|
Re: اضبط سرقة :أشعار صلاح الغول بواسطة عضو في منتدى بوابة حلفا (Re: الامين موسى البشاري)
|
ودي نازلة بضبانتها وبالمقدمة حقت صلاح الغول
كلماتي هذهِ نازله في كثير من المواقع والمنتديات السّودانيّة،أحياناً مع ذكر إسمي وأُخرى من غير ذكر الإسم ويهُمُّني جداً أنْ أُثبِتُها هُنا لأنَّها تدور حولَ كلمة (زول)الحبيبة إلى نفس كُلَّ سوداني والتي لها فيضٌ من المعاني السّاميه كُلٌ منها أجمل من الآخر ولذلك فهي خيرُ ما يُعبِّرُ عن أصالتك وعن جمالك أيُّها الزّول الحبيب .. مناسبتُها أنّي رديت على واحد مِن مواهيم إحــدى الدول العربية على الهاتف بجملة (نعم يا زول)،غفراللهُ لنا وله، فرد علي ممتَعِضاً ومُستاءً : بتقول زول ليه شايفني لافي بتاعه على دماغي ..
... أنا الغلطــان ... تقول لي زول؟! بقول ليك زول !! مالو الزَّول؟ و انت بتعرِف إيه للزّول ؟ لديح وجهول كمان زعلان خلاص يا سيدي أنا غلطان شطحتَ وكنت قايلك زول زول الماهو عاجبك ده الله الخلقو .. وخلقو كده سُمرة لونو من لون طينو يبقى الفرق بينك و بينو إنِّو نضيف و ابيض قلبو عارف قدرو شاكر ربَّو ساتر عرضو ماسك دينو مُخلص أمين وديع و رزين حشيم القول بديعو رصينو عفيف وظريف لطيف في حنينو أسد في الحاره لابختاك و لابرجاك تجيو في عرينو أكان بى حدره بادرتو بيتلقاك بى عتره وبستناك تقول الرّوب قبل ما يشممك سكينو يا بتّوب ... يا حي ووب يا بِوسِّدوك الطوب والراجل يحمِّر عينو كمان بى كلمه بتخاويهو وبى بسمه بجيك خيرو لا بتقدر تعيش من دونو لا بتختاهو لى غيرو زول الماهو عاجبك ده بلا توجيه ولا تعليم أديب و فهيم هميم وكريم و فطرة ربُّو من يوم خلقو لا فتّان و لا خوّان أخو أخوان بِكَفّي الألف و الألفين من الضيفان و لو اضطرّ يرهن ولدو و انْ ما كفى باع بيت أهلو و الجيران زول الماهو عاجبك ده يوم تحتاجلو بتلاقيهو أكان ورطان وكان جيعان و كان وجعان و كان سجمان قبل تتأوه و تناديهو يمين في أقل من بُرهه و بين مد الألف و الها قَبُل ناسَك بجيك حفيان بضمِّد جرحك و بداويهو بكتل أبدرقه بى إيديهو بِطَفّي الواقده بى رجليهو ما بتغباهو لما تدورو بتلاقيو مكان حاريهو اللافيبا راسو الزول و متباهيبه إسمها عمه سنة سيد الأسياد المعصوم شفيع الأمه و سيما الأوليا الزهاد قلال الزاد كبار الهمه و تاج العزة و الجبره و رمز الطيبه و الحكمه و الملفوف على المبروكه إسمو التوب لباس العِفّه و الحِشمه أزيدك من فضول القول ولا خلاص عرفت الزّول ده جمل الشيل دُخري الحُوبه فارس العتمه ساري الليل لبيب و زكي و نجيب بلحيل فهيم فهماً يهد الحيل تقول لي ما فِهمتَ عليك أعيد القتو ليك تاني ! واجيب فهامه عاد من وين كلامي القتو ألماني؟ أخير ليك تمشي تختاني وتنسى الزول و تنساني وفوت قبال تعاديني و اقول اللوح ده عاداني و يكفي الزول و يكفيني إني و إنو سوداني
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-11-12, 10:19 PM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-11-12, 10:23 PM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-11-12, 10:28 PM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-11-12, 10:34 PM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-11-12, 10:41 PM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-11-12, 10:54 PM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-11-12, 10:57 PM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-12-12, 07:28 AM |
Re: اضبط سرقة :أشعار صلاح الغول بواسطة عضو في منتدى بوابة حلفا | نايف محمد حامد | 06-12-12, 08:34 AM |
Re: اضبط سرقة :أشعار صلاح الغول بواسطة عضو في منتدى بوابة حلفا | الامين موسى البشاري | 06-12-12, 08:41 AM |
Re: اضبط سرقة :أشعار صلاح الغول بواسطة عضو في منتدى بوابة حلفا | عبدالرحمن الحلاوي | 06-12-12, 08:54 AM |
|
|
|