|
Re: مخاوف الكِتابة في سودانيــز أون لاين (Re: tmbis)
|
Tmbis
و عليكم السلام و رحمة الله
صباح الخيرات عليك و أوقاتك عافية
Quote: ساهلة بمعنى : ممكن تكتبي فيما تجيدنه .. ويكون ليك خط واضح وتلتزمي بيهو تجاهك وتجاه المتلقي .. وعندك ملكة القراية الجيدة والتوقعات لما سيحدث في المنطقة الدخلتي فيها .. دا الجانب الايجابي في مسالة الكتابة وبضمن ليك إنو ليك عددية من المتابعين لفكرك ووجهة نظرك .. ساهلة بمعنى برضو إنك تركبي ليك موجـه راكبه الكثيرين هنـا وهي اسرع طريق للشهرة حال أن كان الكاتب ينشدها .. بمعنى تصطادي في مياه معينة .. تكتبي خبر مستفز .. ودا الجانب السلبي الممكن برضو يصنع نجم في المنبر |
مقارنة ممتازة جداً في نطاق الكتابة السهلة و بالتأكيد السبب الأساسي فيها نفسيّة و شخصيّة الكاتب
و فهمه للأمور لكن حقيقي أسوا أنواع الشهرة إنو الواحد يستخدم طريقة المواضيع المُثيرة و الما فيها فائدة لا للمُتلقي و لا للكاتب سوى الشُهرة البحسها زائفة و بفضل إنه أكون غير معروفة بتاتاً و لا أنشهر بطريقة زي دي
إلا من خلال الكتابة في الحق وبالمنطق السليم في كل مجال
أما الشُهرة الإيجابية اللي ذكرتها في منبر زي سودانيز أون لاين بعتقد إنها جميلة جداً خصوصاً
لما تتنوع المجالات على الأقل بتشعر إنو المنبر فيه حركة ثانية ما مُقتصرة على السياسة و سبحان الله
إهتمامات الناس ما واحد و إن غلب طابع واحد و أصبح شبه عمومي
و أعتقد الشُهرة العفوية بتصنع الإنسان بمعنى إنو الإنسان لو خت في بالو بس إني عاوز أبقى كاتب مشهور
و بس دي ممكن بدل تساعده تتخصم عليه إلا لو فهم إنو للقلم إحترام
و للقضية البيكتب ليها إحترام و لنفسه كذلك إحترام و للقارئ هنا طبيعي جداً بيكون مُميز و بيكسب إحترام بيخليه معروف
للجميع
Quote: صعبة بمعنى : كانت الكتابة هنـا صعبة بالمعنى الحقيقي .. اي نوعية كتابة كانت لها متخصصين هنا بحجم ضخم جدا .. الكتابة الادبية لها نقادهـا بعضهم رافع القزاز وبعضهم كان متواضع لدرجة أنو استفاد منهم الكتير جدا من خلال القراءات النقدية الجميلة وتجيهم ليك بشكل سليم .. فكان لما الواحد يكتب بيضع في بالو الناس المتخصصة الممكن تقرا ليهو ودي كانت بمثابة رعـب حقيقي .. تلاشت هذه الفكرة الآن .. واصبح للاسف كلما يكتب وفي غياب التخصصية يسمى بالاديب .. أو يفترض في نفسه ذلك . |
فعلاً و الله يا تمبس و ده البخلي الواحد بيفكر مية مرة إذا كان
من الناس البتكتب كتابة في الأدب
في إنه يعرض تجاربه أو لا و إذا عرضها موقع كتابته من كتابة العمالقة شنو
و هل حيجد دعم و هل حيلاقي تجاهل و هو في عز الحوجة للراي
و هل فعلاً حيلاقي نقد بناء و لا هدّام خصوصي إذا كان في بدايته
أما عن التخصصية فالزمن بالمنتديات إختلف و بقت الحكاية سهلة جداً في عرض الكتابات و بالتأكيد دي ميزة
بتخلي الواحد يطلع على كتابات قيّمة و غير قيّمة في نفس الوقت و بتدي نوع من الفائدة
لو الشخص عرف زي ما بقولوا ( من أيت تؤكل الكتف)
شخصيّاً لقب أديب ما بيقنعني في أي شخص يُقال عنه أديب إلا بمواصفات مُعينة و
بحرفيه عالية في الكتابة
بس حقيقي برضو في فهم خاطئ في نُقطة التوجيه دي من حتى الكاتب بيفتكر إنو أي توجيه أحياناً
