نفّست

Quote: مساء الخير ياشفيع انت والصحب الميامين الهنا ياشفيع حسب دينكم الفي راسكم ده النار المولعة دي ما سببها سياسات غير رشيدة وفساد وسوء إدارة من الانقاذ؟؟ دي شهادة ياخ طلعها عشان ما يأثم قلبك وطالباها منك يوم الموقف العظيم بعدين أنا زي ماقلت لي علاء الدين مشكلة الإنقاذ مافي هبة الجمعة ولا عصيان السبت ولا الثورة تقوم متين مشكلة الأنقاذ في الأثر التراكمي بتاع الزيادات ومعدلات التضخم المرشحة لي انها تتضاعف وانت عارف انه هم أفلسوا اقتصادياً واخلاقياً ح يحلوها كيف؟؟؟؟الناس دي ح تقيف قريب جدا عن دفع المرتبات وح نبقى دولة لابتعالج مواطنيها ولا بتعلمهم ولا بيتديهم مرتبات اها دولة ماعندها مقومات صمود ووجود تاعبة روحا في مناهدة ومصارعة التيران مالا؟؟؟ عايز تقدم شنو؟؟؟جنوب وفصلوهو بي عائداتو البترولية ومشاريع زراعية وصفوها وانتاج ووقف والكان في خصخصوهو وسفوهو ح يمشوها كيف؟ في ظل حصار دولي كارثي على الاقل البيجي بعدهم ح يكون ما محاصر زي مطلوبي العدالة الدولية بتاعين دبلوماسية علي الطلاق وتحت جزمتنا وجلد الكديس ثم انه بي افتراااااااض انه الجمعة نفست.....فهل صعوبة واستحالة حياة المواطن نفست برضو؟؟؟ هل الضوائق نفست؟؟؟هل الخنقة الاقتصادية نفست؟؟؟؟ هل حقوق الغلابة التعابى الفتارى نفست برضو؟؟؟ هل مظالم الناس وقهرهم نفس؟؟؟؟ لو الحاجات دي مانفست يبقى العساكر ديل ومشايعوهم يأذنوا بحرب ضروس لاح تبقي ولا ح تذر عشان تكون موضوعي كان تقول المطالب ما مشروعة ومنفسة هي زاتا ومافي ضوائق والمواطن مرتاح وغاوي صوم وربط حزام لكن إن بقت الضوائق فقطعاً الجُمع راااااااااااااااااااااااااااااقدة المافي شنو على قول قيقا؟؟؟ اسمعها مني راحة تاني مااااااف الحرب بقت حرب عيش ووجود .