|
|
 Re: أخير نكون واضحين من هسّي... (Re: محمد البشرى الخضر)
|
سلام يا محمد.. النقاط التي طرحتها هي فعلا المهمة: الإحتكام للشعب في إنتخابات حرة و(ديمقراطية).. وأن لا إقصاء لشخص أو حزب إلا بحكم القضاء المستقل النزيه الخ.. طبعاً حكاية الجيش ما يتدخل في السياسة والحكم هي بالمناسبة ليست موضوع منفصل عن الديمقراطية بل هو من شروحات ومستحقات الديمقراطية: أن يكون الجيش (خاضع لسيطرة) الحكومة المدنية المنتخبة زي ما حاصل في العالم. أو على قول الكيزان الكل ما سألوهم يقوليك: ما أوربا وأمريكا فيهن مشاكل.. نحنا زااتنا داير حكومة زي بتاعة أوربا وأمريكا: يعني الجيش دا بس الرئيس يقول ليهو تمشي العراق يمش. خلواّ العراق أمشوا أفغانستان ينفذ بس من سكات.. التجارب السابقة في السودان ورتنا إنو فعلاً كانت تقوم إنتخابات ديمقراطية بعد سقوط الدكتاتور بثورة شعبية.. لكن السؤال والمشكل يظل قائم: أي ديمقراطية نريدها.. أو بمعنى آخر يتخوف الكتيرون من عودة الأحزاب القديمة والزعامات الأبدية لها الخ.. يبقى نحنا في الأول محتاجين لينا فترة طويلة جدا من الديمقراطية عشان نتعلم فيها الديمقراطية (شفت أم غلطلط دي كيف؟!).. يعني برضو ـ تاني ـ نبقى زي أوربا وما يكون التصويت قائم على اساس ولاء قبلي أو طائفي أو جهوي أو إثني ومناطقي الخ.. عشان ما بعد كل عشرين سنة عسكرية تجي سنة أو سنتين فيها حكومة مدنية و(يعّيرونا) بيها بعد داك العمر كلو: الأحزاب عملت شنو؟؟.. باختصار أنا داير أصل لي إنو ما ممكن نمارس الديمقراطية البتخلينا نختار الأحزاب أو المرشحين لما يطرحوه من برامج ويتوافق مع أو يقترب من أفكارنا وطموحاتنا ورؤانا كناخبين إلا بالممارسة العملية.. وعشان نتعلم دي دايرين لينا بقى زي تلاتين سنة كدة من العك الديمقراطي، نكون عملنا فيها خمسة ستة إنتخابات وجربنا مختلف النظريات السياسية في الحكم لأنو الحاجات ما بتجي بالأماني ولا بالقرارات الثورية ولا بستوردوها من الصين.. لكن هذه مسئولية الأحزاب (الديمقراطية.. ودي كمان أم غلوطـية تانية!).. ومسؤلية الطبقة المتعلمة (أو الوسطى أو المثقفة أو سمها ما شئت)..المهم في البداية والنهاية: الآن على الشعب أن ينجز ثورته وينعتق من جلاديه.. عندها سيتغير كل شي.. وكنت كتبت في بوست آخر أن دكتاتورية الإنقاذ؛ وهي دكتاتورية جماعة فاشية زي الكيزان؛ تختلف تماماً عن الدكتاتوريات السابقة: عبود ونميري.. لذلك فالتجارب والخبرات والدروس المستفادة ستكون جد مختلفة.. والقادم سيكون مختلف.. وربما لولا الحرب العالمية لما راينا أوربا (مرة تالتة!) القوية الموحدة التي لا يمكن أن تسمح بقيام حرب اخرى فيها..
ـــــــ
الصورة دي وجدتها عند صديق (ما سوداني) في الفيسبوك وعجبتني وتاسب الموضوع!
|
|
 
|
|
|
|
|
| العنوان |
الكاتب |
Date |
| أخير نكون واضحين من هسّي... | محمد البشرى الخضر | 06-24-12, 01:52 PM |
| Re: أخير نكون واضحين من هسّي... | محمد البشرى الخضر | 06-24-12, 01:57 PM |
| Re: أخير نكون واضحين من هسّي... | العوض المسلمي | 06-24-12, 02:02 PM |
| Re: أخير نكون واضحين من هسّي... | محمد البشرى الخضر | 06-24-12, 02:16 PM |
| Re: أخير نكون واضحين من هسّي... | محمد البشرى الخضر | 06-24-12, 02:07 PM |
| Re: أخير نكون واضحين من هسّي... | محمد على طه الملك | 06-24-12, 02:49 PM |
| Re: أخير نكون واضحين من هسّي... | حسن البشاري | 06-24-12, 02:53 PM |
| Re: أخير نكون واضحين من هسّي... | محمد البشرى الخضر | 06-24-12, 09:27 PM |
| Re: أخير نكون واضحين من هسّي... | Isa | 06-25-12, 00:01 AM |
| Re: أخير نكون واضحين من هسّي... | محمد البشرى الخضر | 06-25-12, 08:58 AM |
|
| |
فيس بوك
تويتر
انستقرام
يوتيوب
بنتيريست