يقولون بأن الحزب الشيوعي قد إنتهي .. ولكنهم مشغولون به ليلاً و نهاراً!

Quote: أخونا عاطف مكاوي تحية طيبة الحقيقة ده بوست مهم لأنه يشتغل على نسف إستراتيجية الكيزان في تشتيت المعارضة وإضعاف جماهيرية الحزب الشيوعي لقد أوردت أنه قد تكون لهم شعبة كاملة لمحاربة الحزب الشيوعي الحقيقة ليست شعبة بل تقريباً جهاز كامل قصاد الشيوعيين بقيادة عميد (ايوه والله العظيم) بالإمارة حقق معاي أنا شخصياً ولعلمك التحقيق مع أصغر شيوعي (سناً طبعاً) بيتم في وجود العميد ومساعده (عامل صعلوق) وبلطجي شايل خرطوش أسود ولسانه أبذأ من نطق أما إعتقال الشيوعي الله لا وراك أنا خطفوني بعد مطاردة ولا أفلام الكاوبوي وحاصروا العربية وتلبوا 12 نفر مسلح بكافة أنواع الأسلحة ده حالتو الحزب الشيوعي مات وشبع موت لو كان حي كان طاردوني بالطيران وحقق معاي مدير جهاز الأمن؟؟ أما عن قصة الدين دي بقى خليها ساكت سب الدين في جهاز الأمن ما يديك الدرب والعجب منه الصلاة دي أهم شئ في الجهاز الرسالي طبعاًمنع الصلاة ما لأي سبب لكن لأنهم تيقنوا ان دعوات المعذبين ومظلومين ممكن تغطس حجرهم أها ده كدة والحزب ميت لو كان حي كان حيعملوا شنو؟؟ تعرف اي شيوعي او شيوعية يعرفوها يرصدوها في الماشة والجاية أنا غايتو مباريني من بيوت البكيات لي بيوت الأعراس عاد شوف عيني دخلوا وراي النادي وقعدوا في طربيزة وراي وإتعشوا وشربوا البارد ومرقوا وقفوا برة قايلننا ما بنعرفهم طفيليين أها ده برضو والحزب ميت وشبع موت ياخ والله البوست ده بس حيخلينا نتفشى فيهم خاصة وأنهم فاتحين سودانيز أون لاينز 24 ساعة في كل مكاتبهم ده برضو شوف عيني وبالمرة كدة رسالتي ان الحزب الشيوعي موجود وسيظل ما بقى منحاز لقضايا الشعب السوداني والتحية ليك مع تأكيدي على أهمية هذا البوست