بينقص من قيمته و من قيمة كتابته و برضو كذلك في قصور أحياناً من بعض المختصين و زي ما قلت رافعين القزاز أو بينتقدوا
بتعالي حبتين و أتمنى إنه إذا كانت
و كانت فعل ماضي تكون الآن كمان عشان الناس تستفيد
و الكاتب يبدي إستعداده لقبول الملاحظات
و الناقد يكون أمين جداً
Quote: كان للسياسة خبراء وعلماء .. مجرد ان تحاول أن تكتب فيها لابد وأن تتمكن من كلها فنياتها الممكنة والحوامة في دبلوماسيتها .. اصبح الآن من السهل جدا أن تصبح سياسي .. وسياسي محنك تكتب وتحلل .. وتشطح .. ... |
دي بالذات نقطة كبيرة و بحس مرات إنها مُمكن تكون (خراب بيوت) أي و الله
أو بمعنى اصح خراب مفاهيم و ضياع حقائق و فتن ما ليها أول و لا تالي
و بالجد السياسة دي أنا فيها (0) بس برضو الواحد بيحس بإنو في آراء سياسية بعض مرات
الناس ماشة فيها عكس التيار بدون فهم
Quote: مجموعة ما يطلقون عليهم الضحكونجية أو من لف لفهم .. هم اسهل من استسهل الكتابة في البورد .. لسهولة الحركة عندهم .. وللحقيقة من ابرع الناس في الكتابة .. ومن اجدرهم في القراءة والتحليل .. بالرغم من صعوبة الكتابة في خطهم للبعض .. |
لا تعليق
و دي الحقيقة
أشكرك جزيل الشكر على المداخلة الرائعة أخي تمبس تقديري و عميق إمتناني
كل الود و الإحترام
|
|
|
|
|
|
|
العنوان |
الكاتب |
Date |
مخاوف الكِتابة في سودانيــز أون لاين | هالة الأقرع | 01-02-11, 11:29 PM |
Re: مخاوف الكِتابة في سودانيــز أون لاين | محمد الجيلى | 01-02-11, 11:35 PM |
Re: مخاوف الكِتابة في سودانيــز أون لاين | هالة الأقرع | 01-03-11, 05:58 AM |
Re: مخاوف الكِتابة في سودانيــز أون لاين | هالة الأقرع | 01-02-11, 11:35 PM |
Re: مخاوف الكِتابة في سودانيــز أون لاين | Zomrawi Alweli | 01-03-11, 06:57 AM |
Re: مخاوف الكِتابة في سودانيــز أون لاين | هالة الأقرع | 01-03-11, 05:21 PM |
Re: مخاوف الكِتابة في سودانيــز أون لاين | هالة الأقرع | 01-03-11, 06:32 AM |
Re: مخاوف الكِتابة في سودانيــز أون لاين | almulaomar | 01-03-11, 07:28 AM |
Re: مخاوف الكِتابة في سودانيــز أون لاين | هالة الأقرع | 01-03-11, 05:36 PM |
Re: مخاوف الكِتابة في سودانيــز أون لاين | هالة الأقرع | 01-03-11, 05:40 PM |
Re: مخاوف الكِتابة في سودانيــز أون لاين | هالة الأقرع | 01-03-11, 06:06 PM |
Re: مخاوف الكِتابة في سودانيــز أون لاين | الطيب شيقوق | 01-03-11, 06:17 PM |
Re: مخاوف الكِتابة في سودانيــز أون لاين | هالة الأقرع | 01-04-11, 08:54 AM |
Re: مخاوف الكِتابة في سودانيــز أون لاين | رانيه محمد الشيخ | 01-03-11, 06:22 PM |
Re: مخاوف الكِتابة في سودانيــز أون لاين | أيمن التوم حسن | 01-03-11, 06:53 PM |
Re: مخاوف الكِتابة في سودانيــز أون لاين | الطيب شيقوق | 01-03-11, 07:11 PM |
Re: مخاوف الكِتابة في سودانيــز أون لاين | هالة الأقرع | 01-04-11, 09:05 AM |
Re: مخاوف الكِتابة في سودانيــز أون لاين | هالة الأقرع | 01-04-11, 09:04 AM |
Re: مخاوف الكِتابة في سودانيــز أون لاين | أبوبكر عبد القادر العاقب | 01-03-11, 07:12 PM |
