي حقتنا ونحنا ورثنا الحداثة واي زول في الوضعية بتاعتنا دي هو شخص مشارك في هذا المشروع النبيل المشروع الحداثي البفتكر إنه العالم ما زالت فيهو كمية من الخيرات المادية الممكن الناس يلغوا بيها الجوع ويلغوا بيها مشاكل العطش ويلغوا بيها مشاكل سوء التنمية وممكن الناس يخلقوا بيها مجتمع عادل لو تم توزيع عادل للثروة والخيرات المادية في العالم بتاع الليلة ، ما مفروض يكون في اطفال بموتوا من الجوع والعطش والمرض لانه مثلا مافي زول بيصرف عليهم او يطعمهم او يغذيهم . على اساس هذا التحليل نحنا بنفرز بين حداثة مجتمع المال وحداثة المجتمعات الواقفة في وجه راس المال وعلى الفرق ده بفتكر إنه نحنا بنملّك نفسنا مشروع التنوير البدا في اوروبا بإعتباره غنيمة بالحرب الشنوها علينا وقبل سنتين ثلاثة قريت عبارة طريفة جدا واحد ملياردير من اغنى الناس في العالم الليلة امريكي اسمه وارن بفيت كان بيسخر بيقول إنه زمن طويل جدا الناس بتقول انو مافي صراع طبقات في العالم دي حاجة قديمة اخترعوها ناس ماركيز لكن لو جينا للجد صراع الطبقات موجود وطبقتي انا كسبته والليلة نحن كسبنا صراع الطبقات ومهيمنين في العالم بنعمل الحاجة الدايرين نعملها فهولاء الناس اللي شنو علينا الحرب عشان يستعبدونا وياخدو خيرات بلادنا ويحولونا لمجرد اسواق مستهلكين لصناعتهم هؤلاء الناس هم شنّوا علينا حرب لكن هذه الحرب نحن غنمنا منها مشروع الحداثة اللي هم إتخلوا عنه لانه مشروع التنوير والحداثة الإنساني بشكله الإنظرح بيه في القرن السابع عشر بقى ما بوافق مصالحهم وبالتالي صرفوا عنه النظر نحن طبعا عندنا مصلحة في الحداثة دي والحداثة بشكلها الانساني وبالتالي بنتملكها وبندافع عنها وما عندنا حل غيرها. (عدل بواسطة Sinnary on 07-08-2012, 04:34 AM)

العنوان	الكاتب	Date
في محاورة أفكار حسن موسي المطروحة في ندوة فلادلفيا	Sinnary	07-07-12, 05:04 AM
Re: في محاورة أفكار حسن موسي المطروحة في ندوة فلادلفيا	دينا خالد	07-07-12, 06:37 AM
Re: في محاورة أفكار حسن موسي المطروحة في ندوة فلادلفيا	هيثم طه	07-07-12, 10:13 AM
Re: في محاورة أفكار حسن موسي المطروحة في ندوة فلادلفيا	عبدالوهاب علي الحاج	07-07-12, 11:53 AM
Re: في محاورة أفكار حسن موسي المطروحة في ندوة فلادلفيا	Sinnary	07-07-12, 02:02 PM
Re: في محاورة أفكار حسن موسي المطروحة في ندوة فلادلفيا	Abdalla aidros	07-07-12, 03:57 PM
Re: في محاورة أفكار حسن موسي المطروحة في ندوة فلادلفيا	Sinnary	07-07-12, 05:21 PM
Re: في محاورة أفكار حسن موسي المطروحة في ندوة فلادلفيا	عبداللطيف حسن علي	07-07-12, 05:55 PM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 04:28 AM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 04:30 AM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 05:15 AM
Re: في محاورة أفكار حسن موسي المطروحة في ندوة فلادلفيا	محمد حيدر المشرف	07-08-12, 05:23 AM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 04:03 PM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 04:04 PM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 04:37 PM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 06:56 PM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 09:00 PM
Re: في محاورة أفكار حسن موسي المطروحة في ندوة فلادلفيا	Sinnary	07-08-12, 09:05 PM
Re: في محاورة أفكار حسن موسي المطروحة في ندوة فلادلفيا	Sinnary	07-09-12, 07:55 AM
Re: في محاورة أفكار حسن موسي المطروحة في ندوة فلادلفيا	Sinnary	07-09-12, 07:21 PM
Re: في محاورة أفكار حسن موسي المطروحة في ندوة فلادلفيا	بدر الدين اسحاق احمد	07-09-12, 10:27 PM
Re: في محاورة أفكار حسن موسي المطروحة في ندوة فلادلفيا	بدر الدين اسحاق احمد	07-09-12, 10:27 PM
Re: في محاورة أفكار حسن موسي المطروحة في ندوة فلادلفيا	بدر الدين اسحاق احمد	07-09-12, 10:27 PM
Re: في محاورة أفكار حسن موسي المطروحة في ندوة فلادلفيا	بدر الدين اسحاق احمد	07-09-12, 10:27 PM
Re: في محاورة أفكار حسن موسي المطروحة في ندوة فلادلفيا	Sinnary	07-10-12, 06:23 AM
Re: في محاورة أفكار حسن موسي المطروحة في ندوة فلادلفيا	Sinnary	07-10-12, 06:24 AM
Re: في محاورة أفكار حسن موسي المطروحة في ندوة فلادلفيا	Kostawi	07-10-12, 10:23 AM
Re: في محاورة أفكار حسن موسي المطروحة في ندوة فلادلفيا	Sinnary	07-11-12, 07:59 AM
Re: في محاورة أفكار حسن موسي المطروحة في ندوة فلادلفيا	Sinnary	07-12-12, 05:13 AM
Re: في محاورة أفكار حسن موسي المطروحة في ندوة فلادلفيا	Sinnary	07-14-12, 08:57 AM
Re: في محاورة أفكار حسن موسي المطروحة في ندوة فلادلفيا	عوض محمد احمد	08-22-12, 07:10 AM
Re: في محاورة أفكار حسن موسي المطروحة في ندوة فلادلفيا	بدر الدين اسحاق احمد	08-22-12, 08:19 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]