|
|
 Re: اجانب شنو يا معتمد الخرطوم: افغان عرب مثلا..ولا جيش رب يوغندي ..!! (Re: قرشى محمد عبدون)
|
قرشي..حبابك يا صديق
كتر خيرك على المرور من هنا..
النظام يريد ان يلعب على المتناقضات..و خروج اهل السودان في الأيام الماضية اثبت ضعف حيل النظام..
الجوع يا قرشي لا يفرق بين هذا عربي و هذا غير عربي..ولا بين هذا سودان قديم أو سودان جديد..ولا بن متدين و علماني.. عشان كده الناس مرقت جميعا و بصورة تلقائية..!
كنت اتفرج على احد فيديوهات المظاهرات و معى بعض من الكنديين..و علقوا على مظهر بسيط لم انتبه له قط: و هو صورة امرأة سودانية بالنقاب و العباية السودة و هي تتقدم صفوف المتظاهرين و تصرخ : لأ.. لأ.. للغلاء.. فقال الكنديين: طيب ما قلتو الحكومة اسلامية ليه المسلمات بيعارضنها؟..
و ياهم ديل ناس السودان..و مرقوا جميعا من غير تمييز..فلا خوف عليهم تب..!
اما الغرض من هذا الخيط.. أن نقول للنظام: كل الحيل معروفة و مكشوفة..و البيتو من قزاز ما بيجدع الأخرين بالحجار..!!
المخرج الوحيد: وقف الحرب فورا أو الذهاب غير ماسوف عليه..!
كبر
|
|
  
|
|
|
|
|
| |
Kabar
فيس بوك
تويتر
انستقرام
يوتيوب
بنتيريست