ماذا تعني خسارة الانتخابات للمؤتمر الوطني ؟

Quote: ماذا سيحدث للحزب الشيوعي السوداني ان خسر انتخابات الرئاسة ؟

طيب نجيك في موضوعك الاساسي..

سيناريو فيهو شوية لخبطة وشوية نجر:

ليه الناس الدايرين التغيير دايرنو تغيير استئصالي ،
كدا غلط
أيوة غلط
ليه الناس تخلي معركة الرئاسة دي معركتهم التانية وتهتم بالبرلمان.. أيوة البرلمان اللي هو أقوى من الرئيس!
تحول يكون حقيقي وتدريجي ، يعني سقوط تمثال الطاغية صدام حسين حل مشكلة؟ دا بدا المشاكل.

اسأل نفسك السؤال دا.. ليه الأحزاب كلها ما عندها برامج واضحة تستهدف المواطن.
يعني ما لاقاني برنامج اقتصادي مثلاً واحد فيه شئ من التفصيل واتوزع على المواطنين!

الاحزاب السودانية مستثمرة في برنامج واحد ، وهو برنامج غلط وما فيهو نتيجة.
الاحزاب مستثمرة في اسقاط المؤتمر الوطني. بدون ما يكون في رؤية واضحة لسودان ما بعد اسقاط المؤتمر الوطني.

السبب الثاني يا حبيب انو الاحزاب السودانية دي عارفة انها الحلقة الاضعف في الانتخابات

طبعاً لا يغرنك ترشيح مبارك الفاضل أو نقد أو الصادق أو حسنين للرئاسة ، دا كلو حيتفق مع بعض على مرشح واحد
ودا زاااتو انا خايفو يسقط!
هم عندهم خيارات كتيرة ، بس كلها مرة.
ما ممكن يتفقو ويرشحو ياسر عرمان ، عرمان حيكون الوحيد العارف يعمل شنو بعد سودان ما بعد اسقاط المؤتمر الوطني.
لكن عرمان شنو؟ عرمان يتبع لسلفاكير رئيس حكومة الجنوب الاحتمال ينفصل!

والسيد محمد عثمان الميرغني ، ما بعيد بالمناسبة يقوم يتفق ليك مع المؤتمر الوطني ويضيع الشباب ديل كلهم


ولا ما معروف..يمكن مفاوضات الدوحة الجاية دي ، المفاوضات الحتشهد لأول مرة أكبر اجتماع لحركات دارفور
يمكن تجيب مفاجأة تغير البرنامج كلو

رايك شنو في اللخبتة دي؟

مؤنة كافية من الود