مصطلح ( شذاذ الأفاق ) في الخطاب السياسي السوداني ..

Quote: طبع8اً العبارة مقصودة تماماً، وبالنسبة للبشير ورهطه باقي السودان ديل غرباء، وممكن تقرأ الكلام دا مع ما صرح به والي الخرطوم ونسب الموضوع لأيادي اجنبية ويوهود. ودا كلو ممكن ترجع بيهو للتجويع والكتل البيحصل لي أهلنا في جبال النوبة ودارفور والنيل الأزرق وكجبارز لأنك لم تقنع نفسك إنو الناس ديل (غرباء) بعد داك ممكن تقتلهم بدم بارد. البشير قالها بوضوح، نحن بنتعامل هسه بي مؤسساسات الدولة (شايف كيف؟) لكن ما كلمنا ناسنا. وناسم المجاهدين ديل هم البيقتلوا (شذاذ الآفاق) وقع ليك هسه ليه ناس البشير كانوا بيقتلوا أي أسير بيقع في يدهم. طبعاً كلام كتل الأسير دا شفتو بعيني ديل قدامي في الجبهة الشرقية مش حكي ساكت. البشير بالنسبة ليهو الناس الباقين الماهعاهو ديل غرباء، عشان كده اليوم البيواصلوا في مظاهراتم حينزل ليهم (المجاهدين) و(ناسنا) عشان يواصلوا التذبيح العملوهو في باقى اطراف السودان.