Re: مخاوف الكِتابة في سودانيــز أون لاين | عبدالعزيز الفاضلابى | 01-03-11, 09:07 PM |
Re: مخاوف الكِتابة في سودانيــز أون لاين | يوسف السماني يوسف | 01-04-11, 08:27 AM |
Re: مخاوف الكِتابة في سودانيــز أون لاين | محمد عبد الماجد الصايم | 01-04-11, 08:30 AM |
Re: مخاوف الكِتابة في سودانيــز أون لاين | هالة الأقرع | 01-04-11, 09:18 AM |
Re: مخاوف الكِتابة في سودانيــز أون لاين | محمد عبد الماجد الصايم | 01-04-11, 09:28 AM |
Re: مخاوف الكِتابة في سودانيــز أون لاين | هالة الأقرع | 01-04-11, 09:40 AM |
Re: مخاوف الكِتابة في سودانيــز أون لاين | tmbis | 01-04-11, 09:36 AM |
Re: مخاوف الكِتابة في سودانيــز أون لاين | هالة الأقرع | 01-06-11, 03:54 PM |
Re: مخاوف الكِتابة في سودانيــز أون لاين | يوسف السماني يوسف | 01-04-11, 10:34 AM |
Re: مخاوف الكِتابة في سودانيــز أون لاين | هالة الأقرع | 01-04-11, 09:16 AM |
Re: مخاوف الكِتابة في سودانيــز أون لاين | هالة الأقرع | 01-04-11, 09:09 AM |
Re: مخاوف الكِتابة في سودانيــز أون لاين | هالة الأقرع | 01-04-11, 09:06 AM |
Re: مخاوف الكِتابة في سودانيــز أون لاين | هالة الأقرع | 01-04-11, 09:21 AM |
Re: مخاوف الكِتابة في سودانيــز أون لاين | Zomrawi Alweli | 01-04-11, 09:54 AM |
Re: مخاوف الكِتابة في سودانيــز أون لاين | ابو جهينة | 01-04-11, 12:59 PM |
Re: مخاوف الكِتابة في سودانيــز أون لاين | الطيب شيقوق | 01-04-11, 02:56 PM |
Re: مخاوف الكِتابة في سودانيــز أون لاين | عبدالعزيز الفاضلابى | 01-04-11, 10:44 PM |
Re: مخاوف الكِتابة في سودانيــز أون لاين | munswor almophtah | 01-04-11, 11:19 PM |
Re: مخاوف الكِتابة في سودانيــز أون لاين | هالة الأقرع | 01-07-11, 01:35 PM |
Re: مخاوف الكِتابة في سودانيــز أون لاين | الامام الكيمني | 01-05-11, 09:19 AM |
Re: مخاوف الكِتابة في سودانيــز أون لاين | آدم صيام | 04-01-11, 07:06 PM |
Re: مخاوف الكِتابة في سودانيــز أون لاين | haroon diyab | 04-01-11, 09:52 PM |
Re: مخاوف الكِتابة في سودانيــز أون لاين | هالة الأقرع | 04-02-11, 05:33 PM |
Re: مخاوف الكِتابة في سودانيــز أون لاين | نوفل عبد الرحيم حسن | 04-02-11, 06:08 PM |
Re: مخاوف الكِتابة في سودانيــز أون لاين | Sabri Elshareef | 08-27-11, 04:59 PM |
Re: مخاوف الكِتابة في سودانيــز أون لاين | عبدالدين سلامه | 08-27-11, 05:29 PM |
Re: مخاوف الكِتابة في سودانيــز أون لاين | هالة الأقرع | 03-27-12, 11:26 PM |
Re: مخاوف الكِتابة في سودانيــز أون لاين | تبارك شيخ الدين جبريل | 03-28-12, 00:37 AM |
Re: مخاوف الكِتابة في سودانيــز أون لاين | عزالدين عباس الفحل | 03-28-12, 09:59 AM |
Re: مخاوف الكِتابة في سودانيــز أون لاين | بله محمد الفاضل | 03-28-12, 10:09 AM |
Re: مخاوف الكِتابة في سودانيــز أون لاين | محمد قسم الله محمد | 06-19-12, 10:11 PM |
Re: مخاوف الكِتابة في سودانيــز أون لاين | طارق جبريل | 06-19-12, 10:39 PM |
Re: مخاوف الكِتابة في سودانيــز أون لاين | اسعاد محمدانى | 06-19-12, 11:11 PM |
|
|
|