|
جابت ليها سلطنة زرقاء كمان
|
الحكومة وفي اطار بحثها عن شماعة لتعليق فشلها البائن ارسلت مناديبها للبحث عن هذه الشماعة البشير دقش خلاء (ما كنت بتخيل تروح مني وتخلي الدمعات تصب مني ) وعلق جلابية فشله على دولة جنوب السودان ونسى ان لا يلبس تحتها عراقي او سروال فجلس عاريا يهوزز في عصايتو مع اغنية (براي سويتا في نفسي ) الجماعة التحتو دقشو خلاء الامريكان والصهاينة وما سابو مشكلة والا علقوها في شماعتهم من ضب سنار بتاع الكهرباء الى الاشجار المتآمرة والتي خربت مواسير الموية في الخرطوم وليس نهاية بالبلوفة التي سرقها عملاء الصهاينة والامريكان من بعض الجيوب اليسارية وزير العدل دقش نيابة الثراء الحرام وشايل كيسو منتظر يلقط بعض ما يجود به الفاسدين والجوكية وشكلو ميزانية علاج السرطان والكلى بقت من مسؤولية نيابة الثراء الحرام و وزير العدل اما والي الجزيرة الهمام المجاهد دكتور علم النفس فبالغ كعادته فدقش كتب التاريخ يبحث عن شماعة فرمى بالفشل على عمارة دنقس وعبدالله جماع والتركية والمهدية والاستعمار الانجليزي المصري وازهري وعبود وو...... طيب دكتور علم النفس ناس السلطنة الزرقاء ديل يجيبو من وين ناس زي ناس صابر محمد الحسن والزبير احمد الحسن وعلي محمود وعبدالرحيم حمدي اساطين الاقتصاد الذين قالو لادم سميث قوم لف كدة ولا كدة اما الشعب السوداني الفضل فدقش خلاء الغربة والمجهول والمسغبة متمحنا في هؤلاء القوم الذين قالو انهم اتو لانقاذه !!!!!!!
|
|
|
|
|
|
|
العنوان |
الكاتب |
Date |
جابت ليها سلطنة زرقاء كمان | محمد إبراهيم علي | 07-04-12, 09:43 AM |
Re: جابت ليها سلطنة زرقاء كمان | بدر الدين احمد موسى | 07-04-12, 09:49 AM |
Re: جابت ليها سلطنة زرقاء كمان | محمد إبراهيم علي | 07-04-12, 09:55 AM |
Re: جابت ليها سلطنة زرقاء كمان | Kabar | 07-04-12, 10:01 AM |
Re: جابت ليها سلطنة زرقاء كمان | Ashraf el-Halabi | 07-04-12, 09:56 AM |
Re: جابت ليها سلطنة زرقاء كمان | محمد إبراهيم علي | 07-04-12, 10:23 AM |
Re: جابت ليها سلطنة زرقاء كمان | أحمد ابن عوف | 07-04-12, 10:53 AM |
Re: جابت ليها سلطنة زرقاء كمان | محمد إبراهيم علي | 07-04-12, 11:14 AM |
Re: جابت ليها سلطنة زرقاء كمان | محمد إبراهيم علي | 07-04-12, 02:10 PM |
Re: جابت ليها سلطنة زرقاء كمان | محمد إبراهيم علي | 07-04-12, 02:30 PM |
|
|
|