|
Re: ما شقيتك...!! (Re: ابراهيم حسين)
|
محمد عثمان..حبابك يا صديقي.. كتر خيرك على هذه الأيكة الحنينة..و التحية للفنان حسن سليمان.. اذكر انك احضرت نفس الأغنية في يونيو 2007 و كنت بتسأل عن النص كاملا..و كتبت النص..و ضاعت بعض الجمل..هل تصدق نفس النص الذي احضره صديقنا عمك تنقو ياهو ذاتو الكتبتو انت في بوست 2007..و اصبح مدور في كتير من المنتديات.. و لو ملاحظ.. في الفيرشن بتاع استاذنا مصطفى سيد أحمد (كتر خير اخونا ابراهيم حسين لإرفاق الفيديو هنا)..بتجد انو مصطفى غنا مقطع كامل لم يظهر في تسجيل حسن سليمان على الأقل المتوفر في دار الإذاعة..المهم.. انا برضك كنت بفتش على النص كامل..و التحية للنت قرب المسافات.. فاثناء بحثي وجدت النص تقريبا كاملا.زو نشره اخونا ود الشريف في (المنتدى الحر للسودانيين بالكويت) و معه صورة لحسن سليمان..و لمحة قصيرة عن الفنان.. هنا سوف ارفق النصين: المسموع و المكتوب..و ذلك من اجل الفائدة العامة...
النص المسموع:
النص مغنى في الإذاعة
ما شقيتك وانت الشقيتني راعي نص الهوى والغرام
ما جفيتك وانت الجفيتني ما نسيتك وانت النسيتني في بحور الحب كم رميتني وكؤس الصد كم سقيتني بخضم الهوى كم بديتني بخيالك لو كان لفيتني تحي صباً وترعى الزمام
خدو ماسة وثغيرو مبسم حسن يوسف وعفاف مريم نغمة المزمار لو تكلم زينة الازمان لو تكتم الدرر تنساب لو تبسم حكمو جار البي لو يقسم اسلم العشاق للاحكام
حظى اسود من كحل عينو جسمو ناضر و غصين يلينو دثرونى من سهم عينو زملونى من در نغيمو سكري يصفو من غير مدام
(اذكريني لا تهجريني) ( اذكريني و يزداد انيني) ذكريني شوقي وحنيني اوعديني ثم امطليني واصليني ثم اهجريني اذكريني ثم ارشفيني قبلة معسولة ارشفيني الوداع يا مصدر فنونى الوداع يا منبع انينى الوداع ... الوداع حبيبي الوداع
و هنا النص المكتوب:
ما شقيتك وانت الشقيتني راعي نص الهوى والغرام
ما جفيتك وانت الجفيتني ما نسيتك وانت النسيتني في بحور الحب كم رميتني وكؤس الصد كم سقيتني بخضم الهوى كم بديتني بخيالك لو كان لفيتني تحي صباً وترعى الزمام
خدو ماسة وثغيرو مبسم حسن يوسف وعفاف مريم نغمة المزمار لو تكلم زينة الازمان لو تكتم الدرر تنساب لو تبسم حكمو جار البي لو يقسم اسلم العشاق للاحكام
حظى اسود من كحل عينو جسمو ناضر وقوام يزينو بسمة المجروح في عليلو دثرونى من سهم عينو زملونى من در نغيمو سكري يصفو من غير مدام
ما الخضاب الحنن يداك وما الابار الدقن شفاك هل خطيبا طالب يداك ولا زينك قلبوه شين الخضاب الحنن يداي والابار الدقن شفاي ما خطيبا طالب يداي كفي تمسح صبحي ومساي ذاك اثر البكا يامناي بئس حالي بين الانام
اذكريني ثم اذكريني واصليني ثم اهجريني ذكريني شوقي وحنيني اوعديني ثم امطليني اذكريني ثم ارشفيني قبلة معسولة ارشفيني الوداع يا مصدر فنونى الوداع يا منبع انينى الوداع ... الوداع حبيبي الوداع
و استاذنا مصطفى سيد احمد حينما غنا هذه الأغنية.. ركز على هذا المقطع (و لم يظهر في تسجيل حسن سليمان للإذاعة):
ما الخضاب الحنن يداك وما الابار الدقن شفاك هل خطيبا طالب يداك ولا زينك قلبوه شين الخضاب الحنن يداي والابار الدقن شفاي ما خطيبا طالب يداي كفي تمسح صبحي ومساي ذاك اثر البكا يامناي بئس حالي بين الانام
و دمتم...
كبر
|
|
|
|
|
|
|
العنوان |
الكاتب |
Date |
ما شقيتك...!! | محمد عثمان | 02-14-13, 11:16 PM |
Re: ما شقيتك...!! | Osman Musa | 02-14-13, 11:33 PM |
Re: ما شقيتك...!! | محمد عثمان | 02-14-13, 11:57 PM |
Re: ما شقيتك...!! | يحي قباني | 02-15-13, 01:53 AM |
Re: ما شقيتك...!! | محمد عثمان | 02-15-13, 04:52 PM |
Re: ما شقيتك...!! | Haytham Abdulaziz | 02-15-13, 05:48 AM |
Re: ما شقيتك...!! | محمد الكامل عبد الحليم | 02-15-13, 07:51 AM |
Re: ما شقيتك...!! | محمد عثمان | 02-15-13, 11:13 PM |
Re: ما شقيتك...!! | abas | 02-15-13, 08:00 AM |
Re: ما شقيتك...!! | محمد عثمان | 02-15-13, 11:14 PM |
Re: ما شقيتك...!! | محمد عثمان | 02-15-13, 11:02 PM |
Re: ما شقيتك...!! | محمد عثمان | 02-28-13, 00:38 AM |
Re: ما شقيتك...!! | طارق جبريل | 02-15-13, 11:10 PM |
Re: ما شقيتك...!! | محمد عثمان | 02-15-13, 11:17 PM |
Re: ما شقيتك...!! | khaleel | 02-16-13, 08:04 AM |
Re: ما شقيتك...!! | 3mk-Tango | 02-16-13, 10:06 AM |
Re: ما شقيتك...!! | محمد عثمان | 02-16-13, 10:13 AM |
Re: ما شقيتك...!! | saadeldin abdelrahman | 02-28-13, 03:48 AM |
Re: ما شقيتك...!! | ابراهيم حسين | 02-28-13, 06:26 AM |
Re: ما شقيتك...!! | Kabar | 02-28-13, 08:19 AM |
Re: ما شقيتك...!! | أبوبكر محمد عثمان | 02-28-13, 09:25 AM |
Re: ما شقيتك...!! | أمير محمد ادريس | 02-28-13, 09:39 AM |
Re: ما شقيتك...!! | ابراهيم حسين | 02-28-13, 12:24 PM |
Re: ما شقيتك...!! | Kabar | 03-01-13, 04:32 PM |
Re: ما شقيتك...!! | رؤوف جميل | 03-02-13, 01:28 AM |
Re: ما شقيتك...!! | عصام علي أحمد | 03-02-13, 08:54 AM |
|
|
|