يا أبا الريش: لا تخفي دعمك.. (للانقاذ)...... بهجومك علي المعارضة...في حلفها مع حزب.. (الترابي)!

Quote: سلام يا عاطف و إن شاء إنت و أولادك طيبين أراك والله ترمي أبو الريش بما ليس فيه ! ما ممكن لانو رأيو علي غير هواك طوالي يطلع بيدعم الإنقاذ . يعني الخيارات هسي يا عاطف يا مع الترابي أو مع الإنقاذ ؟ وجود الترابي - أس البلاء لكل مشاكل السودان في العشرين سنه الفائته - في أي كفه ترجح سقوطها و لو كان الحق يعرف بالرجال لما كان الحق مع الترابي أبدا ! أبو الريش حذر من إختطاف الثوره الOn the make دي كما حدث في أكتوبر و أبريل و ده رأي أنا مخالفو فيهو رغم رأيي في الترابي إنو أكتر شخصيه خربت السودان منذ الاستقلال ، لكني مع حق أبو الريش و غيرو في إنهم يقولو رايهم بدون تنميط خاطئ و ظالم . ليه لمن أبوالريش - ولا غيرو - يقول رأيو طوالي تطلعو تنميطاتكم دي ؟ يعني لمن تقول لزول ( لا تخفي دعمك للإنقاذ ) معناتها الزول ده مع الإنقاذ و بينافق في الناس هنا و دي فيها كميه من الإيحاءات و الاتهامات اللي ولا إنت ولا غيرك بتقدرو تثبتوها . يا عاطف إنتو بتنادو بالديمقراطيه و التعدديه و في نفس الوقت بتنمطو الناس و تتهموهم بالبهتان لمجرد خلافكم معاهم في رأي ، يعني إنت هسي أهو ده بكل سهوله طلعت أبو الريش بيدعم في الكيزان ، البمنع شنو إنو الخطوه البعديها برضو بكل سهوله إنو دخلو أبوالريش المعتقل وعذبوه لو إنتو حاكمين البلد دي ؟!