د . صلاح الزين ........... يا أجمل الناس !

Quote: وقت الحكاية كان: صلاح طالبا بجامعة الخرطوم ..... وعضو بالجبهة الديمقراطية وكان في الخرطوم.... ولديهم اجتماع ج د في بحرى ومعه تقريبا زميل آخر (لا أعرف اسمه) وجيوبهم فاضية ما فيها أبو النوم اضطروا يمشوا كدارى .... وجعانين كمان وأثناء ما هم ماشين .....شافوا ليهم شواية (جداد).. النوع البتشوف فيها الجداد بتقلب وقف أمامها : صاحب عربية فارهة .....طلب من الحبشي الواقف قدام الشواية بأن يلف له (4 جدادات) .... الموقف استفزاهم وهم في حالة الجوع تلك وكمان ماشين كدارى مسافة طويلة فقال صلاح للزميل الآخر يا زميل (بتجرى كويس ؟) الزميل الآخر أكد أنه من الجرايين ....صلاح قال ليه استعد يا زميل للجرى قام (خطف جدادة من الجدادات الأربعة .... التي كان يجهزها الحبشي لصاحب العربية الفارهة) وهم جاريين والحبشي وراهم....... مرات أصابع كرعين الحبشي تقرب لكرعين صلاح لغاية ما فتر ورجع مشوا قريب حديقة بيدخلوها الأعضاء فقط .......استطاعوا اقناع الذى يقف علي البوابة بأن يسمح لهم بالدخول لمدة ربع ساعة فقط ليأكلوا الجدادة (ويكون ما بطال لو استطاع أن يحضر لهم رغيفتين وماعون من مطعم الحديقة) وقد كان ...... فقد تعاطف معهم الذى يقف علي البوابة