عفوا سادتي لقد انتزعت مني جنسيتي من قبل -رصيدي لا يسمح

Quote: مت إحالتنا للصالح العام،،،،لقيت روحي بولدين وبنت وأمهم بلا مأوى...لم يكن هناك متسع لنا في بيتهم ولا بيتنا... سكنت في إحدى الخرائب المملوكة للعائلة.مافي وظيفة،،،،مافي تعريفة....اشتغلت بياع في بقالة وكافتريا ودرست في الثانويات....وحين تغرب الشمس يكون ما حصلت عليه 2000 جنيه على أحسن تقدير...لا فطور لا شي لا سفة لا سيجارة....المغرب بشتري بيها كوم طماطم وشوية رغيف لثلاثة أولاد (قادر تتخيل؟ ما أظن)عملت لي صاج بتاع طعمية في الشارع....(لما سافرت....عم .... البعمل المراكيب..قال لي والله يا ولدي أنا انبسطت بسطة بي سفرك دا...والله قعدتك في الشارع تبيع الطعمية كانت بتقطع في قلبي ...في وجود تأهيلك وشهاداتك)قلت ليهو يا عم عوض بالعكس انت مفروض تكون مبسوط إني في كل الأحوال بأدي في عمل مفيد وشريف.....المهم بعد أكثر من 8 شهور بدأ صرف معاشنا الشهري وقدره 3.600 جنية (= نص كيلو لحمة جلافيط)...ذهبت لإدارة المعاشات...وجدت أحد أصدقائي المحالين للصالح العام (عنده ثلاث أطفال برضو) ...قعدنا في العتبة...وقعد يحكي لي أنه أجر (ما يسمى بيتاً) يستر به أولاده في أطراف الخرطوم وللوفاء بذلك باع غرفة نومه والثلاجة والتلفزيون واتجه نحو ثياب زوجته وملابسه....لم اكن قادراً على النظر إليه وهو يحكي ولكن حين فاض بي الأمر استأذنت في الذهاب...كانت الدموع تملاً وجهه...انسحبت بسرعة لموقف الحافلات..وتواريت خلفها لكي لا يرى دموعي.... احكي ليك زيادة يا محمد إبراهيم؟؟؟الليلة الفينا دي....بقى عندي قروش في غربتي الأنا فيها دي...لكن بقيت ما بقدر استسيغ الأكل...بقيت ما بحس بطعم للأكل...وهناك أطفال جائعين.أول مرة رجعت السودان بعد 7 سنين ........لي يوم الليلة أنا باكل وجبة واحدة في اليوم أداء واجب ....واجبر نفسي على تناول شيء يسند طولي في آخر الليل لكي استطيع مواصلة عملي صباح الغد........... فتحت مواجع....